شلونكم حبايب ❤️🔥
تكمله البارت و غلسو عالسحكات 😅 ...
دنيا : شنووو !!
شنو يجون شنو يخطبوني شدتحجون !!
ام ايهم : شبيج خالات الناس جايين حتى يتعرفون علينه ويتقدمولج ...
التفتت على خاله زينب وجدي بصدمة واستهزاء :
واني اخر من يعلم !!!
ام ايهم : ليش اخر من يعلم مو كعدتي ويه الولد وحجيتي ويا والعالم ضلو ينتظرون خبر منه عاد احنة كلنه مدام كعدت ويا اكيد صار تقبل فكلنالهم يجون حتى نتفق خير البر عاجل ...
دنيا : منو كال اكو تقبل اصلا و شلون تصرفتو بلة مترجعولي و مكلفتو نفسكم حتى تاخذون رأيي !!
اباوع لجدي عاكد حاجبه ويباعلي ببرود ...
التفتت على خالتي بعيون مدمعه خاله ؟!
زينب : حبيبتي جايين تعارف عائلي لا اكثر ولا اقل مراح نلبس حلقات اليوم فعلى كيفج ليش هالانفعال...
بأنفعال وعصبيه جاوبت : حتى لو حتى لوووو مو من حقكم تقررون عني وتخلوهم يجون اصلا !!!
حقي بحزم : دنياااا ... صوتج ميعلى ...
دمعت عيني من اسلوب جدي ...
ام ايهم : شدعواج تهسترتي ليكول ماخذيج للعدام مو جاييج خطابه ... صدك جذب ...
بلعت ريكي احس الغصة البگلبي خنكتني ممصدكة برودهم ولا الموقف الحطوني بي ...
حقي : عوفونة لوحدنة ...
طلعو خاله بثنيه وخاله زينب واني بقيت لوحدي وية جدي الخازرني ويباعلى بنظرة خلت جسمي ينتفض بتوتر ...
رفع حاجبه وحجة بنبرة حادة : وهسه احجيلي على شنو معترضة ؟
دنيا : على كلشي جدي ... ترة اني الحتزوج مو احد غيري شلون تقررون عني وفوكاها حتى منطيتوني علم ولا وقت افكر بي !!! لهلدرجة مستخرديني !!
تنهد و خزرني : اعتقد نطيناج مجال ووقت هوايه تعيشين حياتج مثل متريدين ....ولحد هالحظة بقيتي حرة نفسج والقرار قرارج ومسمحت لاي احد يدخل بيج او يفك حلكة وياج ..
تالي شستفادينة ؟
سنين عدت وانتي على نفس الحطة لا فكرتي بعمرج الديعدي و لا فكرتي بيه ولا كلتي خل افرح هالعجوز المسكين قبل ليموت ...
باقية تنتظرين وشتنتظرين الله اعلم ...
دنيا بارتباك : شنتظر يعني ؟ جدو اني بيا حاله متشوف حياتي كلهه شغل بشغل شلون تريدني اتزوج واني وكت للنوم ماعندي ؟
حقي : محد كلج ذبي نفسج بشغل هيج و المن هالتعب اذا حتكضين عمرج وحيدة ؟!
الدتسوي زايد منج وماله داعي بنهايه انتي مرة مو رجال ومطلوب منج تكونين نفسج قبل الزواج ....
دنيا : ليش المرة من تكون نفسهه وتصير مبعازة احد ميعتبر انجاز !!
بالعكس من يكون عندي شغل وممحتاجة احد حكدر اعيش احسن عيشه وحتى بدون رجال ...
أنت تقرأ
النصف الآخر
Romanceيعود حب طفولتها الأول ...بعد إنتظار دام سنين طويلة... لكنها تتفاجأ بأنه لم يعد ذاك الفتى الصغير اللذي احبته ... أصبح باردا قاسي بلا قلب ولا ذكرى لها .... هذا ما فعلته اوجاع الدنيا واقدارها وماضيه به... فهل سيكون لها أمل بأن تمحي ماضيه الأليم ؟ و...
