النصف الآخر

بارت ٥٣

أيمن : طلعيلي ... اني اباب المحل ...
دنيا : اباب المحل !!!!
بخوف وارتباك ذبت موبايلهه ..بقت تروح وتجي بمكانهه بتوتر ...
شسوي هسة !!!
ياربييي ... بلعت ريكهه وحاولت تسيطر على خوفهه...
هدأي ....لتصيرين جبانة ... لازم تسمعي وتفهمين شيريد منج ... اخذت نفس بوجه احمر و وجسم يرجف طلعت برة ... لمحته يكلب بموبايلة وواكف كدام محلهه بقلق ...
رفع عينه رأسا من سمع صوت الباب وتبادلو النظرات المرتبكة بينهم ...

بعد دقايق ...

أيمن ودنيا كاعدين بمحله على احد الطاولات...
السكوت جان سيد الموقف ...
دنيا مدنكة راسهه بأرتباك وتحاول شكد متكدر تتجنب عيونة ...
اما ايمن فجان يسترق نظراتة الهه بتوتر وهو يحاول يلكة جملة مفيدة يبدي بيهه كلامة ...
دنيا رفعت عينهه بنظرات متوترة وباوعتله بأنتباه بعد ما اخذ نفس وحجة فجأة ...
أيمن : اوصلج للبيت ؟؟
رفعت حاجبهه بأستغراب من سؤاله ....
يحاول يخفي وجهه المحمر وملامحه المتوترة ...
بلعت ريكهه بأرتباك : لا شكرا ... جاية بسيارتي ...
ضل ساكت بملامح متنقري ميعرف ليش سأل هالسؤال المالة داعي اصلا ....
دنيا : جيتني لهنا حتى ترجعني للبيت ؟؟!!

تنهد بتعب بعد ما فقد صبرة اخيرا وباوع عليهه بنظرات ثابته : لا ...
دنيا رفعت حاجبهه بتوتر وعدم فهم ...
أيمن : جيت أكمل كلامي وياج ...
بلعت ريكهه بأرتباك ودارت وجهه ...
ايمن : ادري انتي هسة دتنتظرين مني تفسير للصار البارحة ...
هي بخجل وتوتر منزلة عينهه تسمع كلامة ...
أيمن : بصراحة ... اني مجيت لهنا حتى افسر او أبرر ...
رفعت حاجبهه بحده وتفاجأ :
لعد ليش جيت !!!
أيمن تنهد وبادلهه النظرات الحادة :
سمعي ولتقاطعيني ... خلي اكمل كلامي وبعدهه احجي التردي ...
سكتت دنيا بغضب وباوعتلة صفح ...
أخذ نفس وحجة بنظرة ثابتة : شوفي دنيا ... تدرين بيه ماحب اللف ودوران ... راح احجي بصراحة احسن الي والج ...
الصار البارحة ... اني مندمان عليه ... واذا جنتي تنتظرين مني اعتذار عالسويتة فمراح اعتذر ...
دنيا ابتسمت بأستهزاء و باوعتله بغضب ...
* حلو ... يعني هاي فوك جفصتك متريد تعتذر !! علأقل بررلي تصرفك !!! انطيني اسبابك خلي افهم !!*

لاحظ أيمن ملامحهه الغاضبة... باوع بعينهه بنظرات ممفهومة وحجة بصوت مرتبك : الصار واضح معنى و ميحتاجلة تفسير ...
تنهد واخذ نفس وكمل ....
اني رايدج ...
دنيا بخجل فتحت عينهه وبلعت ريكهه بوجهه احمر ...قلبه كام يدك بسرعة جنونيه ...
بلع أيمن ريكة وفرك رقبته بخجل :
يعني اقصد ...
رايدج تكونين بحياتي ... وكدام عيني دائما ...
اريد ابدي وياج بداية جديدة كأنو تونه التقينا ...
باوع بعيونهه بنظرة خلت دنيا تبهت بمشاعر مرتبكة وخجل :
مستعدة تجازفين وياية ... و نبدي من جديد ؟!!
بصدمة واستغراب حجت : نبدي من جديد !!
أيمن هز راسه وبادلهه النظرات بأرتباك...
سكتت شوية تفكر ... بعدهه حجت بألم : وهاي حتكون بداية رقم شكد أيمن ؟! نسيت كم مرة بدينة احنه وشنو جانت نهاية هالبدايات !!
أيمن تنهد بتوتر: لا منسيت .... بس هالبداية تختلف  ...
دنيا : بس ايمن !!
أيمن : ماعدنة حل ثاني  ...
كوليلي عاجبج وضعنة هذا !!
تنهدت بألم وسكتت ...
أيمن بنظرة حزينة باوع بعينهه :
دنيا اني تعبت ... تعبت منهل الوضعيه و ماكدر اعيش بهالعذاب اكثر  ...
و ادري هالشي مو سهل ... لا عليج ولا عليه ...
بس مابيهه شي اذا حاولنة ...
دنيا : متشوف الدتحجي صعب !! ... بعد كل العشنا والاذية السببناها لبعض ... شلون حنكدر ننسى كولشي ونبدي من جديد !!!
ايمن : مكتلج ننسى حالا ... كتلج نحاول....
دنيا تنهدت دموع تجمعت بعينهه ....
زفر بتوتر وحجة :
شوفي ... اني ماكدر اضمنلج انو ممكن ننسى او تنجح هالعلاقة من الاساس ... ولا اني الانسان اللي ممكن يكون التعامل سهل ويا ... وحقج اذا ترددتي و رفضتي ...
بس ... لازم تعرفين ... مهما يكون قرارج بخصوص هالموضوع ...
اني مستحيل اطلع من حياتج بعد ... حضل موجود بيهه وادخل بيج مثل هسة واكثر ومراح يتغير شي ...
دنيا فتحت حلكهه بصدمة وابتسمت بألم :
يعني بالحاليتين مختلف شي ... حنضل نتعذب ومراح تكون اكو نهاية لهلعذاب مو !!!
أيمن تنهد بألم : و ليش نضل نتعذب يعني اذا قررنة نكون سوة !! ...
بلعت ريكهه ودارت وجهه تفكر بحزن :
ماعرف بس ...اذا صارت هالعلاقة ... شنو اليضمن كولشي حيمشي تمام وحنتفاهم !! شنو اصلا اليضمن مراح نتأذة بعد ولا نعاني مثل هسة ؟
أيمن : ماكو اي ضمان ...
دنيا بخوف تنهدت ودنكت راسهه دموعهه نزلت على خدهه بحزن ...
اخذ أيمن نفس بأرتباك وكام من مكانة ... تقرب عليهه ولزم وجهه برقة ورفعه اتجاها ... بنظرة مرتبكة وهايمة باوع بعيونهه : دنيا ...
دارت عينهه المدمعة وباوعت بعيونه بحزن ...
أيمن : الشي الوحيد الاكدر اضمنة ... انو ححاول بكل ماعندي حتى تنجح هالعلاقة ... حتى لو ... بلع ريكة بتوتر ... حتى لو هالشي اطلب اغير من نفسي في سبيل نكون سعيدين ... المهم تكونين بجانبي ومتستسلمين بنص الطريق  ...
دنيا بلعت ريكهه بأرتباك ونزلت راسهه بخجل تفكر ...
أيمن : فكري بالموضوع زين واخذي وكتج  ... بنهاية مراح اجبرج على شي ....
ابتسمت دنيا وباوعت عليه بشك : متأكد متجبرني ؟
أيمن بادلهه الابتسامة: ححاول ...
تنهد بملامح ممفهومة وشاف عالساعة بقلق ... ساعة 10 بليل :
تاخر الوقت ... شوكت ترجعين ؟
دنيا مسحت دموعهه وكامت : فد شوية ارجع ..
باوعلهه بقلق بداخله فكر شلون حيخليهه تسوق بهالوقت بس مضطر يسكت مراد يضغط عليهه اكثر ...
بلع ريكة بتوتر وراد يطلع من المحل : ماشي ... اني رايح ...
دنيا بأرتباك : أيمن ..