النصف الآخر

الجزء الثاني _بارت ٨٨

لَم أكن أرضى بالتخلي ..
لكنك دفعتني بكل ما تملكُ من قوة ،
ولأول مرة .. أشعر أني لا أرغب بالمحاولة .

*************

قبل ١٠ ايام ..
ايمن : ها احمد ... حصلت اجازة وانت حتجي وياية فلم غراضك بسرعة انتظرك اباب المقر

احمد : صدك والله اني هم حصلتلي ؟

ايمن : اي شداغلي يلا بسرعة لتأخرني .
احمد : جايك جايك بس مجايب قاط شلون فشلة
ايمن : نحلهه بطريق فضهه .
احمد : خوش لعد وعرس ولود هيل وطش بلولاية كللللوش
ايمن : وجع

سديت المكالمة منه وتشكرت من العميد لان سوة المستحيل علمود انزل اليوم وطلعت مستعجل ماريد اتأخر على العرس وعدته ازفة بيدي .
انتضرت نص ساعة واجاني احمد يركض ركبنه السيارة وانطلقنه لبغداد اللي مشايفهه صارلي اكثر من ست اشهر ..

احمد : اييي مكتلي شلون كدرت تحصل استثناء  ؟
ايمن : طلعت البارحة وياهم ونفذت المهمه ..
احمد بصدمة : يا مهمه ولك  !!! قصدك المهمة التخص سرب *** !!
ايمن : همممم
احمد : وشلون تطلع وياهم !! مو مانعك الطبيب تطلع بهيج مهمات !
ايمن : طلعت بعد احمد
احمد :  زين وشصار كدرتو تلكوهم
ايمن : نسفناهم ..
احمد : والله عمي سباع ... داكووول عتقك صارلهم شهور لازميك  من خوانيكك ليكول بس انت بالمقر ترقيت انعل لشتهم ...
بلعت ريكي بتعب  : احمد من يمك افتح الچكمچة  شوفلي شريط احمر
احمد : اي هياته
ايمن : انطيني حبايتين
تنهد و نطاني حبايتين وبطل مي
شربتهن وعكدت حاجبي بألم متنهد
احمد : تريد اسوق ابدالك ؟
ايمن : نوصل للبانزين خانه وانت كمل
احمد : خوش ...
سكت شوية وراها حجة بتردد : متشوف روحك دتروح زايد بشغل و ودتضغط على نفسك ؟
ايمن : واجبي هذا اعوفه مثلا
احمد : مكلت عوفه بس بالمعقول مو اشمر نفسي بتهلكة !
ابسط شي واجب البارحة مجان المفروض انت تطلع وهمه شلون وافقو ماعرف ...
ولو همه شهامهم مريض مگرم اهمشي عندهم تتنفذ المهمه واحنه يطبنه مرض ..
ايمن : مالة دخل احمد   ..
من تستلم منصب لازم تكون كدة وتعرف ورا فروض وواجبات غصبا عنك تأديهن وانت الممنون
سالفه مريض تعبان هاي مو عذر ..

احمد : اي واجبك آمنت بالله  بس مو حارميك من ابسط حقوقك مستلميك اكس مربع ومنازل صارلك مدري كم شهر و كلما تريد تنزل يسوولك انذار ميكولون عندة عائله عندة اهل محتاجي ولو كوله صوجك انت منطيهم مجال ..

ايمن :انت كلتهه برضاتي فكافي تلغي دوختني ..

احمد : يعني مجاي تحس احد وازهم عليك؟!
سكتت مجاوبته لان فعلا كلامه صح القيادة الهم غايه من مبقيني بدون نزول كل هلفترة بس سكتت وغلست بمزاجي لان بنهاية الموضوع اجة بصالحي وسهل عليه قراري بأن اعتزل العالم و اتخلى عن كلشي ...
اي تخليت عن هواية امور ولا زلت اتخلى ومستمتع بهلشي وامارسة بتلذذ ...
لان التخلي هو سلاحي الوحيد ضد الناس التربطني بيهم صلة او دم ...
احسن مما أأذيهم و أكلب حياتهم جحيم حطيتلهم بگلبي قانون ومستثنيت منه احد ..
اليأذي  بشعرة ادوسة بالقندرة واشمرة بمزبلة ذكرياتي عسى ما روحي بي .