لا أستطيع أن اقترب ولا أن أبتعد
لا أستطيع أن أنسى ولا أن اتجاوز
فأهلا بِكَ في المُنتصف المُميتْ
*****************
قبل اسبوعين
احمد :
كاعدين اني وايمن بالمقر وايمن مشتعل بركان بسبب هواية امور دتنحاك من وراه ناهيك عن خلافاتة الدتزيد وية باقي المنتسبين واخرهه وحدة من الفرق التابعه للسرب التحت إمرتة طالعة بجولة بدون اذنه وهلشي خلا يفقد اعصابه ويتحلف ويتوعد وبالشافعات يلا كدرت اهدي شوية ..
ايمن : وين حمزة
احمد : شتسوي بي ؟
ايمن : شوفليا وين بسررعة
تنهدت بيأس وطلعت ادور عليه ومن سوء حظ حمزة لكيتة كدامي ..
اخذته ورجعنه لأيمن اللي بس الله وحدة يعلم شلون لازم نفسة لحد هسة ومنفجر بيهم ..
دخلنه اني و ملازم حمزة اللي كام يطگطگ بس سمع ايمن رايدة ..
حمزة : نعم سيدي
ايمن : وين جنتو الصبح ؟
حمزة بتردد بلع ريكة ونطق بصعوبه : سيدي ...
جنه بجولة استطلاعيه
ايمن هز راسة بعصبيه يحاول يسيطر على غضبه :
هممم حلو ...
حمزة بتوتر :
سيدي اني مالي دخل ... اجة عليه نقيب علاء وكلي لازم نطلع جولة واني كل ضني الاوامر من يمك صدرت فنفذت ماعندي علم انت متعرف بهلشي !
هز راسة ايمن بوعيد : كتلي نقيب علاء ؟
حمزة : نعم سيدي
ايمن : صيحليا
احمد بهمس : عوفه لهذا ال**** امشينه نروح للقيادة نفهم منهم احسن .
نتر بحمزة ومعارلي اهتمام : يلا حمممزة
هز راسة وطلع يركض وايمن بملامح حادة ينتظر وينقر الميز الكدامه بهدوء ..
احمد : ترة ماله داعي الدتسوي الامر هذا من فوك مبينه حي عالصلاة لتحط راسك براسه خيولي !
ايمن : لا ماحط راسي براسة انما ادووووس راسة بقندرتي وامشي ..
هزيت راسي متنهد بيأس ادري بصاحبي محيسكت وحقة !!
المشكلة هو يعرف غايتهم بكل الديصيروحقة ميسكت بس خايف لا يسوي شي يندم عليه وذولة مالهم صاحب صديق كبل يشلفو وينهون مسيرته وميرفلهم جفن ...
شوية ودخل علينه علاء لا ضرب التحية مثل العادة لا صخام بعينه وكف رافع تك حاجب معاجبة تحت انظار ايمن اللي يباوعلة بنظرة بس الله يعلم بيهه .
ابتسم علاء من لمح نظرات ايمن الحادة وحجة ببرود : ردتني ؟
ايمن بنتر :
وين جنت ؟!!
تنهد علاء بعدم اهتمام وحجة ببرود :
جولة استطلاعية بمنطقة ****
ايمن : همممم جولة استطلاعيه ..
علاء باستفزاز : اي وشكو؟!
اشرت لعلاء يسكت بس علاء مهتم وخزر ايمن اللي بدة يفقد اعصابه وتظهر ملامحة المظلمة
باوعلي علاء وبتسم ببرودد : عود شنو تأشرلي اسكت مخايف من احد اني !
ايمن :لا انت هواي طوختهه وصار لازم تندل مكانتك لان شكلك متيهه !
علاء : مكانتي اعرفة زين ومحاجة ادليني بيهه !
انت اللي لازم تندل مكانتك ومتدخل بشغل غيرك !
ايمن بغضب مكتوم : علاااااء لتستفزني اكثر احترم رتبتك واحجي عدل لا اعدل لسانك بطريقتي !!!
أنت تقرأ
النصف الآخر
Roman d'amourيعود حب طفولتها الأول ...بعد إنتظار دام سنين طويلة... لكنها تتفاجأ بأنه لم يعد ذاك الفتى الصغير اللذي احبته ... أصبح باردا قاسي بلا قلب ولا ذكرى لها .... هذا ما فعلته اوجاع الدنيا واقدارها وماضيه به... فهل سيكون لها أمل بأن تمحي ماضيه الأليم ؟ و...
