النصف الآخر

بارت ٦٧ ج١

مرحبه حبايب مشتاقتلكم 🥰
هسه نص وفدشويه النص الثاني لان ملحكت بصراحة انقحه كوله وادري بيكم مستعجلين ومتتحملون بعد 😅
استمتعو😍😍😍 ....

دنيا : هذا شمدريه !!
دكت عليه بأرتباك وضلت تنتظر يجاوبهه ...
أيمن : ها دنيا شكو ؟
دنيا : شمدريك لابسه جاكيت ماروني !!!
ايمن : همممم ؟

دنيا : أيمن لتنرفزني انت وين ؟
ضليت كاعدة بمكاني اتلفت وادور عليه بأرتباك ...
انت هنا ؟

فجأة حسيت بصوت يهمس بأذني : شتكولين ؟

فزيت وكمت على حيلي ... وكع الموبايل من ايدي من  لكيتة واكف ورايه مبتسم ...

بصدمة التفتت : أ...أيمن !!!

دنك شال موبايلي وحطه بأيدي  بدون ميقطع نظراتنه ...

دنيا : ش.. شلون !!!!

ايمن : شنو شلون ؟

دنيا : شلون جيت .... شوكت !!!!

ايمن : شلون جيت بطيارة يعني شلون مثلا
وشوكت توني  ..
شبيج كمتي ترجفين شفتي جني !! ....

بقيت ساكتة بأرتباك اتأملة مدري من المفاجأة  مدري من الفرحة ...

ايمن : حتبقين تبحلقيلي هيج ؟

ضحكت بغباء بعد ما استوعبت الموقف اخيرا وتقربت عليه بالهفة : مداصدك ...

ايمن : لا صدكي ...

بلا وعي كمزت عليه وحضنته  ... 

بادلني الحضن وهمس : اي هيج المفروض تستقبليني ...
طبطب على راسي بهدوء وبعدني عنه شوية يتأمل ملامحي المتلهفة بسعادة :
هيج مشتاقتلي ؟

هزيت راسي  بخجل  : ممتوقعتك تسويهه ...

ايمن : كل عقلج اسمحلج تسافرين لوحدج ...
اصلا المفروض من البارحة اجي وياج لوما الافتتاح مال الشركة ..

دنيا : أمممم ... يعني جنت من البدايه مخطط لهلشي ..

ايمن : طبعا ...

تبادلنه النظرات وبقلق انتبهت عليه  صح لابس قاط رسمي وطالع يموت كالعادة بس نازع السترة وحاطهه على ذراعه وفاتح الدكم الاولى من قميصة وملامح وجهه مرهقة:
شكلك تعبان ....

ايمن : لا بالعكس متعبان ... نمت بالطيارة وارتاحيت...
بس احتاج اسبح واصحصحلج ...
يله صعدي انتي هم  جهزي نفسج نص ساعة الكاج متحضرة ماشي ؟

جاوبته بالهفة : حنطلع ؟؟

ايمن : مو كلبتي خلقتج لان مشفتي اسطنبول جيتج من بغداد حتى اشوفلجياها بعد شتريدين ...

بأرتباك ضحكت ... يربي ماعرف شسوي معقولة الديصير ...

ايمن : يلة تحركي بسرعة ماريد تأخير ترة اغير رأيي..
دنيا : هههه ماشي  ....