مرحبة حبايبي 😘😘
************************
ساعة 1ليلا في بيت حقي
دنيا : ها ميمي ... شلونهه معنوياتج ؟
ميار بتفاجأ : والله حبي بعدني داسج ..
شو بعدج كاعدة !
دنيا تنهدت : مديجيني نوم ...
ميار : بعدة مختفي !
دنيا هازة راسهه بأنزعاج : عادي شنو الجديد ... تعودت عليه ...
ميار : خاف رجع لهنا ؟
دنيا : ماعرف جهازة مغلق صارلة كذا ساعه اخر مرة دزيتله رساله دابلغهه وصلت وجاوبني حمد لله على سلامتج وراها اختفى ... بلة خلي اخابرة مرة ثانيه ...
اي دك اخيرا ...
ميار : شفتي يجوز جان بطيارة فيطلعلج مغلق ...
دنيا بتوتر : ميجاوب ...
تنهدت بغضب ... والله فديوم حيصير بيه انهيار عصبي من ورة هالرجال ... ليش ميجاوب لييييش !!!
فجأة وصلتهه رساله ... فتحت عينهه بالهفة وقرتهه ..
أيمن : مشغول ماكدر اجاوبج ... نامي وارتاحي لتسهرين بس افرغ نتخابر .
بلعت ريكة بنرفزة : فوكاها يتأمر ... هوووف هوووف
حيجلطني ...
ميار : شبي ؟
دنيا : لج عيني مادري شلون اجوزة منهل الطبع !!
يعني لو ميعوفني ثانيه ... لو يختفي فجأة ببرود كأنو غير شخص !!
اريد افهم ليش يسوي هشكل !!
ميار تنهدت بحيرة : هو طبعه هيج حتى وليد دائما يشكي من هسالفه ويا ...
دنيا : اي ميار ادري هذا طبعه بس هسه اختلف الوضع ... علاقتنه اختلفت وكولشي اختلف ... ماتحمل يبتعد عني ويعاملني بهالبرود فجأة ورة ما جان محسسني مالكة الدنيا كولهه ..
كل مرة اظل قلقة واكل بنفسي وراها على غفلة يرجع كأنو كولشي ممسوي ...
داتعب والله وماعرف شلون اتصرف ويا !!
لازم اجوزة منهل الطبع ... لازم ...
ميار بشك : مادري والله ... تنهدت ... اكولج ...
دنيا : كولي ...
ميار : خاف ضام عليج شي ...
دنيا رقعت حاجبهه : شي !!
شي واحد بس !!
ههههه ... والله ضحكتيني ... هو اني شعرف عنه اصلا !! ...
اوف ميار خليني ساكته ... لا عبالج اني مأمنه ومطمأنه من ناحيته ... لا حبيبتي ...
ترة منسيت ايمن شنو وشفت منه اني ...
بس داغلس شسوي ماريد اخرب علاقتي بي وانغص حياتنه مصدكت تقدمنة كم خطوة بعلاقتنه ..
ميار : هي منو التأمن برجال يمعودة ترة حتى اني ...
اصلا اغلب مشاكلي ويه وليد هي الثقة ...
من سالفه خيانته لليوم واني لاعبه بي جولة بشك ...
وهالشي غصب عني شسوي ماتحمل ...
بس هاهي يستاهل حتى ليفكر ولو مجرد تفكير انو يعيدهه بيوم ...
دنيا : خيانتة ؟ ليش شوكت خانج لج شو ممسولفتلي !!
ميار تنهدت : اوووه ... من زمااان ... بس عادي سامحته لان مجان واعي اصلا ...
أنت تقرأ
النصف الآخر
Storie d'amoreيعود حب طفولتها الأول ...بعد إنتظار دام سنين طويلة... لكنها تتفاجأ بأنه لم يعد ذاك الفتى الصغير اللذي احبته ... أصبح باردا قاسي بلا قلب ولا ذكرى لها .... هذا ما فعلته اوجاع الدنيا واقدارها وماضيه به... فهل سيكون لها أمل بأن تمحي ماضيه الأليم ؟ و...
