ساعة ٩ الصبح بمكتب أيمن
ايمن : روح بلغ كل موظفين الشركة بلاجتماع الطارئ ..
السكرتير: حاضر استاذ ...
جوان راحت قفلت باب المكتب وابتسمت مشت باتجاه أيمن ووكفت ورا وكامت تفركلة جتفة ورقبته ...
أيمن ضل مركز علابتوب بغضب ...
جوان : استرخي و لتشيل هم أكيد حتكشف السوة هالعلمة و تربي ..
دنكت راسهه يم عنقة وتنفست عطرة ... نزلت ايدهه تدريجا لصدرة بحركات مغرية ...أيمن جان نازع سترتة و باقي بس بالقميص الأبيض والبنطرون الرصاصي ...
نزلت راسهه وهمست بأذنة : شنو رأيك أريحك قبل الاجتماع ...
أيمن بدون ميباع عليهه دفع أيدهه بغضب : اتوقع كلت بشركة ماريد هالحركات ... اشرلهه تطلع برة ببرود ...
جوان باوعتلة بانزعاج وطلعت ...
جوان : الى متى أضل هيج امشي على مزاجة ... لازم الكة حل ويا... لازم افكرلي بشي اخلي ينربط بية وميكدر يتركني بعد ...
دخلت جوان للحمامات وصارت دنيا كبالهه ..
دنيا باوعتلهه بنظرة جامدة ...
جوان رفعت حاجبهه وبادلتهه النظرات ...
مشت دنيا أبرود من يم جوان فجأة جوان حجت بنرفزة : شوية خففي الحقد والغيرة مالتج ... كولش دتبين على وجهج ...
دنيا ابتسمت وندارت ... باوعتلهه من فوك ليجوة بقرف : حقد وغيرة ! من منو مثلا؟
جوان ابتسمت بغرور : من منو يعني ! يلة مالومج حالج حال كل بنات الشركة الغيرة حتموتكم ...
دنيا ضحكت بأستهزاء : لا والله ... ههههه ... مادري منين جايبة هالثقة ... على شنو بلة نغار مثلا !
تقدمت باتجاه دنيا وطبطبت على جتفهه :
على هواية أشياء ... لا عبالج ممنتبهه على تصرفاتج وية أيمن ...بس تريدين نصيحتي .... احسنلج تمحين اخلام الطفولة من مخيلتج ... أيمن هذا مو نفسه التعرفي وماكو ربط بينهم اصلا ومستحيل يباع على وحدة مثلج ... باوعت لدنيا من فوك ليجوة ... ابتسمت بأستخفاف ...
دنيا خزرتهه وتقربت منهه : ممممم وحدة مثلي كتيلي ! باعي حبيبتي اولا اني جاية هنا أشتغل ماعندي غير اهتمامات مثلج لان أعرف هذا مكان عمل وبس ...
وبعدين الاولة تنصحين نفسج ... انتي اكثر وحدة تحتاج النصيحة هسة ..
جوان ضحكت بصوت عالي : لا والله .... على شنو نصيحة مثلا ... على نجاحي بشركة لو منصبي...
تقربت من دنيا وكامت تحجي بأستفزاز ودلع ...
لو على علاقتنة اني وأيمن وشلون ميكدر يتخلي عني أبدا أبدا...لا بشغل ولا بغيرة ...
دنيا ابتسمت بأستهزاء
جوان : تدرين شنو مشكلتج انتي ... مشكلتج دائما تباعين فوك ... فوك مستواج بهواية ... واني خايفة عليج صراحة ليجي يوم وتنكسر ركبتج .. لذلك داكولج عرفي حدودج احسن الج ...
دنيا ضحكت باستخفاف : لا والله بالعكس مشكلتي داضطر اباع على ناس دون مستوايا وميوصلون لقندرتي.... بس لان اداوم وياهم بنفس المكان فمضطرة اتعامل وياهم ...
جوان بعصبية : لا يا دبسيز ... لزمت دنيا من ذراعهه وجرتهه قوي ... احترمي نفسج وضبي لسانج وعرفي ويامن تحجين ...
دنيا دفعت ايدهه بقوة وباوعتلهه بحدة : محترمة نفسي غصبا عنج ... بعدين ويامن داحجي مثلا ... وية وحدة ... دنيا باوعتلهه بنظرة استهزاء من فوك ليجوة ... يلة ماريد احجي بأعراض الناس ... اني هم بنية واخاف على سمعتي وابتسمت بأستفزاز ...
جوان فتحت عينهه بصدمة وخرزت دنيا :
لج شدتحجين ها ... لج تعرفين اني منو ... والله اسحلج من شعرج واشمرج اباب الشركة بسهولة ومحد يكدر يفك حلكه وياية ...
دنيا : ممممم ... يلة بلة .. شوفيني شلون حتسحليني ..
جوان جرت دنيا من ذراعهه بعنف : امشي ... امشي وياية خلي اشوفج شلون ... اذا ما ربيتج ...
دنيا دفعت جوان قوي وركتهه بالحايط ... وحطت أيدهه على رقبتهه بقوة و باوعتلهه بنظرات خلت جوان تفتح عينهه بصدمة :
باعي حبابة ....
ترة وصلت حدهه وياج ودخلتي بدماغي ... فمنا ورايح ضبي لسانج ولتندكين بية ..... هالمرة عديتهه ... المرة الجاية محضمن ردة فعلي ... وخرت دنيا أيدهه من رقبت جوان ... وجوان كامت تكح وتتنفس بصعوبة
دنيا التفت دتمشي ... دارت وجهه وابتسمت
ها وحتى اريحج لا انتي ولا رئيسج وقذارتكم تهموني ... ومحد يسترجي يطردني منا لا انتي ولا غيرج ... مفهوم !؟أبتسمت وطلعت من الحمام
وركعت الباب وراها ... جوان ضلت مصدومة من ردة فعل دنيا ...
جانت تعتقد دنيا هادئة و فقيرة و سهل الواحد يهددهه لان طول الوكت ساكته وبحالهه ومتجاوب احد ولا تسوي مشاكل ...
جوان ابتسمت بغضب : ماشي ... سهلة ... قذارتكم مو ! ... خلي نشوف ايمن شنو رأية بحجيج هذا ...
أنت تقرأ
النصف الآخر
Romanceيعود حب طفولتها الأول ...بعد إنتظار دام سنين طويلة... لكنها تتفاجأ بأنه لم يعد ذاك الفتى الصغير اللذي احبته ... أصبح باردا قاسي بلا قلب ولا ذكرى لها .... هذا ما فعلته اوجاع الدنيا واقدارها وماضيه به... فهل سيكون لها أمل بأن تمحي ماضيه الأليم ؟ و...
