النصف الآخر

بارت ٤٦

في المستشفى ...
ايمن اتصل على وليد اللي جان دينتظرهم جوة : وليد روح انت ...
وليد : ليش عادي كمل وانزلي اني كاعد انتظر ....
ايمن بصوت حاد : وليد كتلك روح ... لتلح ...
وليد باستغراب : ماشي براحتك ...
ايمن واكف كبال جوان يبتسم بطريقه غريبة وملامح متنقري ...
جوان لازمة ورقة تحاليلهه بصدمة تقرة المكتوب بيهه ... ندارت على أيمن بخوف ...
ايمن بملامح حادة : مبروك ...
جوان بلعت ريكهه ... تباعله بأرتباك ...
أيمن : عاد تعرفين ابو ؟
جوان : ش...شنو ... شتقصد !
أيمن رفع خزرهه وبتسم : قصدي واضح
جوان كامت تبجي بصدمة : شنو تعرفين ابو أيمن !!
ليش تحجي وياية بهطريقة !!! ...
أيمن رفع حاجبة : بيا طريقة احجي لعد !! عادي سألتج سؤال جاوبي عليه ...
جوان : انت ابو اكيد منو غيرك !!!
ايمن ابتسم بأستهزاء : لا والله !!!
جوان ضلت تباعله بصدمة وتوتر ....
ايمن : شلون بلة اني ابو !! شرحيلي خلي افهم ؟
جوان : اي انت ... شوف ... شوف التحليل مكتوب عمر الجنين ٣ اشهر ... اخر مرة جنة سوة قبل ٣ اشهر ...
شنو نسيت !! نسيت من جيتني لجناحي وجنت سك...
أيمن فجأة نقض عليهه لزم عنقهه ورفعهه من الفراش بعنف وقربهه عليه :
اشايفتني لج !!!... نصبة مال الخلفوج !!
متوقعة هيج افلام تمشي عليه !!!
عبالج ماعرف بيج يومية وية واحد !!
اياج تفكرين تلعبين هيج لعبة وياية ... اني ايمن تعرفين منو ايمن لو تحبين اذكرج ... روحي شوفي منو حبلج ولتذبين قذارتج عليه فهمتي !! دفعهة قوي على الفراش ....
جوان نهارت بالبجي ولزمت ايدة :
والله وداعة ابني ممكذبة عليك بحرف ...
صح ... صح جان اكو غيرك بس والله من رجعت لهنا بقيت بس عليك ومخليت رجال يطخني غيرك ...
ايمن خزرهه بملامح مشمئزة ...
جوان وهي منهارة بالبجي : ايمن ... ايمن ترة الموضوع يأذيني ميأذي احد غيري ...
اني الحتدمر حياتي ....
شبيه مخبله اسوي بروحي هيج !!!
بعدين انت .... انت تدري كولش زين الحمل جان مستحيل بحالتي ....
بشنو احلفلك حتى تصدك ماعرف شلون صار هالحمل ولا مستوعبته ...
لزمت ايده .... ابوس ايدك صدكني ....
ايمن بغضب سحب ايدة وضل يرمقهه بنظرات غاضبة ومتقززة ...
جوان كعدت بالكاع وضلت تبجي بألم يم رجلة ...
رجع نظرة عليهه وحجة ببرود :
ماشي ... ماشي جوان ... اذا مثل متكولين البطنج مني ... ثبتيلي ...

جوان بصدمة شافت عليه :
ش...شنو !!شلون يعني أثبتلك ؟!!
ايمن : هاي عاد يمج شلون مو يمي .د ...
جوان: ايمن ... لتسوي هيج بيه ... اترجاك ....
أيمن رفع حاجبة نزل لمستوى جوان وبملامح تخوف همس بأذنهه ...
فتحي اذنج واسمعيني زين ...
لا تصدكين ممكن بيوم اعترف بالبطنج اذا ماكو اثبات قوي انو هو مني ... وفي حال ثبتيلي هالشي فقرار بقائة من عدمة حيكون الي وحدي ... مفهوم؟
جوان سكتت بصدمة تسمع كلامة ...
أيمن مد ايدة تجاه شعرهه ولمس خصلة منه بهدوء : اما اذا جان مو مني ... فبعد هاي حياتج وانتي حرة بيهه ... تبقي متبقي ... شي يخصج ...

ابتسم وكام من مكانه ....طلع من الغرفة ببرود ...
جوان تنهدت بملامح ممفهومة ومسحت دموعهه ...