مَن بعثَرَ ملامحي دموعاً على رصيفِ !
مَن منا خَذلَ الآخر !
****************
دنيا :
بين الخيال والحقيقة ... بين الحلم والواقع المرير !
بين تشتت افكاري ارتخاء جسدي تضارب دقات قلبي بهستيرية اعلنت استسلامي وخنوعي واغمضت عيوني بقوة انتظر يقرر مصيرنه بضغطة زناد !
فز گلبي وفتحت عيني بصدمة من همس يم اذني بصوت يرجف يحاول يلتقط انفاسة التتسابق و دقات قلبة المضطربة اكثر مني !!
ايمن : ليش خايفة من الموت همممم ؟ ترة الموت ارحم بهواية من الحياة العايشيهه !
بلعت ريكي بخوف ساكته اتأمل عيونه التجدح غضب وألم ..
ايمن : اذا متريدين تموتين ..
احجي اي شي يخليني اغير رأي !
بحيرة وخوف بقيت اتأمله .. كلامه وضعة وكلشي ديصير مرعب ! بعدة مكمم شفايفي وكاتم صوتي وانفاسي ..
ايمن : او اكلج ... خلي اني اسألج وانتي العليج تجاوبيني وبس تمام ؟
حرفع ايدي هسة .. حسج ماسمعه خوش ؟
نزلت دموعي بقلة حيل وهزيت راسي وهو بعد ايده عن شفايفي وابتسم بأنسكار يبعد شعري عن وجهي وحضن خدي بحنان و همس بقهر وتردد :
عفية ... عفية بغزالتي ..
بلعت ريكي برعب وهمست بصوت يرجف :
شتريد مني ايمن !شتريد !!
ايمن : هو سؤال واحد تجاوبيني عنه وينتهي كلشي .. بعدج ... بلع ريكة وتنهد برتباك :
بعدج تحبيني ؟
سكتت بصدمة ماعرف شجاوب ... شنو الغاية من سؤالة وشناوي !
بعدة حاضن وجناتي بأيد وموجه المسدس لراسي بلأيد الثانيه حرفيا كأني بين الجنه والنار..
رجفت ايدي واني ارفعهه لزمت ايده احاول ابعد المسدس عني وهمست بخوف : وخر المسدس بلاول و خلينه نحجي بعقل ..
ايمن : عقل !!!
هههههه ...
ليش انتي بقيتي عندي عقل!
خلصيني جاوبي يلا ..
دنيا : متشوف فات الاوان على هيج سؤال ...
زفر بقهر فاتح عينه ايدة لزمت جتوفي برجفة وانفاسه زادت سرعتهن بتوتر ..
ايمن : لا مفات شي مفاااات ... داكلج بس جاوبيني واني ححل كلشي ..
بلعت ريكي وباوعت بعينه التعبت وهي ادور اجابة بين نظراتي !!
دنيا : شلون حتحل كلشي ؟
ايمن : معليج شلون بس احجي دنيا لتشلعين گلبي ..
عكدت حاجبي بقهر وحقد : شتريد احجي ها ؟
كل عقلك ورة كل الصار بيني وبينك جاي قبل عرسي بساعات حاط مسدسك براسي وتريد اجاوبك على هيج سؤال !!
بهتت ملامحة اكثر واكثر وعيونه جمرت ممصدك ردي ..
قررت ادوس بالكلام اكثر بلكي يتراجع بلكي يحس !
لزمت ايدة ورجعت وجهت المسدس عليه وهمست دنيا : كتلك وحرجع اعيدهه ... احنه مو لبعض ايمن ..
وحتى لوفرغت هلمسدس براسي هسة مراح يتغير هلشي ! لان الشي الكسرتة وشمرته مستحيل يرجعلك مثل قبل !!
فيلا كمل الجاي علمودة .. انهي كلشي وخلصنه .. انت قتلتني ونهيتني من زمان فمبقت على هالجسد يعني !
ابتسم بمرارة يباوع بعيوني بحزن وغصة ..
رجع اقترب مني وبقهر عاد سؤالة ممهتم للكلته قبل شويه وهمس
ايمن : كل هلحجي الحجيتي و مجاوبتي عن سؤالي .
بلعت ريكي بقهر كاتمه شهكتي دنكت راسكي بيأس وسكتت جر وجهي بقوة مقربني عليه وهمس مركز بعيني
أنت تقرأ
النصف الآخر
Roman d'amourيعود حب طفولتها الأول ...بعد إنتظار دام سنين طويلة... لكنها تتفاجأ بأنه لم يعد ذاك الفتى الصغير اللذي احبته ... أصبح باردا قاسي بلا قلب ولا ذكرى لها .... هذا ما فعلته اوجاع الدنيا واقدارها وماضيه به... فهل سيكون لها أمل بأن تمحي ماضيه الأليم ؟ و...
