مرحبة حبايب ❤️
طلب صغيرون قبل لتقرون البارت ...
صارت عندي وعكة صحيه ودانتظر نتيجة الفحوصات ياريت تدعولي بلكي الله يستجيب دعائكم ...
وعذروني هالبارت كتبته بطلعان الروح بسبب وضعي الصحي ... بس اوعدكم مراح انقطع عنكم لحد ما اسوي العمليه وحبلغكم قبلهه اكيد من اضطر انقطع كم يوم ... عذروني طبعا علاخطاء الاملائية ...
استمتعو 🥰🥰🥰
دنيا : اوكي براحتك اي مطعم بس لتعصب ...
ابتسمت بداخلي على سوالفة ... تذكرت من سارة حجتلي على سالفة المطعم العزمت بي سلام قبل كم شهر وايمن شافنه بوكتهه ...
بعد نصف ساعة تقريبا ويه الازدحامات وصلنة للمطعم وجان مكان يجنن بصراحة همزين مرحنة لذاك ...
كعدنة بطاولة بعيدة عن الهوسه ...
وكولشي جان حلو وهادئ ما عدى أيمن ...
ماعرف ضايج من الفستان لو من سالفة المطعم والسمج المهم جان كالب خلقته ...
اجة النادل وحط المينيو كدامنه واني اخذته وضليت اتفرج ماعرف شختار ...
رفعت راسي وباوعتله جان لازم موبايله ويكلب بي بعدم اهتمام ...
دنيا : احم ... ايمن ...
باوعلي بنظرة ثابته ورفعلي حاجب ...
شبي هذا صدك يحجي يعني ...
بلعت ريكي بأرتباك من نظراتة التخوف :
اممم شحتطلب ؟
رجع عينه لموبايله وحجة ببرود :
شطلب اني يعني ....
هزيت راسي وعوجت حلكي ... هم صدك شيطلب غير القوزي ...
رجع باوعلي بنظرة سريعه :
طلبي اليعجبج معليج بيه ...
بادلتة النظرات ورجعت اكلب بالمينيو بملل
: نفسك اريد هم قوزي ...
هز راسه واشر للنادل وطلبلنة ورجع مركز بموبايلة .
حيخبلني هالرجال ...
ساعة احسه بارد وممهتم ..
وساعة يفيض حنية وحب وطبعا هالحالة نادرة ...
شلون هسه ! ...
لازم الكالي حل وياك ...
ابتسمت بدهاء وباوعت عليه بنظرة جانبيه احاول اظهر جانبي الانثوي الدلوع ...
لعبت بخصلة من شعري وحجيت بصون نازك :
مكتلي عجبك الفستان ؟
رأسا رفع عيونة الحادة عليه ورفعلي حاجبة خلاني ابلع ريكي بتوتر وارجع لوضعي الطبيعي ...
ذب الموبايل كدامة واتجه عالكرسي وضل صافن عليه مشال عينه مني واني دايرة وجهي اباوع على كولشي الة عليه :
اخيرا سمعته نطق وكال :
لا معجبني ...
رأسا رفعت حاجبي وباوعتله صفح : ليش ؟
رجع باوعلي بنظرات ممفهومة وابتسم ابتسامة جانبيه :
هيج ... معجبني وخلص ...
ابتسمت بدهاء ورجعت العب بخصلة من شعري :
ها ... خاف لان طالعة حلوة بي معجبك ...
ابتسم بأستهزاء : هه ... شهالثقة ...
رفعت حاجبي وبتسمت بعدم اهتمام :
مو ثقه ... هاي حقيقه ... ترة البنيه تكدر تعرف طالعة حلو او لا من نظرات الناس الهة ... واني عرفت من نظراتهم شطالعه ...
شلون غباء قصدي هو مو الناس ... بس مكدرت اكولة اعرف من نظراتك عجبتك ... فكلت الناس ... وياريتني محاجيه هالحجاية ...
أنت تقرأ
النصف الآخر
Romanceيعود حب طفولتها الأول ...بعد إنتظار دام سنين طويلة... لكنها تتفاجأ بأنه لم يعد ذاك الفتى الصغير اللذي احبته ... أصبح باردا قاسي بلا قلب ولا ذكرى لها .... هذا ما فعلته اوجاع الدنيا واقدارها وماضيه به... فهل سيكون لها أمل بأن تمحي ماضيه الأليم ؟ و...
