النصف الآخر

بارت ٦١ ج١

مرحبة حبايب ❤️
نص البارت اليوم وباجر نص 😍
غيرت شوي بأسلوب الكتابة 😅
أنطوني رأيكم اذا عجبكم اكثر من القديم او العكس 👍
************************************

دنيا :
اشتاقيتلك ...
رفع حاجبة بنظرات متفاجأة وعيونة تراقب ملامح وجهي بأستغراب عبالك ممصدك ...
ابتسمت ورجعت عدتهه كأنو أأكدلة الكلمه السمعهه مرة ثانيه :
اشتاقيتلك هسه وقبل وكل لحظة تمر بحياتي وانته مموجود بيهه اشتاقلك ايمن ...

ماعرف منين جتني هالجرأة وحجيت الحجيته بس المهم حسيت براحة من فرغت البداخلي رغم گلبي الحينفجر وجسمي الينتفض من الخجل والارتباك ...

ابتسامة بسيطة نرسمت على شفايفة وعيونه كامت تملع كأنو بيهه كلام ...

شكد احب اشوف هالتعابير بوجهه ...
تذكرني بماضينه وشلون جان يباوعلي بطريقة تختلف عن كل البشر وبس اني افهم معناها ...

ضليت اباوع بعينه وانتظر ردة ...
ادري الرد حيكون بعيونه كالعادة ...
واني افتهمت نظراتة ونزلت راسي بخجل من رفع ايدة ولمس خدي بالطف وبتسم ..

بعدهه اتلفت يباع حوالينه بقلق ...
هنيالي نسيت احنه واكفين بشارع و بنص الليل حاضنته وكاعدة اتغزل بي ...
بأرتباك نزل ايدي من جتوفه وبتعد عني شويه ..
وهو يراقب الشارع وهمس بتوتر :
تعاي لسيارة ...

بادلته النظرات ومشيت كدامه وهو مشه ورايه ...
كعدت بسيارة وهو كعد يمي باوعلي بنظرة سريعه ومرتبكة وبتسم :
شلون عرفتي جيت قبل لا ادك عليج !!
بادلته الابتسامة : اممممم ... سر ...
رفع حاجبة بحيرة وبوز شفايفه وهز راسه بأستغراب : هممممم ... سر ....
كعدت بتوتر وقلق اتفحص تفاصيله وكلام وليد يرن بأذني (جان مريض وصار زين )
تنهدت براحة من شفت زين ... صح كولش متغير شكلة
و صح تعبان ...
بس اويليييي شطالع ...
شعرة مسوي اقصر ومخفف لحيته صاير شكله حيل شبابي ذكرني بأيام مراهقته ههههه ...
لابس بدي اسود وفوكا سترة رصاصي ...
اخ كلنه راجع من تركيا بس مو هيج تكلب ممثل تركي ..

ابتسمت بعد ما تفحصته وطمأنيت وهزيت راسي :
مغير شعرك مو ...
باوعلي ولمس شعرة شويه وشاف بالمراية الكدامه :
همممم عجبج ؟
جاوبته وبدون لا مستحى ولا خجل مدري شجاني اليوم : كولش ...
باوع عليه صفح ورفع حاجبه بنظرة ممفهومة ...
اكيد ديكول شجاها هاي اليوم كاعدة تصجم وتتغزل بيه وماخذة راحتهه علاخر ... بس شسوي يا عيني صعب اكبت مشاعري وية واحد صاك مثلك ...

بادلته النظرات بتوتر وكالعادة من اخجل اغير الموضوع :
شوكت رجعت لعد ؟
ايمن : قبل شويه ...
دنيا : صدك !!
ابتسم وهز راسه ....

يعني توة راجع وكبل اجه عليه بهالوقت حتى يشوفتي !!

باوعت بأستغراب وهو بادلني النظرات وحجة :
شبيج ؟
دنيا : مابيه بس يعني مستغربه ...
ايمن : من شنو ؟
دنيا : منا تختفي كذا يوم ومتفكر حتى ادز رساله ...
ومنا تجيني بوجهك من المطار وبهيج وقت وانت تعبان وتوك راجع من السفر بس علمود تشوفتي ...