النصف الآخر

بارت اضافي (المرة الأولى )

دنيا : الو انتة وين !
أيمن : طالع وية جماعتي رايدة شي ؟
دنيا : مو عكبة عندك امتحان ؟
أيمن :  ...
دنيا : يعني طلعتك متكدر تأجله ورة الامتحانات ؟ مدافتهم ليش هيج صاير مهمل !
أيمن : وانتي شدخلج بيه وبأمتحاني اصير مهمل ارسب انتي شكو وبعدين مو كلتي بعد لا تعرفني ولا اعرفك ولتحجي وياية كدام احد التزمي بحجيج ولدكين على واحد متعرفي...
دنيا : استغفر الله دتلاحظ روحك ادور مشاكل كوة باع اني كتلة لجدي طالع وعندة امتحان وجدي كاعدلك بالباب لازم عوجيتة ودينتظرك انتة بكيفك بعد... سدت الخط
ايمن ابتسم بينة وبين نفسه لان قلقت عليه وبعدهه مهتمة بي ....جان كاعد علشط وية جماعتة يدخنون ويسولفون عن امور تافهه بس مهم يكضون وكت  ..
ايمن : اني حروح
احمد : شعندك وين حتروح
أيمن : لبيت جدي
احمد : مممممم ماشي
من وصل أيمن لكة البيت اظلم وسنطة وماكو احد ..
مشة على اطراف اصابعه وفجأة سمع صوت عالي..
حقي : حمد لله عسلامة عيني شو راجع من وكت ...
أيمن وكف بمكانة وضل يباع على جدة وساكت ..
حقي كام ومشى اتجاه ايمن ..
حقي : ريحتك جكاير وشكلك مال ولد شوارع ... مع الاسف ابوك ديسهر ليل نهار علمود مستقبلك ميدري بأبنة صايع ومابي فايدة وميستاهل اي شي..
أيمن فتح عيونة على كلام جدة ودنك راسة بغضب ..
أيمن : أبوية...ههههههه .... وين شايفة اني وشوكت حسيت عندي اهل اصلا ميكعد يمي ميسولف وياية ميسألني شسويت اليوم ضحكت بجيت نمت كعدت اكلت جعت نجحت رسبت كولشي ميعرف عني ...
إذا الابوة معناها يجيبلي الاريدة وينطيني فلوس فماريدهه ... حعيش حياتي مثل ماريد ... ادخن اصيع بشارع اعوف المدرسة هاي حياتي... بعدين اتوقع اني ١٧ سنه هسة واعرف مصلحة نفسي ميحتاج احد يكولي منو اني وشداسوي ...

هنا حقي متحمل ضرب أيمن راجدي وضل يخزرة بنظراتة ...
أيمن فتح عينة ولزم خدة وشاف على جدة بنظرة صدمة..
حقي : واني ماكفيك ؟ اني قصرت وياك بشي فهمني ؟ ممنطيك اهتمام اكثر من احفادي وولدي ؟ ماجي اسألك عن حياتك والحك وراك حتى تدرس وتلتزم ؟ ماضل منتظرك اباب البيت لحد مترجع واطمأن.  
ابوك حطك امانة يمي لان حكمتة ظروفة ..
اذا تضل مثل القاضي تحكم على اقرب الناس الك وتحاسبهم بسبب ظروفهم حتخسرنة كولنة بسرة ..
دنيا جانت دتشوفهم من فوك الدرج ورة مصار هالموقف ختلت مرادت أيمن يشوفهه وينحرج ...
حقي اخذ نفس عميق وهدأ وراها حضن ايمن وحجة ..
حقي : ابني انتة شلون ينطيك كلبك تسوي بينة وبروحك هيج ... انتة املي بالحياة تعرف شنو املي ...
ايمن فتح عينه وهو بحضن جدة يسمع كلامة دمعت عينه وبدت تنزل دموعة بدون وعي..
حقي باس ايمن من راسة وكلة : حقك عليه ... اني مردت نوصل لهلشي بس انتة جبرتني يا ابني ... اريدك ترجع مثل قبل عايش حياتك مثل اي شاب بعمرك ...
شوف ددنيا كدامك ماعندهه اب ولا ام ماعندهه غيري... رغم هالشي عاشت حياتة لخاطري ودتحاول تبني مستقبلهه وتنجح حتى ارفع راسي بعدين واكلهم هاي حفيدتي ...
متكدر انتة هم تسوي هيج لخاطري ؟
أيمن شاف على جدة بنظرة حزن وتعب وتأنيب
أيمن بتردد هز راسة بالموافقة وكلة : ححاول ...
حقي ابتسملة وكلة يلة وليدي اصعد اخذلك دوش وتعشة ويانا ونام وباجر نبدي يوم جديد كولة دراسة وتركيز اريدك تنجح وطلعلي معدل عالي وراك سادس مو هذا جان حلمك تصير مهندس؟
ايمن ابتسم لجدة وكال :ماشي...
ثاني يوم الجد كاعد بمكتبه ويا ايمن ودنيا وكاعد يراقبهم بس يرفعون راسهم او يسولفون تشتغل العصاية ..
طبعا دنيا هنا عمرها ١٥ سنة بالرابع اعدادي وأيمن حيدخل بل١٨ سنة خامس اعدادي ... (تذكرون من كلتلكم ايمن ترك سنتين ورجع).
الجد : احم ... حروح اخذلي قيلولة بغرفتي ... انتو اخذولكم استراحة ميخالف بس نص ساعة مو اكثر ماشي ..
أيمن ابتسم لجدة ورفع حاجبة بتعجب : جدو وانتة هم حتنام بس نص ساعة ؟
الجد عقج وجهه وجاوبة : انتة شدخلك ها وندار وعافهم ...
دنيا وايمن كامو يضحكون ...
دنيا : شنو اول امتحان عندك
ايمن : رياضيات
دنيا : الله هنيالك اني عربي ويع
ايمن : ههههه ليش ترة العربي حلو بس انتي ميعجبج شي
دنيا : مممممم ... حدرس رياضيات وياك عالواهس احسن
أيمن : والعربي ؟
دنيا : حقرا غير يوم جدو موجود يساعدني يمعود عادي عادي ..
أيمن هز راسة وضحك على سوالفهه يعني هو براسج براسج شيفيد تأجلي
ضلو يقرون ويسولفون لحد مصارت الساعة ٨
انتبهو على جدهم بدة يغفي
أيمن : جدو روح نام
دنيا : اي جدي ترة من يمنه نعسنة نشوفك تغفي هيج خطية ايمن باجر امتحانة شوفة شلون كام يثاوب وهو ربع المادة ممكملهه..
ايمن كام يأشر لدنيا انو تسكت ...
الجد : ليش بلة شجان يسوي اليوم كوله..
دنيا : طبيعي جدو واحد توة متعرف عالمادة شتتوقع حتى لو اينشتاين هم هيج حيصير بي
ايمن حط ايدة على عينه وتأفأف ... شلون وية ام لسان
الجد : دنيا كعدي راقبي اليوم مينام قبل ليخلص مادة الامتحان ماشي ..
دنيا : جدو ليش تعاقبني ويا اني شوية وانعس ماتحمل اسهر ..
أيمن : جدي اترجاك خليهه تروح راسي صار طبل من سوالفهه...
دنيا باوعتله بحقد : هاي اني ممممم ماشي ماشي
الجد : ثنينكم تبقون هنا ماشي يلة حروح انام وترة ها اذا كعدت ولكيتكم تسولفون لو نايمين حسابكم عسير
عافهم وطلع ..
ايمن : الله يساعد طلابة شلون جانو عايشين اولهم ابوية ..
دنيا: اي والله اكيد جان يرسب الكل ...
ضلو دنيا وايمن يقرون رياضيات لحد ما دنيا بدت تشوف الارقام واحد فوك الاخ وداخت كولش بدة النعاس يتمكن منهه..
جانو كاعدين على ميز مستطيل واحد مقابل الثاني
ايمن انتبه عليهه وكلهه : حطي راسج علميز واخذيلج غفوة اذا تريدين
دنيا هزة راسهه وحطته علميز كبل وغمضت عينه ..
ايمن ابتسم وضل يقرة وراها بدة يباع عليهه ويرجع عينه علكتاب ..
كلساع ياخذلة نظرة على ملامح وجهه.
مرة على حواجبهه...شلون هيج مرسومات
مرة على خشمهه....صغيرون ويضحك
مرة على عيونهه المغمضات ابراءة 
مرة على رموشهه السود
ومرة على ...شفايفهه الحمرة اللي مشاف بجمالهم ولا حتى جمال الورد يضاهيهم
أيمن بلع ريكة رأسا وهز راسة يمني ويسري
أيمن : اكيد تخبلت ... رجع يباع بكتابة ورة ثواني حط عينة مرة ثانية على وجهه...
نزل راسة شوية شوية علميز لحد ماصار وجهه كبال وجهه ..
ايمن ضل يبتسم ويباع عليهه ويفكر ...شلون هيج  تعلق بيهه من هي وطفلة.. هسة كبرت وملامحهه انضج وشكلهة تغير ... و هم بعدني متعلق بيج وأح....أحبج
ايمن بدة يقرب وجهه على وجه دنيا بدون وعي
بس اريد احس بأنفاسهه الدافية ...هيج كال لنفسة .
فجأة دنيا حركت راسهه بنومتهه ولتقت شفتة بشفايفهه ...
أيمن فتح عينه حس قلبهه يدك وكولشي بجسمه يدك ويا ...
انفاسه نخطفت .. عقلة وكف ومديفكر بعد غير بنعومة شفايفهه ...  انفاسهه الدافيه....شلون هيج اخذتي عقلي وقلبي بحركة وحدة بالغلط...
ايمن غمض عينه وضل على نفس الوضع مراد ياخذ شي اكثر منهل اللمسة ....
مهما كان هاي دنيا اللي دائما يخلوهه بأمانتي ...
بس هسة اني خنت الامانة ... اي بأرادتي خنتهه
فجأة صحة على نفسة وخر راسه بسرعه ووكف على حيلة ... ضل يباع عليهه بصدمة ... بعدهه نايمة ومحاسة بأي شي ...ضحك بداخلة ...شكد نومتج ثكيلة
غطاها وطلع بلبلكونة لزم الجكاير وبدة يشعلهه ... تذكر كلام جدة .. (انتة املي بالحياة ) ... ذب الجكاير وداسهه برجلة وضل يصارع بداخلة المشاعر الحاس بيهه بهالحظة... بعد منطه قبلته الاولى لدنيا وهو هم بالمقابل اخذ قبلتها الاولى ...
ايمن : دنيا ... حيجي يوم تكونين بي الي وحدي و بس ... اوعدج ..

ا