النصف الآخر

بارت ٥١

حنزللكم بارتين اليوم واحد هسة وواحد باليل 🤗😍
استمتعو حبايب ❤

دنيا بالمطبخ كاعدة تغسل مواعين ...
زينة : شدسوين يمعودة ... موجودة ام عمر تغسلهن ...
دنيا : ميخالف خلصن ...
امشي خلي نكعد وية البقية الجو يجنن برة ...
دنيا تنهدت * لو تعوفيني هواية احسن ماريد اكعد برة  واكابلة*
زينه بملل جرت ايدهه : يلا دنيا كافي عاد كتلج الخدم يحيرون بيهن ...
بلعت ريكهه بتوتر ومشت ورة زينة مجبورة ..
شافت الكل كاعد بالحديقة اليلعب والينركل واللي يسولف ...
انتبهت علي أيمن شلون جان مزاجة رايق  ويلعب دومنه وية عمهه مراد ووليد وهشام ....
تنهدت بأرتباك وكعدت يم ميار اللي ابتسمت رأسا وشوفت دنيا وزينه الصور الاخذوهه اليوم يم الشلال ...
دنيا تبادلهه الابتسامة وتتفرج عالصور بعدم انتباه بالهه بغير مكان ...
أيمن هم ضل يلعب دومنة وينركل ويضحك ولا يمه ...
حقي ابتسم لأيمن : زين سويت ابني وجيت ...
أيمن هز راسة وبادلة الابتسامة ...
وليد همسله : محتكولي شعجب جيت  ؟
أيمن : يابة هيج ردت اغير جو حالي حالكم حرام ؟
وليد :  لا عمي حلال ... باوعلة صفح

دنيا ترمقة بنظراتهه الحاقدة وتفكر
هه ....
ما شاء الله طلع يعرف يضحك ويشاقة ..
بس لو اعرف ليش اجه ... مو جان عندة اجتماع مهم وميتأجل ... اوي اني شعليه حعتبرة مموجود وماسمحله ينغصني بهالسفرة هم  ....
كامت دنيا بتملل من مكانهه ...
ميار : وين لج ؟
دنيا : بردت ونعست ... حصعد انام من تدخلين للغرفه دخلي بهدوء بلا زحمة ....وديربالج تشغلين الضوة ماشي ...
ميار باوعتلهه صفح : حاضر عيني تدللين ...
.
.
ثاني يوم الصبح ...
دنيا كعدت تعبانه لازمة راسهه بألم... شكد حاولت تنام البارحة بس للاسف مكدرت ...
دنيا : شوكت اخلص منهل الحالة !!
ميار فتحت عينهه وتثاوبت : صباح الخير ...
دنيا بانزعاج : صباح النور ...
ميار : شبيج دنو ...
دنيا : منايمة ميمي حتخبل ليش كلما اغير فراشي انسة شلون انام ...
ميار كامت من الفراش بنشاط : عكسج اني بس حطيت راسي عالمخدة نمت ..
تنهدت دنيا وباوعتلهه صفح ....هنيالج ... مشت باتجاه الجنطة وبدت ادور ملابس تلبسهن : ماعرف الجو حار بارد ...
ميار : بنهار حارة ترة ... لبسي صيفي واخذي جاكيت وياج خاف تبرد فجأة  ...
لبست دنيا تيشيرت ابيض وبنطرون جينز واخذت جاكيت جينز هم وياها ..
اما ميار فلبست فستان ربع ردن شيفون بالوان زاهيه وهدت شعرهه ...
ميار باوعت لدنيا صفح وهي دتلبس البنطرون : متلبسيلج فستان شي كل وكتج لابستلي هالجينز ...
دنيا بملل : و شبي الجينز يعني ...
ميار : مابي شي بس ممليتي ؟
هزت دنيا جتفهه بعدم اهتمام وتنهدت بأنزعاج ...
ميار :  شبي مزاجج معكر  ؟! ترة رايحين سفرة حتى نغير جو مو نكلب خلقنه ونتأكب ...
دنيا دورت عينهه بانزعاج : ترة عادي مابيه شي  شتريديني يعني ٢٤ ساعة اضحك  ؟...
ميار : اريدج تتونسين ...
دنيا : ومنو كلج ممتونسه ؟
ميارابتسمت بخبث : والله لحد البارحة قبل العشه جنتي متونسه ... بعدهه نكلبت احوالج عجبا شنو السبب ؟
دنيا تأفأفت بملل وطلعت من الغرفه بدون مجاوبهه ...