ميار بقلق ادك على موبايل دنيا : وينج دنيا ... وين اختفيتي ...
سارة : معقولة رجعت !! دخابري البيت شوفيهم ...
ميار باوعتلهه صفح ودكت على عمتهه زينب :
ها عمة ... اكولج حسألج سؤال بس لتفزين ... دنيا رجعت لو لا ؟
زينب : شنووو لج ! شنو رجعت لو لا !!!
مو وياج هي !!!
ميار: ها اي اي عمة هياتهه يلة هسة جايين ... سدت موبايلهه وبرعب تباع على سارة .. مراجعة ... شلون هسة !!! شسوي عزة !!! جانت كدامي واكفة شلون اختفت فجأة هيج !!
سارة : امشي وياية ندور عليهه بسيارة حتى لو طلعت اكيد بعدهه قريبة من الفندق ...
عائلة سليم وعائلة حجي محمود واكفين سوة كدام بوابة القاعة ...
سليم : شايفين كل الخير ويوم لسرى وسلام إن شاء الله...
ادهم : كبرت حجي وحتصير جدو عن قريب ...
حجي محمود : هههههه شفت بلة ... شرفتونة وآنستونة والله ...
يوم ان شاء الله نحضر عرس أيمن و وليد ....
أسماء ابتسمت بتصنع : اي والله ... الله يسمع منك ...
محمود شاف على أيمن وربت على كتفة :
يلة شد حيلك وتزوج وخلي ابوك يصير جدو عاد ...
سليم : ههههههه اي والله حجي كولة ....
ادهم : شفت حصير جدو مرة ثانية وسليم بعدة ...هههههه
محمود التفت على أيمن :
اي ترة ابني ... هم يلة يلحك ابوك ههههه ....
أيمن ابتسم بتصنع وهز راسة ....
اسماء شافت بدهاء على أيمن : هو لو تجي للحق
هسة سرة أيمن مو وليد ... لو شتكول حجي ...
محمود : اي طبعا ... هسة عمرة مال زواج ... ومن هسة داكولك ابني الزواج يحتاجله خلك اسأل مجرب ... لا زال بعدك شباب استغل الفرصة كم سنة بعد مابيك حيل هههههه
منى : هاا حجي .... انت هيج تكول ...
الكل كام يضحك ....
منى : والله ماعرف جيل هالوكت قافلين ... باوعت على بنتهه سرى بعدهه على أيمن وبتسمت ...
سرى هم قافله من الزواج تكولي الزواج يحتاجلة وقت واني ماعندي شفتي بلة ام هشام هههههه ....
سرى شافت على امهه بأنزعاج وتنهدت ...
اسماء بخبث شافت على أيمن وسرى :
ايييه ام هشام متعرفين وين قسمتهم ... ان شاء الله ثنينهم يتزوجون ونفرح بيهم ....
منى : آميييين الله يسمع منج ... الله يكتب البي خير ان شاء الله....
سرى بأنزعاج وخجل رمقتهم بنظراتهه ودارت وجهه ...
وليد باوع على امة ومنى بأستغراب ابتسم وهمس لأيمن ... شنو خطبوك ؟
أيمن ابتسم ابتسامة جانبية : الظاهر ...
بعينة ضل يدور عليهه بكل مكان : وينج !!... وين اختفيتي !!
محمود : ليش نروح بعيد هذا ابني هم شالع كلبي ...
سلام : هاي اني يابة .....
محمود : اي البعمرك جهالهم بطولهم ...
سلام كام يضحك ....
ادهم : ليش شكد عمرة سلام ...
سلام : والله عمي بعدني بكد وليد ... ترضاها بلة يريدون يزوجوني
اشايف من حياتي ....
ادهم : ههههههه ... ترة حقة اشايف من حياتة توة فتح عينه عالحياة والنسوان والونسة هههههه .....
اسماء دغتة لأدهم رأسا وخزرتة: شدتحس ! ....
الكل ضلو يضحكون ويتبادلون المجاملات عدى ايمن اليرمق سلام بنظرات جانبيه متتفسر ....
وليد هو وديضحك انتبه على موبايلة ... ميار كاعدة ادك عليه للمرة المليون وهو قافل ميريد يجاوبهه ...
سلمو بيت سليم على محمود وعائلته ومشو برة القاعة
فجأة وليد شاف ميار واكفة كدام القاعة هي وسارة
بملامح مرعوبة و متتفسر وتأشرلة بأيدهه ....
أيمن هم انتبه عليهم وباوع بأستغراب على وليد ...
ايمن : شكو !!
وليد : ماعرف دقيقة اروح اشوفهم ...
وليد : خير شبيكم مخروعين ...
ميار برعب تلهث وترجف : وليد الحكلي ... الحكلي دنيا ماكو ...
وليد : شنو!! شنو دنيا ماكو وين تروح قابل !!
ميار: وليد داكولك ماكو كلبنة الدنية عليهه فص ملح وذاب ...
سارة : دورنة عليهه بكل مكان وحتى خارج الفندق ماكو .... ماعرف وين اختفت ...
وليد بلع ريكه برعب وندار على ايمن اللي جان ديراقبهم من بعيد ...
أيمن مشة اتجاهم ... رفع حاجبة بقلق وهز راسه بأستفهام ...
وليد : دنيا ... اختفت ...
أيمن بصدمة : شنو يعني اختفت !!!
وليد بقلق : دورو عليهه بكل مكان وملاكيهه ...
أيمن بعصبية خزر ميار : وين جنتو عنهه لعد !!!
مو جدي كلج لتعوفيهه!! ... شنهل الاهمال !!!
وليد بعد ما ميار كامت تبجي :
أيمن ... اهدأ ... هسة نلكاها قابل وين تروح يعني ...
ايمن : دكيتو عليهه !!!
سارة هزت راسهه : صارلنة ساعة ندك ... ماكو متجاوب
وليد : يعني شنو مغلق !!
سارة : لا يدك ومتشيلة ....
أيمن زفر بغضب وبسرعة مشة وعافهم ...
وليد : ايمن ... انتظر ... وين رايح يمعود ....
سارة : اني حرجع ادور عليهه ....
ميار : اني هم حروح وياج ...
وليد : دقيقة ميار انتظري ....
راح وليد وحجة لاهلة عن الصار ...
سليم بخوف : روحو ابني دورو عليهه حرجع وية هشام ....
عادي تكفينة السيارة ...
ادهم هز راسة بقلق : اي ابني روحو بسرعة خاف صارلهه شي البنية بعدهه مو تمام ....
وليد : ماشي ... يلة ديربالكم ...
ادهم بصوت عالي : ابني عود بشرونة اذا لكيتوهة لتخلي بالنة مشغول ...
وليد : ان شاء الله يابة ...
اسماء خزرت وليد بعدم رضى بعد ما شافت ميار واكفة تنتظرة وفكرت بداخلهه : ديلة بلة كل يوم مسوية مصيبة هالمخبلة ومبتلين بيهه .... اوف انوب وليد حيروح وية الاسمهه ميار لوحدهم !!! ... هالبنية ابد ممرتاحتلهة .... ويا خوفي احساسي يصدك .... يا خوفي ....
أنت تقرأ
النصف الآخر
Romanceيعود حب طفولتها الأول ...بعد إنتظار دام سنين طويلة... لكنها تتفاجأ بأنه لم يعد ذاك الفتى الصغير اللذي احبته ... أصبح باردا قاسي بلا قلب ولا ذكرى لها .... هذا ما فعلته اوجاع الدنيا واقدارها وماضيه به... فهل سيكون لها أمل بأن تمحي ماضيه الأليم ؟ و...
