مرحبة حبايب ... طبعا اسفة عالتأخير جان المفروض انزل البارت البارحة بس نقطع النت للأسف 😅
ان شاء الله يعجبكم البارت استمعتو 🤗
وجهزو نفسكم لبارتات الجاية حماااااس 😁❤
ادهم بأبتسامة عريضة : مدام العروسة موافقة نقرة الفاتحة لعد ابو محمد ؟...
حقي هز راسه مبتسم رفع ايدة والكل وراه وبدو يقرون الفاتحه ...
دنيا بفرحة حولت نظرهه بين وليد وميار اللي جانت الدنيه مسايعتهم ....
بعدهه ابتسمت لأيمن بنظرة رضى ... ايمن بادلهه النظرات ...
وليد : شوكت ان شاء الله نجيب المشاية ونخطبهه رسميا ؟
ايمن رفع حاجبه بدهاء وباوع على وليد ...
ابو هشام : ابني مبين مستعجل حيل هههههه ....
الكل ضحكو ووليد بخجل وارتباك احمر وجهه و ابتسم ...
حقي : ان شاء الله تتفضل يمنه ام هشام باي وقت يعجبهه حتى تتفاهم ويه ام ايهم على باقي التفاصيل ويحددون موعد ... وطبعا انتو مو غربة وتدرون بطباعنة ... عدنة عقد السيد اهم شي ...
ادهم : طبعا ابو محمد التردو يصير ... عقد السيد نسوي وية المشاية اذا الله راد ...
حقي : ان شاء الله...
أدهم ابتسم بفرح : مدام هيج متسمعونه هلهلولة ...
زينب هلهلت رأسا بفرحة ... ميار بعيون مدمعة باوعت لوليد ووليد بادلهه النظرات وهو يحاول يسيطر على نفسه وميظهر حقيقة انو هو حاليا الكاع مشايلته من الفرحة 😅 ...
.
.
باليل في بيت سليم
اسماء : تروح تخطب بدون امك شنو متت ولا جني خلفتك وتعبت عليك ... فوكاها تحطني امام الامر الواقع وتريدني اروح اتفق وياهم عالخطوبة ... كل عقلك تحجي !!!
وليد تنهد ... لزم راس امه وباسة :
اسف حبيبتي ... والله مجان قصدي اتجاوزج ولا ازعلج .... بس كتلج هاي حياتي يووم واني اللي اختار وية منو اكملهه ... وصدكيني ميار ماكو احسن منهه انتي بس انطيهه فرصة وتعرفي عليهه اكثر ... متأكد حتحبيهه ...
اسماء بعيون مدمعة وغضب : لك شحب منهه ها ...
لا من مستوانة لا من تفكيرنة ... اهلهه منو ... امهه متخلفة و ممكملة دراسة وابوهه سايق تكسي !!
همة ذولة التريد اناسبهم !!!
وليد : يوم شنهل الحجي هذا !! اولا اني متزوجهه الهه مو اهلهه ... وحتى لو ... اهلهه شبيهم ليش !!
امهه صح ممكملة دراسة بس انتي تعرفيهه كولش زين شلون ربت جهالهه وتعبت عليهم وابنهه الجبير سوتة طبيب وسافر حاليا بأمريكا !!
ميار هم دتكمل كليتهه ومبقة شي تتخرج !
وابوهم رجال موظف ويطلع العصرية يشتغل حتى يسد احتياجات بيته وجهاله ....
وين الخلل البيهم ممكن افهم ؟ بعدين من شوكت جان الشغل عيب يوووم !!
اسماء: اني مكلت الشغل عيب ... كلت ذولة مو من مستوانة وخلصص ...
وليد : يووم ... اني رايد ميار الهه لروحهه ولشخصيتهه ولأخلاقهه ... مو اهلهه ونسبهه ومستواها !
بعدين نسيتي منو جدهه اللي لوما هو جان لا عمي ولا احنه عايشين بهالخير !!
أسماء : اشش ... نصي حسك ليسمعك احد !!
وليد : ليش قابل شحجيت مثلا مو حقيقة هاي !!
تنهد وليد بتعب وفرك راسة ...
يووم ... انتي تهمج سعادتي لو لا ؟
اسماء ساكتة بحزن ....
وليد : اني مستحيل اكون سعيد بدونهه ...
اسماء : هذا الحجي كل الزلم يحجو من يقفلون على بنية .... بس اتركهه انت ولتفكر بيهه بعد والله تنساها يا ابني واني اوعدك ازوجك التسواها ملكة جماااال واصل وفصل ....
وليد هز راسة بأبتسامة جانبية....باوع بعين امه ولزم ايدهه .... احبهه يوووم ... احبهه ومحبيت وحدة بكدهه ولا راح احب ... بعيني هي ملكة جمال واحسن وحدة بدنية و مستحيل اتخيل نفسي بدونهه ...
وانتي اذا فعلا تريدين مصلحتي وسعادتي فرحيلي وباركيلي واوكفي وياية ... لتخربين فرحتي بزعلج مني اترجاج ... حضن وليد امه وهي هم بادلته الحضن بتردد ... تنهدت بألم ونزلت عينهه تفكر ...
فجأة دك ادهم الباب ودخل عليهم :
كوم لك منو سمحلك تحضن حبيبتي ...
وليد ضحك واسماء ابتسمت بأستهزاء مسحت دموعهه وسكتت ...
ادهم : ليش تبجين يا ريحانة القلب ... كعد يمهه وحضنهه ... فرحي حنخلص منهل السريري ونزوجه ... بلكي الله يعقل ...
اسماء : لو ممزوجي احسن ...
ادهم : لتحجين هيج حبيبتي ... هي قسمه ونصيب ... وترة البنية مناقصهه شي تربية وشهادة وبصراحة آية من الجمال طالع اللوتي يفتهم بالنسوان على ابو ... باوع لوليد بخبث ... وليد بادلة نظرات جانبية ...
و الناس ميتعيبون والله يا ام هشام وكافي همة عشرة عمر ونعرفهم .. مو احسنن مما ياخذله وحدة غريبة منعرف اصلهه من فصلهه ...
وليد هز راسة وبتسم لأبو ... ابو غمزلة وكمل ....
ادهم : اريدج باجر تلبسين احلى ملابس عندج وتخمج الالماس الجبتلجيا قبل شهر هم تلبسي وروحيلهم ...
شوفيهم المن ناسبو خليهم يعرفون احنه شنو ...
ولتخليهم يشرطون عليج ها ... كوليلهم احنه النشرط عليكم مو انتو مو زين حناخذ بتكم ....
وليد بصعوبة كابت ضحكته ...
اسماء شافت عليه صفح وهزت راسهه بأنزعاج ....
.
.
في بيت حقي ....
ميار لازمة موبايلهه اخيرا بعد ما امهه فكت الحصار عنهه : يا الله ... هاي شكد مخابر ... سودة عليه حبيبي...
دنيا : ايبااااه ... سودة عليج مو ... يلة المهم ... وصفيلي مشاعرج من دخلتي للاستقبال وشفتي كدامج ...
ميار : هههههههه ....
اخ ... لج تدرين من كتيلي جوي عليج عبالي بيت خالي !!
دنيا : اي ادري وضليت ساكتة عفتج بواهسج ههههه ...
ميار : لئيمة هههههه ... لج كأنو داروح لجهنم برجلي وفجأة كلولي لا دخلي للجنه ...
دتتخيلين المشاعر انتي ....
دنيا بأهتمام هزت راسهه : همممم ... داحاول ...
ميار ابتسمت : مفهمت ولا استوعبت شلون هيج صار لحد هسه !! شلون عرف دينطوني واجة قبلهم بيوم ديخطب !! باوعت على دنيا صفح ... انتي السويتي كل هذا ورحتي حجيتي ويا مو ؟
دنيا ابتسمت : مو بس اني ... بصراحة ايمن هو السوة كولشي واني ساعدتة ...
ميار بتفاجأ: أيمن !!
دنيا هزت راسه : اني رحت لوليد اي ... بس مو حتى احجي ويا .... حتى اتعارك ..
ميار بحزن : تعاركتي وية وليد !!
دنيا هزت راسهه : وماحجيلج شحجيت وشعملت بي خليهه سكته هههههه ...
ميار : لا دنو حرام عليج ...
دنيا باوعتلهه صفح : هسة صارت حرام علية مو !!! ... ممممم ...
ميا ابتسمت بخجل : طبعا ...
دنيا ابتسمت بأستهزاء وهزت راسهه :
همممم من حقج عيني .... يلا المهم خلي اكملج...
جاني ايمن ثاني يوم وفهمني الصار بينكم بالتفصيل لان حضرتج طلعتي كولشي محاجيتلي....
ميار : هههههه ...
دنيا : ضحكي ضحكي ... فتفقنة اني ويا نحجي لجدي ونحاول نقنعة بموضوعكم ... وايمن مناك هو و وليد يحجون وية اهله ونفذنة الخطة ونجحت مثل مدتشوفين .... ابتسمت دنيا بثقة ...
ميار بصدمة تباع على دنيا : يعني تريدين تفهميني انتي وايمن تعاونتو وحطيتي ايدج بيدة في سبيل تجمعونة اني ووليد ؟؟
دنيا : اي للأسف ... فديربالج تنسين افضالي عليج..
أنت تقرأ
النصف الآخر
Romanceيعود حب طفولتها الأول ...بعد إنتظار دام سنين طويلة... لكنها تتفاجأ بأنه لم يعد ذاك الفتى الصغير اللذي احبته ... أصبح باردا قاسي بلا قلب ولا ذكرى لها .... هذا ما فعلته اوجاع الدنيا واقدارها وماضيه به... فهل سيكون لها أمل بأن تمحي ماضيه الأليم ؟ و...
