إنك لا تَعي حَقاً معنى الموت إلا حينما تعرف الحب ..
-كاترين هيثواي-
*********
منى : لا عيني اني اخطب لابني ههههه ... اي عيوني على كولة ام هشام ندخل بالمفيد ... بصراحة ابني وصاني ماستعجل وكلي دينتظر خبر من دنيا بس اني اشوف هيج فرحة ميصير تتأجل اكثر لهلسبب كلت استغل هاليوم الحلو واطلب ايد بنتكم المصون دنيا لابني سلام واي شي تطلبو احنه حاضرين وبعيونه.
تجمدت ملامحي بصدمة عكس ردة فعل البقية كأنو متوقعين الكلام الكالته .
خالاتي ام ايهم وزينب تبادلو النظرات ممصدكات وبتسمن برضى
اسماء باوعتلي بدهاء وبتسمت : بعد ماعندج حجة ابن حجي محمود على سن ورمح تقدملج ... ماتوقع تلكين احسن من هيج قسمه لو شتكولون عيني ام ايهم ؟
باوعتلهه خالة ام ايهم بانزعاج والتفتت عليه تراقب ردة فعلي دنكت راسي بقهر كوة لزمت روحي ومرديتهه على الكلام الكالته !!
ابتسمت خالتي ام ايهم لام سلام بمجامله وهزت راسهه برضى : اكيد منلكة احسن والنة الشرف عيوني ام سلام ...
ام سلام تنهد براحة : حياتي من ذوقكم ...
اسماء ابتسمت بدهاء وباوعتلي بشك : والعروس شنو رأيهه ؟
بلعت ريكي ساكته ومرفعت عيني عليهم ابد كابته غصتي بالگوة ...
باوعتلي ام سلام بفضول تنتظر اي ردة فعل مني اوف ربي شلون شسوي!؟ كلة بسبب سلام مو وعدني ينتظر شلون تجرأ وحطني بهيج موقف شلووون !!
حجت خالتي زينب اخيرا تحاول تلملم السالفة وتسد الموضوع : هههه ... اكيد تستحي تدرون بخجل البنات بعد ..
حبيبتي ام سلام جيتج اليوم وطلبج على عينه وراسنه ومثل مكالت ام ايهم النه الشرف اكيد .. بس ياريت تنتظرون ناخذ رأي جدهه وخالهه بالموضوع هم وميكون خاطركم الة طيب ...
ام سلام ابتسمت برضى : اكيد اكيد لازم تستشيروهم واحنه هم ممستعجلين على راحتكم عيوني ...
ام ايهم : ربي يكتب البي خير ان شاء الله ..
ام سلام : آمين ..
بلعت ريكي بقهر عاضة شفتي جتي ميار كعدت بصفي حسيت بأيدهه لزمت ايدي بقوة تهدأني بعد ما لاحظت وضعي ...
انتهت الحفله وبقو بس اسماء وزينه كاعدين ينتظرون وليد يجيهم ...
واني اضطريت ابقة كاعدة وياهم على اعصابي
بس اريد الزم موبايلي واشوف شنو قصة سلام وليش دز امه بكيفة وحطني بهيج موقف سخيف !!
اسماء تضجورت لان تأخز عليهم وليد وراها بربع ساعه وصل وليد وميار جانت مطنگرة ومقبلت تطلع تشوفة لان مأجة حناها ...
فجأة دك وليد عليه استغربت و جاوبته وبأستعجال كال : دنيا حبابه اخذي هالخبلة وصعديهه للسطح مسويلهه مفاجأة ولتحجيلهه شي بس صعديهه تمام ؟
ابتسمت : ماشي تدلل ..
أنت تقرأ
النصف الآخر
Romanceيعود حب طفولتها الأول ...بعد إنتظار دام سنين طويلة... لكنها تتفاجأ بأنه لم يعد ذاك الفتى الصغير اللذي احبته ... أصبح باردا قاسي بلا قلب ولا ذكرى لها .... هذا ما فعلته اوجاع الدنيا واقدارها وماضيه به... فهل سيكون لها أمل بأن تمحي ماضيه الأليم ؟ و...
