مرحبة قليباتي ...
اعتذر كالعادة على تأخيري ...
خلي اسولفلكم شوية عن معاناة دوامي حتى تستوعبون الداعيشة ...
عدنه حاليا امتحانات بالكليات كلكم تعرفون هالشي
مراقبة بال3 ساعات بعدهه تصليح دفاتر وتجهيز امتحان ثاني يوم ...
معاناة متونصف وداحاول شكد ماكدر اوفق بين بيتي ودوامي والقصه للاسف ...
ححاول انزل كلما يصير عندي وكت عسا ما ربع بارت ماريد اتأخر عليكم اكثر وادري القصة طولت واني هم تعبت بصراحة ... هالبارت كولش طويل فقسمته نصين بلكي باجر الحك انزل النص الثاني 😅
غير هالشي استمعو وغلسو عالسحكات بهالبارت بعدين اعدلهه 😂... واحبكم 🥰
ايمن :
فار دمي بسبب تصرفاتهه والموقف الجايف الحطتتي وحطت نفسهه بي ...
بلة شي اني متحمللهه ونوب دكت ويايه هالدكة كدام موظفين الشركة ... خلصت عمري محد يدري عن حياتي حتى اقرب الناس الي وكولشي ولا احد يفكر يتعدى على خصوصيتي ...
تالي تجي هي وبرعونيتهه وتصرفاتهه الطايشة تعرضهه ووين !!! بمكان شغلي !!!
ضليت احرك بدمي كوة تحملت ورة ما خلص شغلي بشركة جان لازم اروح للفندق افض كم سالفة ...
فكرت اروحلهه بوجهي لمحلهه واربيهه بس بآخر لحظة تعوذت من ابليس وبقيت بالفندق ماريد اتصرف تصرف وياها اندم عليه بعدين ...
قررت اروح لجناحي سبحت ونمت وماحسيت الة على موبايلي يدك ... بعدني نايم وجاوبت
ايمن : ألو
سليم : ويييينك هاااا !!! من الظهر ادك عليك وانت ماااكو !!!
عكدت حاجبي بأنزعاج : شكو يابه؟
سليم : هسسسسسة تجينيييي ... سمعتتتت !!!!
هسسسسسسة ....
وطبكة بوجهي ....
ضليت صافن على الموبايل ثواني بأستغراب :
شبي هذا !!!
كمت بدلت شلون مجان وطلعت للبيت نشوف تاليتهه ويا ...
بعد ربع ساعة وصلت ... دخلت لكيتة كاعد بالحديقة والوجه ميتفسر ... مبين اكو شي وشي جبير هم ...
تنهدت ... هلا بوجع الراس ... ورحت كعدت كبالة بدون مانطق بحرف اتأمله ببرود ...
يمكن هالشي يعتبر غريب وغلط ...
بس ماحس بأي خوف او رهبة من ابوية ...
وادري المفروض الرجال مهما كبر عمرة ووصل يضل يهاب ابو .. بس حضرتي فقدت كل هالمشاعر تجاها ومن زمان ... قبل حتى لا اوصل واصير ...
وطبعا مو شغله تكبر وشوفة حال لا ...
بس هيج مجرد مشاعرانتهت وماتت ... مثل غيرهه من المشاعر الفقدتهه ونمحت من حياتي ...
رفع نظرة اليه مقاطع تفكيري ... عيونة جانت حمر وعروكة بارزة وقابض ايدة بقوة ...
مانكر نقهرت عليه و بداخلي ادعي ماكون اني السبب بحالتة هاي ...
بلع ريكة يحاول يتحكم بأعصابة ... اخذ نفسة و زفر قوي ورجع يباوع بعيني بحيرة ...
تنهدت بتعب وملل اريدة يحجي ويرحم نفسه ويرحمني عاد ... كتله بهدوء : خير صاير شي ؟
سليم : حسألك سؤال واحد وجاوبني عليه بصراحة ...
هزيت راسي رافع حاجبي بشك ...
أنت تقرأ
النصف الآخر
Romanceيعود حب طفولتها الأول ...بعد إنتظار دام سنين طويلة... لكنها تتفاجأ بأنه لم يعد ذاك الفتى الصغير اللذي احبته ... أصبح باردا قاسي بلا قلب ولا ذكرى لها .... هذا ما فعلته اوجاع الدنيا واقدارها وماضيه به... فهل سيكون لها أمل بأن تمحي ماضيه الأليم ؟ و...
