بعد مرور يوم من حفلة الافتتاح
دنيا : صباح الخير جدو
حقي : صباح الخير بنيتي
دنيا : جبتلك الريوك يمك بعد شتريد
حقي : عاشت ايدج حبيبتي
دنيا : يلا جدو حتأخر على المحل كمل ريوكك كولة ماشي ...
دنيا نزلت وتفاجأت بدخول العائلة كولهه للبيت
دنيا : هاي شنو شو رجعتو شنو الموضوع وهي تمشي بأتجاهم
ام ايهم : شنو الموضوع يعني حبي عيونج عمت علينه
ابو ايهم : اششش شلون بيج انتي
ماكو شي خالو الرحلة تأجلت عواصف وامطار بامريكا
دنيا : اها ماشي يلة ان شاء الله يصفى الجو وتسافرون خالو حبيبي مع السلامة
طلعت دنيا والدموع غركت عينهه حست بغصة جبيرة كلام مرت خالهه مينحمل غير موقف البارحة مال الحفلة .
قصر سليم
وليد : ترة مالهه داعي جيتك اليوم وياية لدوام عمي ميقبل يريدك ترتاح
ايمن : ميخالف اني ماعرف اكعد بالبيت غير هلشي ترة جاي بس متفرج لا عبالك حشتغل من اليوم
وليد: اذا بس متفرج اوكي هههههه
ايمن : اكولك جدي حقي موجود دائما ابيتة مو! قصدي اذا رحت بأي وقت الكا ؟
وليد : اي موجود بالبيت اصلا يتوسلون بي يطلع يغير جو مرات ميقبل ماعرف البارحة شعجب اجة للحفلة الظاهر دنيا ملعبة نفسه وجبرتة يجي هههههه...
ايمن سكت
وليد : اكولك ترة من هسة لازم تعرف جدك زعلان منك مو شلون مجان لان كطعت ويا وزين اذا قبل تدخل لبيتة و فوكاها البارحة مرحت وسلمت عليه قبل ليروح ف الك الله....
ايمن : لتشيل هم.... موضوع جدي يمي اني اعرف شلون اخليه يسامحني ....
محل دنيا
جنة : اي نعم نعم تم الحجز ان شاء الله باجر توصلكم الطلبية اهلا وسهلا .
دنيا صايرة اعصاب اليوم وبس تتعارك وية جنة والمعاميل والمجهزين واي كائن يمر من يمهه
جنة : حبي شبيك اليوم اعصاب مو البارحة رحتي للحفلة وشفتي الحب بعد شبيج يا عيني
دنيا : جنة ممكن تكرميني بسكوتج وعوفيني مركزة داشتغل
جنة : شتشتغلين صارلج ساعة تفرين بهلكيكة وصافنه عليهه لا هي التزينت ولا انتي الهدأتي
دنيا : ماعندي مزاج شسوي اموت روحي
جنة : شبيج يا عمري دحجي فضفضيلي اعتبريني صديقتج التعرفيهه من ١٣ سنة زين شنو الموضوع يخص أيمن مو ؟
دنيا : شنو رأيج تسكتين ومتجيبيلي طاري هلأسم ابد بعد
جنة : ممممم افتهمت ماشي حبيبتي يلة كملي هالكيكة بسرعة ورانة طلبية خطوبة بعد كم يوم هم يلة نبدي بيهه
دنيا ضلت ساكتة وبدت تشتغل علكيكة الشبعت ضيم 😂
بهلاثناء دك موبايلهه
دنيا : الو نعم خاله
زينب : هلاو حبيبتي اكولج تكدرين ترجعين من وكت اليوم محتاجيج
دنيا : ها... بس خاله ماكدر عندي شغل وطلبات
زينب : خاله ماعدنة غيرج اني ومرت خالج طالعين دنحجز مرة ثانية رحلة و وليد خابرني كلي احتمال أيمن يمر على جدج عيب الولد صارلة شكد مجاينة علاقل نحضر غدة شي
دنيا هنا اتجمدت ونصدمت
دنيا بداخلهه(هذا شعندة جاي اوف ربي صبرني )
دنيا : خاله ماكدر والله كتلج عندي شغل وصو اكل من برة ورجعو من وكت واستقبلو
ام ايهم رأسا اخذت التلفون من زينب
ام ايهم : دنيا احنه معتمدرين عليج وماعدنة حل ثاني يلة حنطلع هسه كملي شغلج ورجعي للبيت ...سدت الخط
دنيا: الو الوو استغفر الله
جنة : شبيج خوما صاير شي
دنيا بصوت ناصي : ماكو شي بس الكريه حيجي واني ماريد اشوف خلقته
جنة : منو الكريه وين يجي
دنيا : جنة اسفة بس حضطر اعوفج هسة كملي انتي اخر طلبية وسدي المحل ورجعي
جنة : ماشي حبيبتي اني هم داريد ادرس الجهال عندهم امتحانات
دنيا : يلة بيباي
راحت دنيا للبيت وبدت تحضر غدة وراها صعدت يم جدهه تشوفة كاعد لو لا
حقي : ها بنيتي شو راجعة من وكت اليوم
دنيا : ماكو شو حبيبي كلت خلي اسوي اكل ونتغدة سوة اليوم
حقي بغضب : همة خابروج مو سمعتهن يتبسبسن جوة باعي من هسة اذا اجة هذا تسدين الباب ومتفتحيلة خلي يبقة يدك لحد ما يمل ويروح ... هسة يلة اذكر عندة جد ..
دنيا ابتسمت لجدهه تدري بي يكابر مثل عادتة :
ميخالف حبيبي بس لتضوج حصبلك غدة حتى تاكل وتاخذ قيلولتك ماشي
الجد هز راسة بلموافقة وسكت
بعد ساعتين
دنيا كاعدة تنتظر وحدهه بالصالة وكلساع تباع عالساعة
دنيا : بل٤ ونص وبعدة مجاي هه .... ماعرف ليش خلوني اسويلة غدة واتعب فوكاها مأكلت كاعدة انتظرة يجي ...هوف بطني توجعني متت جوع اوووي راح اكل منو هو حتى انتظرة راحت للمطبخ بدت تصبلهه غدة
فجأة سمعت صوة الجرس فزت رأسا وضلت مرتبكة وصافنة
وراها راحت للباب اخذت نفس عميق وفتحتهه
ابو التوصيل : مساء الخير عندكم طلبية
دنيا بصدمة : أ..أي نعم مال شنو
ابو التوصيل : فستان من بيج شيفون
دنيا (اوف من سوالفج ميار توصين بهطالبيات ومتلحكين ) : اي نعم تفضل
نطتة دنيا المبلغ وجان بي زيادة ابو التوصيل مقبل ياخذ كللهه نطيني فقط مبلغ التوصيل دنيا باوعتلة بملل وكلتلة ماعندي خردة اخذ الباقي الك واخذت الطلبية بسرعة مخلتة يكمل وسدت الباب ثواني رجع ندك الباب مرة ثانية
دنيا : هذا اكيد ابو التوصيل حيلزك اليوم : فتحت الباب بغضب وصاحت نعممممم وهنا الصدمة ...
شافت ايمن واكف كدامهه مباشرتا يفصلهم كم سانتيم ايمن رفع حاجب وباوعلهه ابرود دنيا ضلت تباع بعينه بصدمة لمدة ثواني بس هالثواني جانت كفيلة تلخبط كيانهه وراها انتبهت على نفسها وراسا رجعت ليورة وسدت الباب ووكفت وراها تتنفس بصعوبه بعدهه كالت : جدو ميقبل افتحلك الباب
ايمن ابرود دار وجهه وراح
دنيا فتحت الباب مرة ثانية بعد فترة شافت ايمن راح!
دنيا : معقولة راح -طلعت للحديقة - شو ماكو هذا
وراها سمعت صوت بداخل البيت احد ديمشي عالدرج اندارت لكت ايمن داخل وفعلا ديتوجه لغرفة جدهه فوك
دنيا : خرببب نسيت الباب مال المطبخ مفتوحة 😩
دنيا رأسا لحكتة لأيمن وضلت تكولة : انتظر لتصعد جدو نايم وميريد يشوفك اصلا
ايمن ممهتملة وديكمل طريقة دخل رأسا لغرفة جدو وشافه فعلا امدد على الكرسي الهزاز مالتة وغاط بالنوم
دنيا : مو كتلك نايم
ايمن : اشش وراح وكف يم جده يتأملة ويبتسم
دنيا شافت على ايمن لكت وجهه حزين ومبتسم بنفس الوقت حست انو فعلا ايمن مشتاق لجدهه ومحتاجة
دنيا عافتهم ونزلت جوة رادتهم يبقون بوحدهم شوية
جانت تعرف شكد علاقتهم فريدة من نوعهه صح متربطهم صلة دم بس جدهه هو الربة ايمن بعد انفصال اهلة فأيمن بالنسبة الة حفيدة وقطعة من روحه وشمهما حاول يخفي هالشي جان يشتاقلة وينتظر منه اخبار دائما.
بعد دقايق شافت دنيا ايمن نازل من الدرج رأسا دارت وجهه وضلت كاعدة متتحرك
اجة هو للصالة وكعد ولزم موبايلة وضل يكلب بي بدون ميحجي كلمة ولا حتى يباع عليهه
دنيا فهمت انو حينتظر جدهه يكعد من النوم الظاهر مصر يلتقي بي
ضلو كاعدين سوة تقريبا نص ساعة السكوت جان مخيم على المكان دنيا تسترق نظرات وتحاول تحفظ شكلة الجديد قلبهه يدك علسريع ومتوترة
دنيا بداخلهه حزينة : ( شكلة متغير حيل ... حتى عيونة تغيرت صارت باردة كولش .... كأنو شخص ثاني ..... بس ..بس ليش بعدة قلبي يدك من يشوفة ليش أحس بتوتر لييش مدافهم )
ايمن ولا يمه ولا اصلا دايرلهه بال ورة شوية ندكت الباب كامت دنيا فتحتهه جان يطلع حسن ابن خالهه الصغير
حسن : وينج دنو صارلي ساعة ادك بالباب ميت جوع
دنيا : هلاو حسوني حبيبي ادخل
حسن دخل للصاله وضل يحجي : صبيلي غدة حبابة ميت جوع هاي المدرسة مخلتنة ناكل بالفرصة الله ليوفقهه ..
دنيا تضحك على لسان حسوني بعدة طفل وتحس لسانة مال شايب
حسن وكف وضل يباع على ايمن بتفاجأ : منو انتة وشسوي هنا وية اختي بوحدكم
دنيا بتوتر ضحكت وجاوبتة : حبيبي حسوني هذا صديق جدو تعال بسرعة داصبلك غدة
حسوني ضل يباع صفح لأيمن أيمن انتبهله وهم ضل يشوف عليه وراها رجع يكلب بموبايلة
حسن و دنيا راحو بالمطبخ وحسن تغدة وضل يحجي وية دنيا عن الدوام وست لمياء اليكرهه ودنيا بالهه بغير مكان تريد تعرف ايمن تغدى لو لا خاف عيب اذا متصبلة غدة شمهما كان هو ضيفهم طلبت من حسن يروح يسأل الضيف اذا يريد يتغدة او لا
حسن عاف دنيا تنظف المطبخ وراح على ايمن سألة تريد غدى
ايمن ابرود : لا شكرا
حسن ابرأة : شنو أسمك
أيمن سد موبايله وانتبه على حسن : اسمي أيمن انتة شنو اسمك
حسن : حسوني بس اني أول مرة اشوفك ماذكر جدو عندة اصدقاء يشبهوك دائما يجون شعرهم ابيض وبلكوة يصعدون الدرج
أيمن ابتسم : اني مو صديقة اني مثل حفيدة
حسن : شنو انتة حفيد جدو مثلي يعني ؟ زين شو مشايفك قبل ولا لاعب وياك
أيمن : جنت مسافر
بهلأثناء جتي دنيا يمهم وكعدت
حسن : دنو ليش مكتيلي أيمن حفيد جدو
دنيا شافت على أيمن بصدمة وسكتت
أيمن : أسال جدو من يكعد عليه وشوفة شيكولك
حسن : زين شنو اسم ابوك
ايمن : سليم
حسن بتفاجأ : هااااا عرفتك منو انتة انتة صديق دن..
دنيا بارتباك قاطعتة : يلة حسن كوم اصعد لغرفتك ادرس
حسن : باجر عطلة نسيتي وبعدين اريد العب وية ايمن
دنيا : روح اصعد نام لعد حتى بليل نشوف فلم
حسن : لا منعسان وانسي اعوفج انتي ويا بوحدكم
دنيا نحرجت وكامت تخزر حسن
ايمن حب سوالف حسن ضل يتفرج عليه ويبتسم
( أيمن رغم هو حقنة😂 بس كولش يحب الاطفال ويتونس على سوالفهم )
حقي : دنيااا وينج سويلي شاي بنيتي
أيمن رفع راسة وبسرعة كام وصعد فوك ودنيا لحكتة لان تدري بجدهه ميريد يشوفة وحيرزلهه لان خلته يصعدله
حقي التفت وشاف أيمن وراها دار وجهه: اني مو كتلج ماريد اشوفة لهذا
دنيا رادت تحجي ايمن اشرلهه انو تسكت
ايمن : واني مجيت حتى اشوفك جيت حتى اكمل لعبتنة وافوز عليك
(طبعا حقي وايمن جانو دائما يلعبون شطرنج سوة وحقي علم ايمن اسرار هلعبة وشلون يفوز بيهه وايمن يدري كولش زين هاللعبة نقطة ضعف جدة )
حقي شاف على دنيا : سمعتي مو يريد يفوز عليه هههههه
دنيا ابتسمت لجدهه وكالت : حروح اسويلكم شاي ونزلت
ضل ايمن وحقي وقت طويل يلعبون ويسولفون ويضحون ودنيا جوة تسمعهم وتبتسم لا اراديا
وراها جوي باقي العائلة وتجمعو على العشة ايمن نزل واعتذر منهم وكلهم : غير وقت اجيكم ان شاء الله تأخرت وعندي شغل
ام ايهم : ماشي حبيبي ننتظرك والله مصدكنة جيتنة ملحكنة نكعد ونسولف وياك
ايمن ابتسم ودعهم و طلع
ابو ايهم : بنتي دنيا وصلي للباب واخذي الايت لان ضوة الشارع عطل و الكراج ظلمة
دنيا رأسا اخذت الايت وطلعت ورة ايمن هي تمشي وتضويله الطريق وهو كدامهه ابتسمت دنيا وتذكرت هلمنظر كأنو ديتكرر بس هلمرة هو مديلتفت الهة ولا يباع عليهه نملت عيونهه دموع وحست بغصة جواها
دنيا : لازم احجي لازم اعتذر منه
فجأة دنيا تعثرت ووكعت رفعت راسهه لكت ايمن مكمل طريقة وصل لسيارتة وفتح الباب ديركب وحتى مكلف نفسة وشاف عليهه
دنيا كامت ومسحت دموعهه ووكفت
دنيا : أيمن
ايمن وكف والتفت شوية
دنيا : أن...أني اعتذر منك على الشي صار بالماضي
أيمن ندار وباوعلهه بنظرة باردة وكلهه : ليش شنو الصار بالماضي
دنيا تفاجأت من كلامة وداركت الموقف حتى لتحرج نفسهه اكثر : ممممم لا مصار شي اصلا موضوع ميستاهل بس كلت اعتذر منك
أيمن رفع حاجبة ورمقهه بنظرة كره فضيعة خلت دنيا ترجع ليورة وترتبك و ركب سيارتة رأسا وراح
ايمن وهو ديسوق : موضوع ميستاهل مو هه
مصار شي موووو
بسيطة اذا مشوفتج ايام سودة ما اتسمة أيمن .
أنت تقرأ
النصف الآخر
Storie d'amoreيعود حب طفولتها الأول ...بعد إنتظار دام سنين طويلة... لكنها تتفاجأ بأنه لم يعد ذاك الفتى الصغير اللذي احبته ... أصبح باردا قاسي بلا قلب ولا ذكرى لها .... هذا ما فعلته اوجاع الدنيا واقدارها وماضيه به... فهل سيكون لها أمل بأن تمحي ماضيه الأليم ؟ و...
