النصف الآخر

بارت ٨١ ج٢

ملاحظة : اقرو بارت ٨١  قبل لتقرون هلبارت علمود ترابط الاحداث ❤️

*********

دنيا : ومنا بديتي تحبي مو؟

ابتسمت شيداء بحزن وتنهدت :
حبيته اي ...حبيته رغم جنت اعرف هالحب من طرف واحد ...
دنيا : مفهمت شلون يعني من طرف واحد !!!

بلعت ريكهه شيداء واخذت نفس ... ابتسمت شويه ماسحة دمعه ضايعة من عينهه وتنهدت ...
بعدهه دخلت بدوامة من الذكريات وصلتهه لمشهد محفور بثنايا ذاكرتهه وما ممكن بيوم تنساه ...

الماضي /
شيداء : زنوبة وين ليلى شو ماهية بغرفتهه !
زينب : مادري قبل شوية جانت دتقرة خاف نزلت تساعد امي ...

هزيت راسي رحت لخالتي ام ليلى اللي جانت دتطبخ الغدة ومخبوصة كلعادة ..
شيداء : الله بالخير لاحلى خالة بالدنيه...

ام ليلى : هلا بريم الفلا ... هلا بيهه وبجيتهه ... تعاي خالات جيتي بوكتج شلون دولمة مسوية اليوم ..

ابتسمت باللهفة : تشاقين خالة مسوين دولمه و خبزج الحار هم وياها ...
ام ليلى : هههه اي مشميتي الريحة من دخلتي للحوش ...

شيداء : شميتهه يخاله وخترقت صمصوم گلبي خوش لعد اليوم غدايه يمكم ...

ام ليلى : ههههه هلا بيج بنيتي بلا عزومة ...

شيداء : شو اضوك ... اويلييي عاشت ايدج خاله تموت ...

ام ليلى : هههه اذا هيج تحبين بطنج متتعلميلج كم أكلة اطبخيهه  للمكرود الحياخذج  ...

شيداء : ميحتاج خالة ...

ام ليلى : يااا لج ناوية تموتي جوع للرجال زين انتي متاكلين  ...

شيداء : والله مو بيدي ماحب الطبخ عود اخذلي واحد ضعيف ومياكل هواية ...

ام ليلى بهمس  :  مكرود يوليدي يلمالك بخت ...

شيداء : شنو خاله ؟

ام ليلى : هاا ... لا هيج

شيداء : احم ... لعد وين ليلى ؟

أم ليلى : دتشر ملابس بسطح ...

مد محمد راسة بعدم انتباه  : يوم اني طالع شجيبلج من الدگان ...

وبعد ما لمحني تحمحم ورتبك ودخل للمطبخ متوتر:
انتي هنا ... شوكت اجيتي
جاوبته بتوتر متجنبه نظراته : قبل شوية ...

مانكر جنت احس محمد اخو ليلى عندة شي اتجاهي وخاصتا اخر فترة هواية لمحتلي خالتي ومو بس الي حتى لأمي واكيد ردود افعالة تجاهي هم فضحته و جنت اكضيهه تغليس لان ادري مستحيل ابادلة المشاعر بيوم رغم محمد اي بنيه تتمنا بس جنت واكعة بحب سليم بجنون وماشوف بعيني رجال غيرة .