النصف الآخر

بارت ٧٠

مرحبة حبايبي 🥰
ادري داتأخر عنكم هوايه بس مثل متدرون احنة هسه بفترة امتحانات وبصراحة مدالحك الزم الموبايل حتى
بحيث اليوم ضربت الدوام لخاطر اكمل البارت وانزله علمودكم ...
باجر هم ححاول انزل بارت حتى لو قصير واذا مكدرت عذروني ...

احبكم 🤗 استمتعو 🤩

ايمن : اني اختاريت اصلا يابة ...

سليم بصدمة فتح عينه : اختاريت !!

ايمن هز راسه مبتسم بهدوء ...

سليم : منو ؟ اعرفهه !!

تنهد وكام : كولشي بوكته حلو يابه
من رخصتك لازم اطلع هسه  ..

سليم : دقيقة ابني شهل الحجي هذا !!
غير تفهمني منو هاي الختاريتهه وشنو فلمهه !!

ايمن : حتفهم قريبا  لتستعجل ... يلا اشوفك ...
مشه ايمن ببرود تارك ابو بصدمه وحيرة ...

...........

اسماء : وين ابني شو متريكت !!!
وليد : مستعجل يووم بالدوام اتريك عود ... باس راسهه وطلع من البيت بسرعة ...
بصدمة شاف أيمن من بعيد راكب سيارته وطالع من الكراج ...

بغضب زفر : سواها ورجع ... اخ اخخخخ ...
لزم موبايله ودك عليه ...

ايمن : ألو ...

وليد : تحجي صدددددك لو تشااااقة !!!!

ايمن مغمض عينه وباعد الموبايل عن اذنه بأنزعاج ...

وليد بعصبيه : احنه شكلنه هاااا شحجينه ... لك انت تريد تمووووت فهمني وين تريد توصل بتصرفاتك هااااي هااااا !!!!

ايمن : صوتك وليد شكيتهه لأذني...

وليد : ضل لا أبالي ضل ... كون يصير بيك شي ساعته يا أيمن حكعد العائلة الكريمة كولهه واسولفلهم عن كلشي ...

أيمن بأستهزاء : شنو ماعندك غير هالقوانة تهددني بيهه؟

وليد : اي ماعندي غيرهه لأن ماكو شي يفيد وياك ...

ايمن : كافي لتلح فدشويه اخابرك ...

وليد : ايمن لتكفرنة وين طالع ها !!! حضرتك مستهدف تعرف شنو يعني مستهدف !!!

ايمن : لا مستهدف ولا هم يحزنون ...
لزموهم وماكو شي بعد فأسكت كافي تنك رحمة للكعبه ...

وليد : شنو لزموهم شنو ماكو شي قصدك لزمو العصابه يعني ؟!

ايمن : اي لزموهه ...

وليد : شوكت لزموهم ...

ايمن : بعدييينن وليد اشوفك وافهمك ...

وليد تنهد براحة : يعني ماكو خطر عليك بعد !!

ايمن دور عينه بأنزعاج :  والحمزة ماكو خطر بس اعتقني ...

وليد : يلا لعد همزين رجعت ...

ايمن : هسه صارت همزين رجعت ... خربعرضك ...