دنيا بأرتباك تتلفت بموقع التصوير وتفرك بأيدهه :
بلة زحمة شوكت يبدي التصوير ؟
احد الستاف : بل10 ...
هزت راسهه وبتسمت بأرتباك ...
موبايلهه رجع دك للمرة المليون اليوم ...
اهلهه اصدقائهه والكل قلق ومتوتر مثلهه من عرفو اليوم حتصور الحلقة ..
اجة المخرج وشرحلهه وين توكف وشسوي وشتحجي وهي بتركيز وحماس تهز راسهه ..
اجتي المانكيرة وبتسمت : تفضلي ويايه اعدلج المكياج دنيا بادلتهه الابتسامة بتوتر وكامت وياها ...
بلعت ريكهه بألم وهي تشوف اخر ظهور لأيمن ...
من يوم التعاركو ماكو خبر منه ولا اتصل بيهه ...
وهي هم قررت متتصل بي وتصر على موقفهه لحد ما اليوم قررت ادك عليه وتحجي ويا لان بعد متتحمل اكثر ...
بس للاسف ماكو جواب منه ...
تنهدت بحزن وفجأة سمعت مساعد المخرج يصيح اسمهه ... صار وقت التصوير ...
دنيا :
مشه التصوير اسهل مما تخيلت... بالبداية جنت ارجف و من الارتباك والخوف رجلي كوة شايلتني ... بعدهه انطلقت وندمجت ومعادو التصوير ولا مرة والمخرج جان كولش راضي عن ادائي ....
سويت وحدة من وصفات الكيك النادرة واللي امي اخترعتهه واني ضفت هم لمساتي عليهه... الكادر كوله مدحني ونعجبو بالكيكة وتعاركو عليهه بنهايه ههههه ...
وحسيت المخرج رايدني بحلقة ثانيه وياهم بس اني منطيت مجال لان مناويه اكرر هالتجربه اصلا ...
بصراحة من يوم التعاركت ويا واني ضميري يأنبني ...
صح بالبدايه جنت ضايجة ومقهورة منه كولش لان مفرحلي ولا شجعني رغم يدري هالتجربة حتغيرلي هوايه امور بشغلي وحتفرقلي ...
بس بعدهه كعدت افكر ويه نفسي وراجعت كلامه بعقلي
يجوز فعلا هو ميتحمل هالشي ويخاف عليه لهلسبب رفض موضوع الشهرة ...
واني مهاويه هالموضوع اصلا و مجنت مفكرة بي ابد
بس سارة وجنة حطو ابالي ...
لذلك قررت مااعاندة اكثر وتكون هاي اول واخر تجربه الي ...
المشكله مو هنا ...
المشكلة ايمن صارلة كذا يوم لا حس ولا خبر
كالعادة من نتعارك عند قابليه يضل كذا يوم ميحجي ويايه ...
وهالموضوع كولش راعبني منه ... احس انو البعد عنده سهل وعادي يتركني بأي لحظة بس لأن ممشيت على مرامة ...
هوووف ... مصارلنه شهرين بهالعلاقة بس شبعنه مشاكل وعراك ...
ويمكن لو اجمع الايام المتراضين بيهه متطلع نص هالفترة ... هاي غير سفرته اللي اثرت بزايد على علاقتنه ...
ماعرف ... الخلل مني او منه .... بس اني تعبت ...
تعبت من مشاكلنة ...
تعبت من البعد والاشتياق ...
احس كولش محتاجتة واريدة ...
ليش نضيع كل هالوقت واحنه مو سوة بسبب مشاكل تافهه مدافهم !!! ...
بلعت ريكي بألم وضليت اكلب بصورة القليله الناشرهه بلأنستغرام بلكي ارتاح شويه واصبر نفسي من اشوفه ...
أنت تقرأ
النصف الآخر
Romanceيعود حب طفولتها الأول ...بعد إنتظار دام سنين طويلة... لكنها تتفاجأ بأنه لم يعد ذاك الفتى الصغير اللذي احبته ... أصبح باردا قاسي بلا قلب ولا ذكرى لها .... هذا ما فعلته اوجاع الدنيا واقدارها وماضيه به... فهل سيكون لها أمل بأن تمحي ماضيه الأليم ؟ و...
