النصف الآخر

بارت ٧٦ج ٢

تكملة البارت حبايب واعتذر عن التأخير بس نصابيت كورونا واليوم يلة صرت زينه ...
الشي الايجابي الصارحنحبس بلبيت هالعيد واتفرغلكم  فحدللكم بهاليومين الجايين ودك بارتبات ان شاء الله 🤣

ثاني يوم في بيت حقي ...

ام ايهم : زينب ...

زينب : نعم ...

ام ايهم : اكولج هاي ام وليد خابرتني وكالت النسوان يردون يجونة اليوم شكلهه ...

زينب : صدك ؟! ادري شبيهم مستعجلين ...

ام ايهم : الظاهر عجبتهم دنو دروحي فاتحي عمي بالموضوع وخليهم يجون دنفضهه ... صدكي قسمه متتفوت حرامات ومدام دنيا قبلت تكعد ويه الولد
معناها اكو تقبل ...

زينب : والله مادري خاف ممقتنعه بي غير نسألهه نشوفهه خوما نتصرف من كيفنه ....

ام ايهم : اذا نضل عليهه لبنت اختج تعنس داكولج ترة وخاف هسه ديجيهه واحد ثنين كولهه سنتين بعد محد يگلبهه ... لتنسين الناس من يسمعون بيهه يتيمه ورابيه ابيت جدهه مو الكل يتقبل هالشي ...

زينب : شهل الحجي هذا يعني قابل بيدهه البنيه تيتمت لو عار اليتم بعدين لو هالكلام صحيح جان مو كومة رادوهه لدنيا بس غير هي جانت قافله ...

ام ايهم : المهم ماعلينه بهالحجي روحي شاوري لعمي بالموضوع او أكلج خلي اني وياج نروح نحجي ويا وهو يتولى موضوف حفيدته ويقنعهه ...

زينب تنهدت بقلق وراحت ويه بثينه لغرفة حقي ...

_______

في محل دنيا

دنيا: صباح الخير على الناسينه...

أيمن : منو يكدر ينسه دنيتة ...

دنيا : شوكت كعدت ؟وين انت ؟تريكت لا ؟

ايمن : كم سؤال بجملة صدك جذب ...

دنيا : دحجي ...

ايمن : كعدت قبل ساعه بدلت وطالع لشركة واكيد ملحكت اتريك لان كاعد فايت وكت من ورة وحدة متخاف الله تسهرني الليل بطوله متكول هالرجال ورا شغل وكعدة من الصبح ...

دنيا : ههههه وهالوحدة مجابرتك انت العاجبك تسهرصح لو لا ...

ايمن : صح عيني صح ... وصلتي للمحل ؟

دنيا : أمممم وسويت ريوك عبالي تجي تتريك ويايه بس يله ماجبرك ...

ايمن : غزالتي ماكدر عندي اجتماع ومتأخر عليه اصلا ... تريكي انتي وتريكيلي وياج ...

دنيا : شلون حتبقة هيج بدون أكل ؟

أيمن: اخلص الاجتماع وآكل عود ...

دنيا : أممممم ماشي نشوف ...

أيمن : حضري نفسج باليل أجي عليج  نتعشة برة ...