النصف الآخر

بارت ٧١

مرحبة حبيباتي ...
قراءة ممتعة ❤️❤️❤️❤️

سليم : وين جنت ؟
أيمن بملامح ثابته  : كاعد ادخن ...
سليم بشك يراقب ملامح ابنة الباردة :
ها ... يلة خلنرجع تأخر الوقت ...
أيمن : ماشي يلة ...

التفت سليم وأيمن تنهد بتوتر ... معقولة شاف شي ؟

_________

دنيا بوجه محمر طبت تركض للمطبخ ...

زينب : شبيج ولج !!

دنيا بلعت ريكهه : ش.. شبية ؟

زينب :شو وجهج غادي دم !! ..

دنيا : ها ... لا جنت بالحديقة داسكي الزرع والجو حار...

زينب : ها ...

حقي : زينب ... يا زينب وينج ...

زينب : جاية يابه ... رايحة لجدج انطي ادويته عود غسلي المواعين حبابه ...

دنيا : ماشي خالة ...
تنهدت دنيا تراقب خالتهه وهي طالعه من المطبخ ...

زينت : ها يابه ... يلة دانطيك ادويتك ...

حقي : عوفي الادويه هسه  بنتي دخلي وسدي الباب وراج ... رايدكم بسالفة ...

اشرت بعينهه لاخوهه محمد اللي جان كاعد مستغرب مثلهه ...

محمد : خير يابه قلقتنة...

حقي : خير ابني خير ...
تنهد ... اريد اخذ رأيكم بموضوع ...

زينب : واللي هو ؟

حقي : نهايه الشهر ... راح يجينه ضيف  من الخارج يستقر يمنه فترة لحد ما يكمل شغلة هنا بعدهه يرجع ..
يعني شغله سبوع سبوعين مو اكثر ...

محمد : اي هلا بي يابة ... البيت بيتك وضيوفك على راسنه من فوك ...

حقي هز راسه :  متقصر وليدي ادري بيك ...

زينب بشك : منو هالضيف الجاي من برة واحد من اصدقاءك يعني لو اقاربنة ؟!

حقي تنهد : لا هاي ولا هاي ... الضيفة انتو تعرفوهه  ورابين وياها هم ...

زينب : ها قصدك على شيماء بنت عمتنه سهام صح كالت حتجي هالفترة بس عساس تستقر ابيت اهل رجلهه ...

حقي بتوتر : لا شيماء ولا غيرهه ... كلت مو اقارب ...

محمد : لعد منو يابه حيرتنه ترة ...

حقي اخذ تفس وزفر : شيداء ...

محمد وزينب فتحو عينهم بصدمو وتبادلو النظرات ...

حقي : شبيكم انصدمتو ؟

زينب : شيداااء ؟؟؟

حقي هز راسه

محمد : شعجب راجعة ورة كل هالسنين !!

حقي : حسب الفهمته عندهه معاملات  موصية ناس يكملوهه بس مرهمت الة هي ترجع وتمشي بيهه بنفسهه فكالت  حتجي للعراق سبوعين زمان تكملهن وترجع ...
واني كتلهه تبقة يمنه ...