النصف الآخر

بارت ٧٨ ج١

مساء الخير حبيباتي 🤩❤️

دنيا : انت .. انت ابيتنه ؟

ايمن : هسه حدخل شبيج ارتبكتي !

بارتبك بلعت ريكي: اني مرتبكة ؟! هههه وليش دارتبك يعني ... بس كتلك ماكدر نطلع هسة لازم اودي خالتي لطبيب ...

ايمن : اذا تريدين عادي وديهه وعود اجيج لمحلج باليل ...

دنيا : ها ماشي حبيبي اتفقنه يلا باي ...

بسرعة سديته وخابرت على خاله زينب .

زينب : الو ؟

دنيا : خاله بسرعة اخذي شيداء لغرفتج وسدي الباب عليكم لطلعون لحد ما اجي ...

زينب : شعدنه بلغرفه مو كاعدين ننتظرج حتى نروح لطبيب ...

دنيا : خاله بس سمعي كلامي ابوس ايدج بعدين افهمج
بسرعة دخلو ...

زينب : ماشي ماشي ...

سمعتهه تحجي ويه شيداء ...
بخوف حجيت : ها خاله دخلتو للغرفه ؟!

زينب : اي هاي دخلنه ليش شكو دنيا شصاير ؟!

دنيا : ايمن جايكم هسة جان شافهه ...

زينب : يا صخااام ...

دنيا : همزين لحكته المهم خاله حتى انتي لطلعين خوش...

زينب : اوووف شلون سالفه زين وموعد الطبيب ولج شلون بي !
دنيا : هسه بس دخلي اوصل واوديكم صبرولي ...
زينب : خوش منتظريج  ....

شيداء بلعت ريكهه بأرتباك : ايمن اجة مو ؟

زينب تنهدت  بتوتر: اي وماعرف شلون دنيا لحكتلنه ونقذت الموقف  ...

ام ايهم : هلا بيك وليدي شلونك شنهل الغيبه لا تمر لا تسأل ...

ايمن : هاي شنسوي خاله الشغل ماخذ كل وكتنه ...

ام ايهم : اي والله خطيه يكول وليد الله يعينكم ...

ايمن : جدي  بغرفته ؟

ام ايهم : اي بغرفته تفضل تفضل اسويلك جاي لو كهوة ؟

ايمن : ماريد اتعبج ...

ام ايهم : بالعكس ماكو تعب انت ابني ...
عمي ... اجاك ايمن ...

حقي بأرتباك كمل صلاته وسلم والتفت يباع على ايمن اللي جان واكف اباب غرفته مبتسم بهدوء ...

ام ايهم : عزة بعيني ... ممعقول شافهه ... رحت ركض للهول همزين ملكيتهن ...
تنهدت براحة ورحت لغرفه شيداء فارغة وراها رحت لغزفة زينب  ...
فتحت الباب وطبيت بتوتر :
همزين دخلتن لهنا غير ايمن اجة ...

زينب : اي ندري قبل ليوصل دنيا خابرتنه وبلغتنه بجيته ...

ام ايهم : وهسه شنو حتبقن محبوسات هنا شلون ترحن لطبيب ؟!