لقد كنت احترق من اجلك !
بينما انت تلومني على رائحة الرماد !
****************
دنيا :
حابسة روحي بغرفتي باقية على هالحال صارلي اكثر من سبوع ..
بعد الصار بيني وبينة ذيج الليلة فقدت الامل ورجعت مية خطوة لورة
فشلت حتى افكر بحلول ثانية ولا عرفت شلون اتعامل وية حياتي بعد !
وهو هم اختفى فجأة من انظاري لا وجه الالمحه ولا الصوت الاسمعة كانما معايش ويايه بنفس البيت وبصراحة هلشي احسن النه ثنينه ...
ندكت باب غرفتي عبالي جين بس طلعت ميار ..
كمت متفاجاة من شفتهه ورحت حضنتهه وهي هم بادلتني الحضن
دنيا : ليش صعدتي الدرج مو زين
ميار : شسوي غير بنت عمتي بذاته ومتسأل كلت اروحلهه بنفسي اشوفهه واطمأن عليهه ..
شلونج ؟
دنيا : عادي زينة
ميار : اذا زينه ليش مختفية لعد ؟
دنيا : ميار ترة اني محبوسة !
يعني من باب البيت ممنوع اطلع اذا مو بأمرة ف اللي يريد يشوفني هو لازم يجيني لهلسبب مختفية !
ميار: والله العظيم مو بيدي خلنكعد واسولفلج شديصير تعبني الدرج مالتكم يدوخ ..
دنيا ببرود : عادي حبي مكتلج هيج حتى تبررين مستوعبه ظرفكم ترة ..
كعد ميار بتعب على سريري وتنهدت :
اي ادري دنو بس ترة والله جيت مرتين لهنا ادك الباب والافندي جان موجود ويسمع بس ميفتحهه وخلف الله على جين اليوم شفتهه دتجيج وجلبت بيهه حتى ادخلني يمج بما انو زوجج ماكو ..
دنيا : لتكولين هالكلمه بلا رجاءا وتذكريني لا زوجي ولا صخام... كولي سجاني احلى ..
ميار : ههههه ... خرب دنو لو تشوفين ملامحج من تحجين عليه ..
دنيا : ميار سكتي بربج ترة روحي طالعة سدي موضوعة
ميار : الظاهر الامور مو طيبة ومسويتي شي من التفقنه عليه مو !
دنيا : بطنج كبرانه بيا شهر صرتي ؟
ميار : غيري الموضوع غيري شبيج كل سبوع تسأليني هالسؤال ههههه
دنيا : مو متلهفة اريد اشوفة للحقير
ميار : هههه بالسادس دخلت توني
دنيا : هممم ... كون الحك عليه
ميار : شنو قصدج تلحكين عليه ولج
دنيا : قبل لا اهج منا شبيج
ميار : اها يعني حترجعين لخطتنه
دنيا : اي ارجع بس غير الكفة ! اذا هو ماكو صارلة كذا يوم مختفي ماعرف وين ولة
ميار : اي ماهو كال لوليد عندة واجب كم يوم و يرجع
دنيا : بعد احسن
ميار : دكومي بدلي لعد وامشي ويايه لهناك مسوين عشة على سلامه هشام وطلعتة من السجن
دنيا : ليش طلع ؟
ميار : اي لج اليوم حيطلعو
دنيا : شلون طلعو كفاله ؟
ميار : اي كفالة لحد ما يصدر حكم المحكة وشو وليد يكول اكو امل ماعرف بعدد
دنيا : الحمد لله حيطلع خطية مرتة وجهاله
ميار : اي خطية والله لو تشوفين زينه شلون تخبلت ذاك السبوع حتى جهالهه شمرتهم وكامت تركض ويه وليد بالمحاكم على القضية هي واهلهه ومجان اكو امل اصلا بس شو على غفلة وليد كلي حيطلعو بكفالة ماعرف بعد يمكن اهل زينه توسطولة مو واصلين علساس وبدولة
دنيا ببرود : ماتصور همه
ميار بتفاجأ : لعد منو ؟
دنيا : ماعرف .. علعموم ماكدر اروح اني
ميار : ليش ولج
دنيا : اولا مالي خلك ثانيا ماريد اطلع من البيت وذاك ماكو شيخلصنة منه
أنت تقرأ
النصف الآخر
Romantizmيعود حب طفولتها الأول ...بعد إنتظار دام سنين طويلة... لكنها تتفاجأ بأنه لم يعد ذاك الفتى الصغير اللذي احبته ... أصبح باردا قاسي بلا قلب ولا ذكرى لها .... هذا ما فعلته اوجاع الدنيا واقدارها وماضيه به... فهل سيكون لها أمل بأن تمحي ماضيه الأليم ؟ و...
