Everything I Need [BOOK 2]

Chapter 31

ISABELA

"I THOUGHT WE'VE already talked about this, Isabela?"

Iyon agad ang bungad sa akin ni Amanda nang sabihin ko ang plano kong pakikipag-kita kay Patrice.

Dito sa opisina niya sa bahay ako dumiretso pagkarating ko galing sa Batangas. Nadagdagan ko pa tuloy ang stress niya sa trabaho.

She closed her laptop and massaged her temples. "Ano bang pumasok sa isip mo at nagparamdam ka pa ulit kay Patrice? Hindi ba't napag-desisyunan na natin na lalayo ka sa kanila?"

Yumuko ako. "Amanda, nanghihina na ang Mama ni Arkhe. Gusto niyang makita si Ark."

"Labas ka na ro'n. You've already helped them in the way you can. That's enough. Habang-buhay ka na nilang pasasalamatan dahil sa ginawa mo."

"It's not yet enough. You should have seen tita's condition. She is so weak and frail. I am scared for her, Amanda. Ang tanging gusto niya lang ay makita ulit si Arkhe."

Napahilot na naman siya sa noo niya. "Ang sabi mo sa akin, pupunta ka lang do'n para humingi ng tawad, then that's it. You will already move on. Pero bakit ngayon parang bumalik na naman tayo sa umpisa? Gusto mo na naman bang masaktan?"

Hindi na ako nakasagot.

Inaasahan ko na talaga na pagagalitan niya ako nang ganito. But I really wanted to stick to my plan. Hindi niya naman kasi nakita mismo ang kalagayan ng mama ni Arkhe, eh. Hindi niya alam kung paano ito umiyak para lang malaman kung nasaan si Ark.

Bigla niyang hinawakan ang kamay ko na nasa mesa. "Sasaktan mo lang kasi ulit ang sarili mo sa gagawin mo. At masasaktan mo lang din sila Patrice."

"I have no plans of hurting them in any way. Hindi ko naman sisirain ang relasyon nila."

"I know. Pero imposible na hindi mo sila masasaktan diyan sa pinaplano mo. Hindi mo ba naisip kung anong mararamdaman ni Patrice kapag nalaman niyang dati kang girlfriend ni Arkhe? Patrice will still get hurt even if your intentions are clean. Baka isipin niya pa na gusto mo lang makipag-balikan kay Arkhe kaya mo ginagawa lahat ng ito. At si Arkhe, sa tingin mo ba matutuwa siya na tinutulungan mo pa ang pamilya niya kahit wala na kayong dalawa? Ayaw na niya ng kahit na anong koneskyon sa 'yo. He doesn't even want to see you and talk to you anymore."

Nagulat ako sa sinabi niyang 'yon. Napabalik agad ako ng tingin sa kanya. "Why do you sounded so sure about that? Na ayaw na niya ng kahit na anong koneksyon?"

Bigla naman siyang umiwas ng tingin.

"Amanda? Bakit mo 'yon nasabi?"

Bumuntong-hininga siya. "Just listen to me, okay? Stay away from them. May masasaktan at masasaktan ka lang."

Hindi na lang ulit ako sumagot. Iniisip ko pa rin kasi ang sinabi niya. Alam ko naman na ayaw na talaga akong makita o makausap ni Arkhe, pero iyong pagkakasabi niya kasi, siguradong-sigurado siya. Para bang may alam siya na hindi ko alam.

Bigla siyang tumayo at lumipat sa upuan na katapat ko.

She held both my hands. "Isabela, please sumunod ka na lang sa 'kin para matapos na 'to. Let go of Arkhe completely. Putulin mo na lahat. Hangga't tinutulungan mo ang pamilya niya, hindi ka tuluyang makakalayo sa kanya at hindi ka makakausad sa buhay. I don't want to be rude, but let me just remind you that you are already the ex. Wala ka ng obligasyon kay Arkhe o sa pamilya niya."

A tear suddenly fell from my eye.

Alam ko naman 'yon, eh. Parte na ako ng past ni Arkhe at wala na akong karapatan sa mga ganitong bagay. I just really wanted to help.