Unicode
"အရမ်း အရမ်းကိုလေ.....သူက....သိလား"
ထမင်းစားဖို့စားပွဲလေးမှာနှစ်ယောက်သားထိုင်မိတာနဲ့ ထွဋ်ခေါင်က ဆူပွပွလေးနဲ့ပြောလာတယ်။
"ဘယ်သူလဲ....ဘာဖြစ်တာလဲ... မင်းပြောတာ ငါနားမလည်ဘူး"
ဟင်းဗူးလေးကိုဖွင့်လိုက်တော့ ကြက်ကြော်လေးနဲ့ ချဥ်ပေါင်ရည်သောက်ဟင်း....
ထွဋ်ခေါင့်ရဲ့အပြောကိုမသိတော့ရွှေလကမေးတယ်။
"ဆရာလေ... အရမ်းကြီးတည်တယ်နော်"
"အင်း.... ဒါကတော့ကွာ.... သူ့အနေအထားနဲ့ဆိုတော့လဲ"
ထွဋ်ခေါင်ကခုထိထမင်းဗူးမဖွင့်သေးဘူး။ ရင်ဖွင့်ချင်နေပုံပဲ။ ရွှေလနားလည်စွာပဲ အသာလေးနားထောင်ပေးမိတယ်။ သူပြောချင်တာကိုပြောလို့ရတာ ရွှေလပဲရှိတာလေ။ တစ်ရုံးလုံးပေါင်းသင်းစရာ ဒီနှစ်ယောက်ထဲရှိတာမှလား။ ကျန်တဲ့လူတွေက ကိုယ့်ထက်အကြီးတွေ။
"ဘဲကြီးက....အဟဲ.... အကြွေဆင်ကြီး.... ဟွန့်.... ဒါပေမဲ့လဲ.... အဲ့လောက်တည်နေရင် အဆင်မပြေဘူး"
ဘုရားရေ.... ထွဋ်ခေါင်ဘာတွေပြောနေတာပါလိမ့်။
ဦးသာလွန်ကြားရင် အလုပ်ဖြုတ်ခံရမဲ့အကွက်ကြီး။
"ငါ့ကိုများ.... တစ်ခါလေးရယ်ပြမိတာနဲ့ ရင်းနှီးသလိုမလုပ်နဲ့တဲ့.... ပြောချချက်ကြီးက.... မင်းကိုလဲ ပြောတယ်လေ....အလကားနေကြောက်ပြမနေနဲ့တဲ့"
"အင်း.... သူ ဝန်ထမ်းတိုင်းကိုပြောနေကျ ဖြစ်မယ်ထင်ပါတယ်.... မင်း...စိတ်မကောင်းမဖြစ်ပါနဲ့"
"မနေ့ကတော့.... အလစ်တဲလေးစိတ်မကောင်းဖြစ်သွားတယ်ပေါ့ကွာ....ခုတော့.... အေးဆေးပါ.... မင်းရော... ဒီနေ့အဆင်ပြေရဲ့လား"
"ပြေတယ်.... ပြေရမှာပေါ့.... သူ့ဆန်စား ရဲရမယ်လေ"
"မနက်က အစည်းအဝေးခန်းထဲမှာ တစ်ယောက် အော်ခံရသေးတယ်ဆို....ဟုတ်လား"
"ဟုတ်တယ်.... ဒါနဲ့.... မင်းဘယ်လိုသိတာလဲ"
"အခန်းထဲက.... အစ်မကြီးတွေ....ပြောနေကြလို့လေ"
ရွှေလ တွေးနေတာ။ အစည်းအဝေးခန်းထဲကို အတူလိုက်သွားခွင့်ရတာက မနန္ဒာနဲ့ရွှေလနှစ်ယောက်ထဲပါ။ အန်တီတူးတို့စာရင်းရော HRရောတစ်ယောက်မှ မပါပါဘူး။ အောက်ထပ်က အင်ဂျင်နီယာတွေနဲ့လုပ်တဲ့အစည်းအဝေးပါ။ ဒါပေမဲ့ အပေါ်ထပ်နဲ့အောက်ထပ်မှာ သတင်းစီးဆင်းမှုရှိနေပုံပါပဲ။
VOUS LISEZ
မေတ္တာမိုး သွန်းဖြိုးလို့ရွာ
Romanceသတ်လတ်ပိုင်းအမျိုးသားတစ်ယောက်နဲ့ ငယ်သော်လည်းရင့်ကျက်နေတဲ့ကောင်ငယ်လေးတို့ နှစ်ယောက်အကြောင်းပါ။ လိုက်ပါစီးမျောပေးပါအုံးနော်။
