I'm Inlove With My Bodyguard (Completed)

CHAPTER 21

Next week ay sasapit na ang JS PROM sa school nila. Hindi mapalagay si Penny. Pati kasi mga teachers doon ay kailangan na naka-formal dress. Iniisip niya kung aattend ba siya. Alam naman niyang walang mangyayari kung aattend siya. Ang mga ganoong klase ng pagtitipon ay hindi nababagay sa kaniya. Para lang iyon sa mga magaganda, hindi sa katulad niyang mataba at walang kaalam-alam sa fashion. Alas otso na nang gabi pero hindi pa rin siya nahihiga sa kama niya. Minabuti niyang magtimpla ng gatas. Next week rin ang sinasabi ni Rocky na pagsama nito sa kaniya sa gym.

Matapos siyang makapagtimpla ng gatas ay lumabas siya at nagtungo sa malaking terasa ng bahay. Gising pa kaya si Rocky? Iyon agad ang unang pumasok sa isipan niya. Malamang ay tulog na iyon. Naupo siya sa pasimano at tumanaw sa kalangitan. Palagi naman siyang ganito kapag tumatambay siya sa labas ng bahay ay nakatingala lang siya sa langit. Tininingnan niya ang mga bituin o kaya ang buwan. Sa ngayon ay wala siyang makita na mga bituin pero may maliwanag ang malaking buwan. Napangiti siya habang hawak-hawak ang tasa ng gatas sa kaliwa niyang kamay.

Nasa ganoon siyang ayos nang biglang bumukas ang pintuan sa bahay na tunutuluyan ni Rocky. Napatingin siya doon. Lumabas si Rocky. Wala itong saplot pang-itaas.

"Penny?" gulat na sabi nito pagkakita sa kaniya.

"Bakit gising ka pa?" dagdag nito.

"Hindi ako makatulog kaya tumambay muna ako dito at nagtimpla ng gatas," sagot naman niya dito. Iniwasan niyang mapako ang mga mata sa matipunong katawan nito pero sadyang makasalanan yata ang mga mata niya at pasimple pa ring napapatingin doon. Noong una ay inis na inis siya sa burdadong katawan ni Rocky pero ngayon ay parang hot na hot na ito sa paningin niya. Ipinilig niya ang ulo sa isiping iyon. Kung ano-ano ang pumapasok sa utak niya. Bakit ba siya nag-iisip ng ganito?

"Maaga pa naman eh," sabi ni Rocky sa kaniya at naupo rin ito sa pasimano ng kabilang bahay. Ngayon ay magkatapat silang dalawa. Nakita niyang may hawak itong yosi at sinindihan nito iyon.

"Kahit gabi na eh nagyoyosi ka pa talaga? Siguro kung nakakapagsalita lang ang baga mo eh inis na inis na iyan sayo," aniya dito. Hindi naman ito natinag sa sinabi niya. Hinithit nito ang sigarilyo matapos nitong masindihan iyon.

"Penny ang daming nagyoyosi na hanggang ngayon eh buhay pa," natatawang sabi nito sa kaniya. Tila hindi man lang nito sineryoso ang sinabi niya. Concern lang naman siya dito.

"Hindi niyo naman kasi aanihin ngayon ang pang-aabusong ginagawa niyo sa katawan niyo," sagot niya.

"Huwag mo na akong sermunan," sagot naman nito sa kaniya at tumingin sa kalangitan.

"Ang laki ng buwan. Buhay na buhay daw ang mga aswang kapag ganiyan eh!" bigla ay sabi nito. Seryosong-seryoso ang mukha ni Rocky kaya naman bigla siyang kinilabutan.

Aswang? Totoo ba ang aswang?

"Totoo ba ang aswang?" tanong niya dito.

"Oo naman. Kapag ganiyan ang buwan eh nasa tabi-tabi lang sila," sagot nito sa kaniya. Mas lalo siyang kinabahan. Nagtaasan ang mga balahibo niya. Matatakutin pa naman siya. Napagalaw siya sa kinauupuan niya. Gusto na niyang bumalik na lang sa silid niya dahil sa mga pinagsasabi ni Rocky.

"Oh saan ka pupunta?" tanong ni Rocky sa kaniya.

"B-bbalik na ako sa kwarto ko," nauutal niyang sagot.

"Bakit naman? Ang aga pa ah?" sabi nito.

"Baka mamaya ay may aswang—"

Naputol ang pagsasalita niya nang biglang humalakhak si Rocky. Kumunot naman ang noo niya dito. Anong nakakatawa sa sinabi niya?

"Bakit ka tumatawa?" nagtatakang tanong niya dito.

"Ikaw," sagot nito habang tawa pa rin ng tawa. Tinuro niya ang sarili.