Uni....
မာဖီးယားရဲ့အကြင်နာကြမ်းကြမ်း (My lovely Mafia) အပိုင်း ၂၀
“ ခင်ဗျား တကယ်ပဲဘာဖြစ်ချင်နေတာလဲ အလုပ်မရှိဘူးလား။ ကျွန်တော့်ကိုဘယ်အချိန်ထိလိုက်နှောင့်ယှက်ဖို့ စဥ်းစားနေတာလဲ”
နေမခပြန်သာရန်တွေ့နေရတာ အရက်ကမူးနေပြီမို့သိပ်မဟန်တော့
“ ဒီတိုင်းလေး မင်းကိုတွေ့ချင်ယုံပါ “
“ မတွေ့ချင်နဲ့ ကျွန်တော်လည်းခင်ဗျားကိုမတွေ့ချင်ဘူး။ ပြီးတော့ ကျွန်တော့်မှာချစ်နေတဲ့သူရှိပြီးသား ခင်ဗျားကျွန်တော့်ကိုလက်လျော့လိုက်တာအကောင်းဆုံးပဲ”
ပြောကာ David ရင်ဘတ်ကိုတွန်းထုတ်ပြီး ထလိုက်သည်။
David ဝမ်းနည်းသွားပေမဲ့လည်း ဟန်ဆောင်ကာ မျက်နှာထားတည်တည်ဖြင့် နေမခအား စကားပြန်ပြောသည်။
“ ဟို ကာရံဟိန်း ဆိုတဲ့တစ်ယောက်မလား”
“ …...” နေမခ စက္ကန့် နည်းနည်းကြာကြာတွေဝေသွားပြီးမှ
“ ခင်ဗျား အလုပ်မဟုတ်ဘူး” ဟုပြန်ပြောလိုက်သည်။
“ ကိုယ့်အလုပ်မဟုတ်ပေမဲ့ ခအမေရဲ့အလုပ်တော့ ဟုတ်သွားပြီလေ”
“ခင်ဗျား ဘာပြောချင်တာလဲ “
“ ခ က ကာရံဟိန်း ဆိုတဲ့တစ်ယောက်ကိုကြိုက်နေမှန်းသိရင် ခအမေက ခကိုဒီတိုင်းလွှတ်ထားမယ်ထင်လား”
“ ကျွန်တော် ပြောပြီပြီလေ ခင်ဗျား $လုပ်မဟုတ်ဘူး
နေမခ တစ်လုံးချင်းစီ ပီပီသသပြောလိုက်ကာ အပြင်ထွက်ခဲ့လိုက်သည်။
David ကလူယုတ်မာပြုံးလေးပြုံးလိုက်ပြီး နေမခ နောက်ကလိုက်သွားလေသည်။
နေမခ bar ရှေ့ကိုထွက်လိုက်သည်နှင့် သူ့ရှေ့တွင်လာရပ်သော ကားအနက်ရောင်တစ်စီး
ထိုကားထဲက ထွက်လာသူများမှာ အမှန်စင်စစ် သူမိခင် လွှတ်လိုက်သည့်သူများသာ
“ သခင်လေး သူဌေးမက ခေါ်ခိုင်းလိုက်ပါတယ်”
“ မလိုက်ဘူး သွားချင်တဲ့နေရာသွား… “
“ ဘယ်လိုနည်းပဲသုံးသုံးရအောင် ပြန်ခေါ်လာခဲ့ဖို့မှာလိုက်ပါတယ်”
ဆိုကာ နေမခကိုအတင်းဖမ်းခေါ်သွားဖို့ပြင်တော့ နေမခရှေ့ကနေကာကွယ်ပေးဟန်ဖြင့် လာရပ်ကြတဲ့David ရဲ့ လူလေးယောက်။
YOU ARE READING
( My Lovely Mafia )Mafia ရဲ့အကြင်နာကြမ်းကြမ်း Season 1+2🖤
RomanceSeason 1 (Completed 1 to 41) Season 2 ( Completed 1 to 31) ခေတ်မင်းသစ်(King)+မိုးထက်မြင့် David Sivan + နေမခ
