( My Lovely Mafia )Mafia ရဲ့အကြင်နာကြမ်းကြမ်း Season 1+2🖤

Part 35

Uni...

မာဖီးယားရဲ့ အကြင်နာကြမ်းကြမ်း (My Lovely Mafia)အပိုင်း ၃၅

Lucifer တစ်ယောက် ခပ်တည်တည်ပင် စက်ရိပ်အခန်းထဲမှ ဘောင်းဘီအိတ်ထဲလက်ထည့်ကာ စတိုင်ကျကျနဲ့ ထွက်လာခဲ့သည်…။
သူ့အခန်းထဲရောက်တာနဲ့ ကုတင်ပေါ်ပစ်လှဲချလိုက်ပြီး ခဏကသူ့ဘာလုပ်လိုက်မိတယ်ဆိုတာကို ပြန်စဥ်းစားနေသည်။

စက်ရိပ်ရဲ့ နှုတ်ခမ်းနဲ့ ထိကပ်ကာ နမ်းမိလိုက်ချိန်တွင် တစ်ခြားဘာကိုမှ မစဥ်းစားဘဲ စက်ရိပ်နှုတ်ခမ်းလေးကိုထပ်နမ်းချင်စိတ်သာ ရှိတာကြောင့် တဖန်ထပ်ပြီး စက်ရိပ်နှုတ်ခမ်းတွေအားထပ်နမ်းမိလိုက်သည်။ စက်ရိပ်နှုတ်ခမ်းတွေမှာနူးညံချိုသာလှပြီး
Lucifer တစ်ယောက် ပျားရည်အိုးကိုရှာတွေ့သွားတဲ့ ဝက်ဝံတစ်ကောင်လို အငမ်းမရပင်
စက်ရိပ်နှုတ်ခမ်းတွေအား သုံးဆောင်မိလိုက်သည် ။
Lucifer သူ့နှုတ်ခမ်းတွေကို လက်နဲ့ဖွဖွထိကိုင်လိုက်ပြီး
“ စက်ရိပ် စက်ရိပ် မင်းကတော့တစ်ခုခုပဲ “ ဟုတိုးညင်းစွာ ရေရွတ်လိုက်လေသည်။

Lucifer သည် စက်ရိပ်အား သူ့ရဲ့အသုံးချခံလူသက်သက်ဆိုတာထက်ကို ပို၍စွဲလမ်းလာမိတာကို တဖြေးဖြေး သတိထားမိလာသည်။

“ မင်းနဲ့ ကြာကြာနေရင် ကိုယ်လည်းရူးတော့မယ်ထင်တယ်ကွာ..”
ဒီအူကြောင်ကြားကလေးအား ဘာကြောင့်စွဲလမ်းလာမိလဲ စဥ်းစားလို့ကိုမရတော့
နေလာခဲ့တဲ့တစ်လျောက်လုံး ဘယ်သူ့အပေါ်မှ ယခုလိုမစွဲလမ်းမိခဲ့ဖူး။

Lucifer သည်စက်ရိပ်ကို သွားတွေ့ရမှာလည်း အလွန်စိတ်ညစ်မိသလို… .မတွေ့ပဲလည်းမနေနိုင်ပေ ...ငိုဖို့နဲ့ ခံပြောဖို့ပဲတက်တဲ့ ကလေးတစ်ယောက်နဲ့ သူမဆက်ဆံချင်…သို့ပေမဲ့လည်း သူမကြိုက်တဲ့ အဲအပြုအမူလေးတွေကပဲ စက်ရိပ်နဲ့ကြတစ်မျိုးချစ်စရာကောင်းနေပြန်ရော…အခြား သူသာဆိုလျှင်တော့
အလောင်းပါပျောက်နေလောက်ပြီ ဖြစ်သည်။

…….

ခေတ် တစ်ယောက် Light အားအပြစ်မပေးလိုက်ပေမဲ့ မိုးထက်မြင့်ကိုတော့အလွှတ်မပေးချေ…။

“ ကိုခေတ်ကလေ သူတော်ကောင်းယောင်ဆောင်တဲ့ကျားကြီး…လိုက်လာလို့လဲဆူသေးတယ် ။
သူများကို လုပ်ကလည်းလုပ်သေးတယ်။ လိုက်လာတာမကြိုက်ဘူးဆိုရင် အခုလိုမျိုးအငမ်းမရကျွန်တော့်ကိုစားစရာလား။နာလိုက်တာ သူမခံရတိုင်း အရမ်းအရမ်းလုပ်တယ် ။
ကြည့်ထား နောက်တစ်ခါကျ ကျွန်တော်အလှည့်ပဲ ခံဖို့သာပြင်ထား အစ်ကိုကြီး “
မိုးထက်တစ်ယောက် ကုတင်ပေါ်တွင်ခေတ်မင်းသစ်ရင်ခွင်ထဲကနေ ပွစိပွစိပြောနေရင်း ခေတ်ရင်ဘတ်ကိုလည်း လက်သီးဖြင့် ဖွဖွတစ်ချက်ထိုးလိုက်သေးသည်။