( My Lovely Mafia )Mafia ရဲ့အကြင်နာကြမ်းကြမ်း Season 1+2🖤

Part 32

Uni...

မာဖီးယားရဲ့အကြင်နာကြမ်းကြမ်း(My Lovely Mafia) အပိုင်း ၃၂

စက်ရိပ် မသိချင်ယောင်ဆောင်ကာခေါင်းခါလိုက်ရင်း
“ ခင်ဗျား ဘာပြောနေတာလဲ ကျွန်တော်မသိဘူး။ ပုံဆွဲခိုင်းချင်ရင် ပန်းချီဆရာရှာလေ”

Lucifer ကတော့ ရုပ်တည်ဖြင့်ဆက်ပြောသည်။
“  Peach ဆိုတဲ့ နာမည်နဲ့မင်း ဆွဲတဲ့ ပုံတွေ Internet ပေါ်မှာနာမည်ကြီးတယ်လေ”
Lucifer မှာ ထိုPeach ဆိုသည့်ပန်းချီဆရာရဲ့ လက်ရာကိုအလွန်ကြိုက်နှစ်သက်တာကြောင့်ထိုသူကမည်သူလဲဆိုတာ ရှာဖွေခဲ့သည် …။ နောက်ဆုံးတော့ သူ့လက်ထဲရောက်နေတဲ့သူက Peach တဲ့လေ

စက်ရိပ်ကဘာမှမပြောဘဲ ကြောင်တောင်တောင် ဖြင့်ကြည့်နေတာကြောင့်
“ အဖမ်းခံရလို့ ဂေါက်သွားပြီး မေ့သွားတာလား။မင်းရဲ့ Peach ဆိုတဲ့အဓိပ္ပါယ်က မက်မွန်သီးလည်းဟုတ်သလို….ဆွဲဆောင်မှုရှိသောလူဆိုပြီးလဲ အဓိပ္ပါယ်ရတယ်လေ
မင်းအဲဒါကိုကြုံတိုင်းပြောနေတာမလား။အခုကြမသိတော့ဘူးလား”

“ ဟုတ်တယ်ဗျာ ကျွန်တော်က Peach အဲတော့ဘာဖြစ်လဲ ။ခင်ဗျားနဲ့ဘာဆိုင်လို့လဲ”

“ ကိုယ့်ကို ပုံဆွဲပေး …ကိုယ်မင်းဆွဲပေးတဲ့ပုံကိုလိုချင်တာ”

စက်ရိပ် နှုတ်ခမ်း တစ်ဖက်တွန့်လိုက်ရင်း
“ ဆွဲပေးစရာလား ….လုံးဝပဲ…တစ်ခြား
ကျွန်တော့်ထက် တော်တဲ့လူတွေရှိတာပဲ ရှာပေါ့ “

“ မင်း ကိုယ့်ကိုပုံဆွဲပေးမယ်ဆို မင်းဖြစ်ချင်တာ ကိုလုပ်ပေးမယ်။ လွှတ်ပေးဆိုတာက လွှဲလို့ပေါ့။ သေချာစဥ်းစားနော် ကိုယ့်ကမ်းလှမ်းချက်ကိုလက်ခံရင် မင်းဒီမှာနေတဲ့အတော်အတွင်း သက်တောင့်သက်သာ ဖြစ်မှာပေါ့ ဒါအခွင့်ထူးပဲမဟုတ်ဘူးလား”

Lucifer ရဲ့လေသံမှာ အရင်နေ့တွေလို အေးစက်စက် မာမာထန်ထန်မဟုတ်ပဲ အနည်းငယ်နူးညံ့ နေသည်။
သူ့ကိုယ်သူ လည်းငါဟုမသုံးပဲ ကိုယ်ဟု သုံးတာကြောင့် စက်ရိပ်မှာ ဒီလူ စိတ်မမှန်ဘူးဟုတွေးနေလေသည်။

“ ဘာလို့ ကျွန်တော်လဲ…”

“ မင်းဆွဲတဲ့ ပုံတွေကို သဘောကျလို့လေ… “ Lucifer ကရိုးရိုးရှင်းရှင်းပင်ပြန်ဖြေသည်။