( My Lovely Mafia )Mafia ရဲ့အကြင်နာကြမ်းကြမ်း Season 1+2🖤

Part 29

Uni

မာဖီးယားရဲ့ အကြင်နာကြမ်းကြမ်း( My Lovely Mafia)အပိုင်း ၂၉

စက်ရိပ် မနက်ပိုင်း နိုးလာချိန်တွင် တစ်ကိုယ်လုံးကိုက်ခဲနေကာ မူးဝေနေသည်။မျက်မှောင်ကြုတ်ကာ
ဟိုစမ်း ဒီစမ်းနဲ့ ဖုန်းကိုရှာသည်မတွေ့တော့မှ
မထချင်ထချင်နဲ့ ကုန်းထကာ ကိုက်ခဲနေတဲ့ သူ့ခေါင်းကို လက်ဖြင့် အနည်းငယ် နှိပ်လိုက်သည်...။
နည်းနည်း မျက်စိကြည်သွားတော့မှာ သူ့အခန်းမဟုတ်မှန်း သတိထားမိကာ
" ဟင်... ဘယ်ရောက်နေတာလဲ။ မူးပြီး ဟိုတယ်မှာ ဝင်အိပ်မိတာလား။ WTF ငါလက်ဘာဖြစ်ထားတာလဲ နာလိုက်တာ"
စက်ရိပ် သူ့လက်ကောက်ဝတ်က အနီရောင် အရာကြီးကိုမြင်ပြီး လန့်သွားသည်။

စက်ရိပ်ကမန်းကတန်း သူ့ဖုန်းကိုလိုက်ရှာပေမဲ့ မတွေ့သူ့ရဲ့ အောက်ပြုတ်ကျနေသည့် နာရီနဲ့ ပိုက်ဆံအိတ်ကိုသာတွေ့သည်...။
" မဟုတ်သေးပါဘူး ငါမနေ့က ဒီအင်္ကျီ ဝတ်ထားတာမဟုတ်ပါဘူး"
စက်ရိပ်သူ့ခေါင်းသူ လက်နှစ်ဖက်ဖြင့်ဖိကိုင်လိုက်ပြီး

" စဥ်းစားစမ်း ဘာတွေဖြစ်သွားတာလဲ..."
စက်ရိပ် မနေ့ကလူတစ်ယောက်ကို ဖက်ပြီး ငိုနေတာတွေ ရေးတေးတေးမှတ်မိသွားကာ
" ငါဘယ်သူ့ကိုဖက်ပြီး ငိုနေရတာလဲ.. ကျစ် " စက်ရိပ် ကုတင်ပေါ်ကဆင်းကာ တံခါးဆီသွားပြီး ဖွင့်လိုက်သည်။ သို့ပေမဲ့ ဖွင့်လို့မရပေ

" ဘာလဲဟ...ဟေ့ အပြင်မှာလူရှိလား။ " စက်ရိပ် တံခါးကိုတဘုန်းဘုန်း ရိုက်ရင်အော်လိုက်ပေမဲ့ မည်သူ့ဆီကမှ ဖြေကြားသံမလာ...။

စက်ရိပ် စိတ်တိုလာကာ ထိုင်ခုံ တစ်လုံးဆွဲယူပြီး တံခါးကိုရိုက်ဖွင့်ဖို့ ရွယ်လိုက်သည်။
ထိုအချိန်ပဲ တံခါးပွင့်ကာ Lucifer ဝင်လာလေသည်။
စက်ရိပ် ရုတ်တရက် မို့အံ့သြသွားကာ ချောမော
ခန့်ငြားသည့် Lucifer အား ငေးကြည့်နေမိသည်။

" ခင် ခင်ဗျားဘယ်သူလဲ ..."

Lucifer စက်ရိပ်လက်ထဲက ခုံကိုယူပြီး နံရံကိုပစ်ပေါက်လိုက်တာကြောင့် ခုံလေးမှာလည်း တစ်စစီ ကျိုးပဲသွားရသလို စက်ရိပ်ခန္ဓာကိုယ်လေးကလည်း တုန်တက်သွားသည်။

ထို့နောက် အေးတိအေးစက်မျက်နှာထား လေသံဖြင့် Lucifer စကားပြောလာသည်။
" သိပ်စကားမများနဲ့ မဟုတ်တာတွေလည်းလုပ်ဖို့မကြံနဲ့ ငါ့ဆန္ဒမပါပဲ မင်းဒီအခန်းထဲက တစ်လှမ်းတောင် အပြင်ထွက်လို့မရဘူး။ ထိခိုက်ဒါဏ်ရာမရချင်ရင် လိမ်လိမ်မာမာနဲ့ အေးအေးဆေးဆေးနေ"