( My Lovely Mafia )Mafia ရဲ့အကြင်နာကြမ်းကြမ်း Season 1+2🖤

Season 2(Part 17) ပထမပိုင်း❤️🖤🖤

Uni..

Season 2 ( Part 17)ပထမပိုင်း-

လွန်ခဲ့သော ၇နှစ်ခန့် …ထိုအချိန်က နေမခ မှာ အသက်၂၀အရွယ်ကောင်လေးသာဖြစ်ပြီး လန်းဆန်းတက်ကြွကာ လူငယ်ဟန်အပြည့်  တစ်ကိုယ်ထဲ
အီတလီမြို့ကြီး၏ အလှအပနှင့် ဗဟုသုတ လေ့လာစရာများကို ကြည့်ရှုခံစားကာလျှောက်သွားနေပြီး…နောက်ဆုံး Sanremo ကမ်းခြေမြို့လေးဆီသို့ ရောက်ရှိလာသည်။

I phone ကgoogle mapလေးကိုအားထားပြီး Sanremo မြို့၏နေရာအနှံ့ကိုလျှောက်လည်လို့နေသည် ။ညနေပင်စောင်းလာပြီဖြစ်ပြီး ဗိုက်ဆာတာကြောင့် တစ်ခုခု၀ယ်စားဖို့ပြင်သည်။ ထွေထွေထူးထူး စားချင်တာမျိုးလည်းမရှိတာကြောင့် ပေါင်မုန့်နှင့်ကိတ်မုန့်ရောင်းသည့် ဆိုင်လေးထဲသို့ဝင်ကာ…  အသားညှပ်ပေါင်မုန့်နှင့် စတော်ဘယ်ရီဒိန်ချဥ်လေး၀ယ်သောက်လိုက်သည်။

သူမုန့်စားနေရင်း အပြင်ကဓါတ်တိုင်ဘေးမှာထိုင်နေသည့် အဘွားအို
တစ်ဦးကိုတွေ့တာကြောင့် စိတ်မကောင်း…ထို့ကြောင့် ထိုအဖွားအတွက် မုန့်လေးဝယ်ကာ ပေးဖို့လုပ်သည်။ ထိုအဖွားအတွက် မုန့်ဝယ်ပေးနေတုန်း သူ့မျက်လုံးထဲဝင်လာသည့် အသည်းပံုကိတ်မုန့်လေးတစ်လုံး ထိုကိတ်မုန့်လေးက ၆လက်မခန့်လောက်ရှိပြီး အနီရောင်ပေါ်မှာမှ ငွေရောင် အလုံးသေးသေးလေးတွေ အမှုန်လေးတွေဖြင့်အလှဆင် ထားသည်.… သို့ပေမဲ့ Happy Birthday ဆိုသည့်စာတန်းလေးက ပါနေတာကြောင့်…

" တစိတ်လောက်…ဒီလိုကိတ်လေးကိုမှ Happy birthday မပါတဲ့ဟာရှိလား"ဟု English လိုမေးလိုက်သည်။

" ဒါလေးက ဒီတစ်လုံးပဲရှိတာပါရှင့်"

နေမခ လည်းကိတ်မုန့်လေးကိုသဘောကျတာကြောင့် ဘာပဲဖြစ်ဖြစ်ဟုတွေးကာ ဝယ်လိုက်တော့သည်။
ပြီးနောက် အပြင်ကအဖွားအတွက် ဝယ်ထားသည့် ကော်ဖီပူပူလေးနဲ့ အသားညှပ်မောင်မုန့်လေးကိုယူလိုက်ပြီး dollor 100ကိုပါကြားထဲညှပ်လိုက်သည်။

ထိုအဖွားထိုင်နေသည့် နောက်ကနေ မသိမသာလေးမုန့်နဲ့ပိုက်ဆံကိုသွားချသော်လည်း ထိုအဖွားမှာ သူ့အားချက်ချင်းလှည့်ကြည့်တာကြောင့်…နေမခ ပြုံးပြလိုက်ပြီး ထွက်သွားဖို့လုပ်လိုက်သည်။
သို့ပေမဲ့ ထိုအဖွားမှာ နေမခ လက်အားဆွဲထားပြီး သူ့မျက်လုံးများကိုစူးစိုက်ကာ ကြည့်နေတာကြောင့် နေမခ ကြက်သည်းတွေပင်ထသွားရသည်…။