Uni...
Season 2(ဇာတ်သိမ်းပိုင်း ၂ )
December လ၁၂ရက်နေ့...
နေမခတစ်ယောက် David မွေးနေ့အတွက် ကိတ်မုန့်တစ်လုံးကိုကိုယ်တိုင်ဖုတ်ကာပြင်ဆင်ပြီး
အီတလီမြို့နာမည်ကြီးဆေးရုံ၏ ICU အခန်းထဲတွင်ရှိနေသည့် David ထံသွားတွေ့သည်။
အောက်ဆီဂျင်ပိုက်တွေတပ်ထားရဆဲဖြစ်သည့် David ဘေးတွင်၀င်ထိုင်လိုက်သည်။
မျက်လုံးတွေကမှိတ်နေသော်လည်း David ၏တည်ကြည်ခန့်ငြားကာအရှိန်အဝါပြည့်စုံသည့်ပုံမှာပျောက်မသွား။
နေမခ David လက်လေးကိုကိုင်လိုက်ရင်း ပြုံးကာတစ်ယောက်ထဲစကားစပြောလိုက်သည်။
" David ပျော်ရွှင်ဖွယ်မွေးနေ့လေးပါနော်။ အခုဆိုအသက်၃၀ပြည့်သွားပြီအသက်ကြီးလာပေမဲ့ David ကပိုချောလာတယ်။ ကျွန်တော်David အတွက် ကိတ်မုန့်ကိုသေချာကြိုးစားပြီးလုပ်လာပေးတယ်သိလား။
Davidထမစားချင်ဘူးလား။ "
နေမခ David လက်လေးကိုသူ့ပါးနဲ့ထိကပ်စေလိုက်ရင်း
" David မြန်မြန်နိုးလာပါတော့နော်။ ကျွန်တော်စောင့်နေတယ်လေ။မုဆိုးဖိုတော့မဖြစ်ချင်ဘူးနော်သိရဲ့လား။
ကျွန်တော့်ကိုထားသွားလို့ကတော့နောက်တစ်ယောက်ထပ်ယူလိုက်မှာ မယုံမရှိနဲ့။
David လို့ကျွန်တော်ပြောနေတာတွေကြားရဲ့လား။ ကျွန်တော်လေ နောက်ဆိုအမြဲတမ်း ဘာလုပ်လုပ်David နဲ့အရင်တိုင်ပင်မယ်။ တကယ်ပြောတာDavid မကြိုက်တာတွေလည်းမလုပ်တော့ဘူး။ စကားလည်းနားထောင်မယ်လေ။ ကျွန်တော်David ကိုယုံတယ်နော် David ကျွန်တော့်ကိုကတိတွေပေးသွားတာ။ ကျွန်တော်အမြဲစောင့်နေမှာမို့ David ကလည်းကိုယ့်ကတိကို မြန်မြန်လေးတည်နိုင်အောင်လုပ်ပါ။ "
နေမခ ပြုံးကာစကားပြောနေပေမဲ့ မျက်ဝန်းထဲမှမျက်ရည်စီးကြောင်းလေးကစီးကျလာသေးသည်။
နေမခသူ့လက်နဲ့သူမျက်ရည်ကိုသုတ်လိုက်ပြီး ရယ်မောကာစကားဆက်ပြောသည်။
" အရေးကြီးတာပြောဖို့မေ့နေတာ...ကာရံဟိန်းလေ David ရဲ့ယောက်ဖဖြစ်လာမလားမသိဘူး။
David သူ့ကိုအမြင်ကတ်လည်းမရတော့ဘူးသိရဲ့လား။ သူလည်းနေ့နေ့ညည Leonကိုကြည့်ပေးနေတာ။ အလုပ်လည်းထွက်လိုက်ပြီ။ ကျွန်တော်ကလည်းDavid ကိုစောင့်နေသလို သူကလည်းLeonကိုစောင့်နေတယ်။ David တို့ညီအစ်ကိုနှစ်ယောက်လုံး ကျိန်းသေပြန်လာရမယ်သိလား"
YOU ARE READING
( My Lovely Mafia )Mafia ရဲ့အကြင်နာကြမ်းကြမ်း Season 1+2🖤
RomanceSeason 1 (Completed 1 to 41) Season 2 ( Completed 1 to 31) ခေတ်မင်းသစ်(King)+မိုးထက်မြင့် David Sivan + နေမခ
