( My Lovely Mafia )Mafia ရဲ့အကြင်နာကြမ်းကြမ်း Season 1+2🖤

Extra 5(Wedding Night)

Uni

မာဖီးယားရဲ့ အကြင်နာကြမ်းကြမ်း (My Lovely Mafia)
Extra 5🚨

ခန်းမကျယ်ကြီး တစ်ခုလုံး ရွှေရောင်ရွှေဝါများတောက်ပနေပြီး လူတွေအားလုံးလည်း အလုပ်ကိုယ်စီဖြင့် ရှုပ်နေကြသည်။ ခန်းမထဲရှိ Projector အကြီးကြီးပေါ်တွင် ကျက်သရေရှိလှသည့် သတို့သား နှစ်ဦးပုံရိပ်က ထင်ဟပ်လျက်သား....

လာသမျှ လူတိုင်းက ရင်သပ်ရှုမော အံ့သြဖွယ်ငေးကြည့်လို့နေကြသည်...။

ခန်းမှထက် ဘေးနံရံတွေပေါ်တွင်လည်း ရွှေရောင်ဖီးနစ် ငှက်ရုပ်များ ၊ ခန်းမအလယ် လျှောက်လမ်းထက်တွင်လည်း အ​ပြာရောင်ကျောက်
များကို ညီညီညာညာ ခင်းကျင်းထားသည်...။

ကျွေးမွေးဧည့်ခံ​နေသည့်အဆင့်မြင့်ဟင်းလျှာတွေရဲ့ ရနံ့မှာလည်း မွှေးကြိုင်လျက်စားချင်စဖွယ်အတိ

ကြွရောက်လာကြသည့် ဂုဏ်သရေရှိ လူကြီးတွေ အဆင့်မြင့် အပြင်အဆင်တွေထဲမှာ အထင်ပေါ်အတောက်ပဆုံးနဲ့ ကြည့်ရှုချင်စဖွယ် ကောင်းလှသော လူသားနှစ်ဦးမှာတော့ ခေတ်မင်းသစ်နှင့် မိုးထက်မြင့်တို့သတို့သားနှစ်ယောက်သာ ဖြစ်လေသည်...။

နှစ်ယောက်လုံး ဖြူဖွေးသန့်စင်လှသည် အဖြူရောင် သတို့သား ဝတ်ဆုံးကို ဝတ်ဆင်ထားပြီး
ရွှေရောင်ကြယ်သီးများ တလက်လက် တောက်ပနေသည့် စိန်ပွင့်များဖြင့် ဝတ်စုံအား အလှဆင်ထားလျက်ရှိသည်...။

နှစ်ယောက်သား လက်ကို လက်တွဲမဖြုတ်တန်းဆုပ်ကိုင်ထားရင်း ဧည့်သည်တွေကိုလိုက်ဧည့်ခံလို့နေသည်...။

ကာရံဟိန်း၊ နေမခ ၊ မာန်ခန့်တည်နဲ့ ဇိုင်းခွန်းခ ၊
ဇွဲ နဲ့ Dark ခေါ် ဇွဲကိုကို တို့က တစ်ဝိုင်းတည်း ထိုင်ပြီး ဒီလိုတိုက်ဆိုင်မှုမျိုးကို အံ့သြနေကြသည်။

ကာရံဟိန်း နဲ့ ဇွဲမှာ ဌာနတူ ရင်းနှီးသော သူငယ်ချင်းတွေ ဖြစ်ခဲ့ကြပြီး နောက်တော့ ဇွဲက အလုပ်ထွက်သွားခဲ့သည်။ အကြောင်းကတော့
Dark ကြောင့်ပင်

ဟိုလျှောက်သွား ဒီလျှောက်သွားလုပ်နေသည့် စက်ရိပ်က မောလာသည့် ဟန်ဖြင့် Lucifer ကိုလက်ဆွဲကာ ထိုဝိုင်းသို့ ဝင်ထိုင်တော့သည်...။