Uni...
မာဖီးယားရဲ့ အကြင်နာကြမ်းကြမ်း(My Lovely Mafia)အပိုင်း ၂၁
မိုးထက်တို့ အိမ်ထဲဝင်ကာ ဧည့်ခန်းထဲရောက်တော့ ဆိုဖာပေါ်မှာ ခြေချိတ်ထိုင်နေသည့် ဦးမိုးထက်ကောင်း အားတွေ့လိုက်ရသည်။
" ဖေဖေ... morning " မိုးထက်လက်လေးပြကာနှုတ်ဆက်လိုက်ပြီး
"ဒါက ကိုခေတ်လေ ကိုခေတ်မင်းသစ် ကျွန်တော့်ရဲ့ချစ်သူ "
" အန်ကယ် တွေ့ရတာဝမ်းသာပါတယ်
အရင်တစ်ခါစာနဲ့မိတ်ဆက်ထားဖူးပါတယ်"
ခေတ်လည်း ခပ်ခပ်တည်တည်ဖြင့်ပြောလိုက်သည်။
ဦးမိုးထက်ကောင်း မှာတော့ မိုးထက်မြင့်အား တုတ်နဲ့ရိုက်ချင်စိတ်တွေတဖွာဖွာ ပေါ်လာသည်။
ပြီးတော့ ခေတ်မင်းသစ် ကိုကြည့်ပြီးတော့လည်း စိတ်ဓာတ်ကျသွားရသည်။
သူ့သားက ယောကျာ်းချင်း ကြိုက်တယ်ဆိုရင်တောင် အနည်းဆုံး တော့Top ဖြစ်သင့်သည်လေ အခုတော့
မိုးထက်မြင့်နဲ့ ခေတ်မင်းသစ် အားယှဥ်ကြည့်လိုက်လျှင် ဘယ်သူကTop မှန်းသိသာလွန်းလှသည်။ သူ့သားတော့ ကျိန်းသေးပေါက် မဟုတ်ချေ။
" မိုးထက်မြင့် မင်းဒါဘာအချိုးချိုးတာလဲ အဖေတစ်ယောက်လုံးကိုတောင် အခုမစိုက်ဘူးဆိုတဲ့သဘောလား"
မိုးထက်နဲ့ခေတ်လည်း ဆိုဖာခုံပေါ်ဝင်ထိုင်လိုက်ပြီးမိုးထက်က
" ဖေဖေကလည်း ဂရုစိုက်လို့ အခုလာမိတ်ဆက်ပေးတာပေါ့။ ပြီးတော့ မနေ့ကလေလံပွဲဖေဖေပဲသွားခိုင်းတာလေ အခုလေလံပွဲလုပ်မယ့် လုပ်ငန်းရှင်က အရမ်းတော်တာသွားခွင့်ရတာ ကံကောင်းတယ်ဆို လူချင်းတွေ့ချင်တွေ့ရနိုင်တယ်ဆို အခုတွေ့ရုံမကဘူး အိမ်ပါခေါ်လာပေးတဲ့ဟာ မကျေနပ်ဘူးလားလို့"
"မိုးထက်မြင့်..." ဦးမိုးထက်ကောင်းအသံနည်းနည်းမြင့်ကာ ပြောလိုက်သည်။
" မိုးထက်မြင့်က ကျွန်တော် နာမည်မှန်းသိပါတယ်ဖေဖေရာ ဖေဖေကိုယ်တိုင်ပေးထားတာဆို" မိုးထက် သူ့ဖခင်အား စလိုက်သည်။
" မိုးထက်မြင့် အခုအပြောင်အပျက်ပြောရမယ့်အချိန်လား"ဦးမိုးထက်ကောင်း ဟောက်လိုက်မှ မိုးထက် ပါးစပ်ပိတ်လိုက်သည်။
DU LIEST GERADE
( My Lovely Mafia )Mafia ရဲ့အကြင်နာကြမ်းကြမ်း Season 1+2🖤
RomantikSeason 1 (Completed 1 to 41) Season 2 ( Completed 1 to 31) ခေတ်မင်းသစ်(King)+မိုးထက်မြင့် David Sivan + နေမခ
