Uni...
မာဖီးယားရဲ့အကြင်နာကြမ်းကြမ်း(My Lovely Mafia)အပိုင်း ၃၁
မိုးထက် ကုတင်ပေါ်မှာ ခေါင်းအုံးကိုနောက်မှီထားရင်း ခေတ်နဲ့ ဖုန်းပြောနေသည်။
“ ကိုခေတ် အဲမှာ အဆင်ပြေရဲ့လား…”
“ ပြေပါတယ်ကွာBaby အရမ်းစိတ်မပူနေပါနဲ့ ထမင်းရောစားပြီးပြီလား ။“
“ စားထားပါတယ်။ကိုခေတ်တစ်ခုခုဆို ကျွန်တော့်ကိုပြောနော် ဖုံးမထားပါနဲ့”
ခေတ်ပြုံးလိုက်ပြီး
“ ဟုတ်ကဲ့ပါဗျာ…အရမ်းစိတ်မပူနေပါနဲ့ ။ကိုယ် ထက်ကိုဘာမှလျို့ဝှက်မထားတော့ပါဘူး “
“ စက်ရိပ်ရော ဘယ်လိုလဲ တစ်ခုခုသိရသေးလား”
“ မနက်ဖြန် ဖုန်းပြောဖြစ်မယ် “
“ ကျွန်တော့်ကို ပြန်ပြောပြနော်”
“ ထမင်းလည်း သေချာစားအုံး ကိုယ်ပြန်လာရင် ပိန်နေတာ မမြင်ချင်ဘူးနော်…”
မိုးထက်ကလည်း ပြန်ပြောလာသည် ။
“ ကိုခေတ်လည်း အစားကိုသေချာပုံမှန်စား ကျွန်တော်ကိုပဲပြောမနေနဲ့”
“ ကိုယ်မင်းကိုအရမ်းလွမ်းတယ်” ထိုစကားလုံးမှာ လေးနက်ပြီး လွမ်းဆွတ်မှုတွေအပြည့်
မိုးထက် ဖုန်းscreen မှာပေါ်နေတဲ့ ခေတ်မျက်နှာလေးကိုလှမ်းနမ်းလိုက်ပြီး
“ ကျွန်တော်ရောပဲအရမ်းလွမ်းတယ်ဗျာ။ ဒီကိစ္စတွေအားလုံး မြန်မြန် အဆင်ပြေပြေနဲ့ ပြီးသွားဖို့ နေ့တိုင်းဘုရားမှာ ဆုတောင်းနေတာ “
ခေတ်နဲ့မိုးထက် တို့မှာ တစ်ယောက်နဲ့အရမ်းဝေးကွာနေကြပေမဲ့ နှလုံးသားချင်းကတော့ အနီးစပ်ဆုံးမှာရှိလို့နေလေသည်။
….
နေမခ အိမ်ရောက်သွားတော့….ဧည့်ခန်းက ဆိုဖာမှာထိုင်နေတဲ့ သူ့အမေနဲ့ ပထွေးဆီကို လျှောက်သွားလိုက်သည်။ ပထွေးမှာ အခြားသူတော့မဟုတ်ပေ သူ့ရဲ့ ဦးလေးအရင်းသာ
“ ကျွန်တော် ပြန်လာပြီ “ ဟုပြောလိုက်ပြီးနောက်
“ ရပြီမလား အိမ်ပေါ်တက်တော့မယ် “ ဟုဆက်ပြောလိုက်သည်။
“ မင်း မြန်မာပြည်ရောက်တာဘယ်လောက်ကြာနေပြီလဲ အဲဒါကို အခုမှအိမ်ပြန်လာရလား”
နေမခ အမေမှာ မကျေမနပ်ဖြင့် ပြောသည်။
YOU ARE READING
( My Lovely Mafia )Mafia ရဲ့အကြင်နာကြမ်းကြမ်း Season 1+2🖤
RomanceSeason 1 (Completed 1 to 41) Season 2 ( Completed 1 to 31) ခေတ်မင်းသစ်(King)+မိုးထက်မြင့် David Sivan + နေမခ
