'' မြန်မြန် သတိရလာတော့နော် အဘွား ၊ အဘွားမြေး ကျွန်တော့်မောင်က လွမ်းနေရှာပြီ ''
သျှင်း အဘွားရဲ့လက်ကလေးတွေကို ရေပတ်တိုက်ပြီးသေချာသန့်ရှင်းပေးနေမိသည်။ နှစ်လကျော်ကြာတဲ့ထိ သတိမေ့နေတဲ့အဘွားကြောင့် အကုန်လုံးစိတ်ပူလာရသည်။ မောင်ကိုယ်တိုင်ကလည်း ထုတ်မပြောပြပေမဲ့ မည်မျှထိ စိတ်ပူနေမယ်မှန်း သျှင်းနားလည်ပါသည်။
ထို့ကြောင့် ဒီနေ့နားရက်မှာ အဘွားကိုသေချာအချိန်ပေးဖြစ်သည်။ အဘွားမေ့လဲသွားသည့် အကြောင်းအရင်းလို့ယူဆရသည့် ကိစ္စကို မောင်ထုတ်ပြောပြတော့ သျှင်းအလွန်အံ့သြခဲ့ရသည်။ တချိန်ထဲမှာပဲ ဒီကိစ္စတွေကို လင်းမြတ်မဟော်လေးသိသွားရင် မည်မျှစိတ်ထိခိုက်သွားလိမ့်မလဲဆိုပြီး တွေးပူနေရ၏ ။
အကုန်ပြီးစီးသွားသောအခါ သျှင်းရေပတ်အဝတ်စကိုယူပြီး ရေဇလုံထဲထည့်လိုက်သည်။ ထို့နောက် ရေတွေကိုသွန်ရန် သန့်စင်ခန်းကိုထွက်လာခဲ့လိုက်၏ ။
'' အင်း ဟင်း ''
သန့်စင်ခန်းထဲ မဝင်ခင် ကြားလိုက်ရသော ညည်းသံသဲ့သဲ့ကြောင့် သျှင်းအလန့်တကြားနဲ့ ရေဇလုံကြီးကို အမြန်ချလိုက်ကာ အဘွားဆီပြေးသွားလိုက်သည်။
'' အဘွား ! ''
ချက်ချင်း ကုတင်ခေါင်းရင်းကခလုတ်ကိုနှိပ်လိုက်ပြီး သျှင်းရင်တထိတ်ထိတ်နဲ့ရပ်နေမိသည်။ ခနအကြာမှာတော့ ဆရာဝန်တွေပြေးဝင်လာတာကြောင့် သျှင်းအခန်းထောင့်နားကို ရှောင်သွားလိုက်ကာ မောင့်ဆီဖုန်းဆက်လိုက်သည်။
'' မောင် ၊ အဘွား အဘွား သတိရလာပြီ ဟင့် ''
မောင့်ကိုပြောပြရင်းနဲ့ ဝမ်းသာလွန်းလို့ ငိုချင်လာတဲ့စိတ်ကထိန်းမရ ။ တဖက်က မောင်ကလည်း အခုချက်ချင်းလာခဲ့မည်ဟု အလောတကြီးပြောသွားကာ ဖုန်းချသွား၏ ။ အခုမှ လူနာစောင့်လာကြသော အဘွားညီမ မိသားစုကလည်း ကပြာကယာ ပြေးလာကြသည်။
'' မမ သတိရလာတာလားဟင် ''
'' ဟုတ်ကဲ့ အန်တီ ၊ အဘွား သတိရလာပြီ ! ''
'' အမလေး ငါ့အစ်မ ၊ နောက်ဆုံးတော့ ပြန်ရောက်လာခဲ့ပြီပေါ့ အီးဟီး ''
YOU ARE READING
Force of Lovity
General Fiction- 2 - 𝑨 𝒍𝒐𝒗𝒆 𝒅𝒓𝒂𝒎𝒂 𝒃𝒆𝒕𝒘𝒆𝒆𝒏 𝒂 𝒘𝒆𝒂𝒍𝒕𝒉𝒚 𝒃𝒐𝒚 𝒘𝒉𝒐 𝒉𝒂𝒔 𝒂 𝒄𝒐𝒎𝒑𝒍𝒊𝒄𝒂𝒕𝒆𝒅 𝒇𝒂𝒎𝒊𝒍𝒚 𝒂𝒏𝒅 𝒂 𝒔𝒐𝒇𝒕 𝒃𝒖𝒕 𝒔𝒕𝒓𝒐𝒏𝒈 𝒃𝒐𝒚 𝒘𝒉𝒐 𝒘𝒂𝒔 𝒐𝒏𝒄𝒆 𝒂 𝒗𝒊𝒄𝒕𝒊𝒎 𝒐𝒇 𝒘𝒆𝒂𝒍𝒕𝒉𝒚 𝒃𝒐𝒚'𝒔 𝒇𝒂𝒎𝒊𝒍𝒚...