Force of Lovity

Part 30 [ Unicode ]

Showroom ထဲဝင်လိုက်တာနဲ့ အေးစိမ့်နေတဲ့ ခံစားချက်ကြောင့် သျှင်းလက်နှစ်ဖက်ကိုပိုက်လိုက်သည်။ သိုင်းမြတ်မဟော်ရဲ့ အလိုကျ အပေါ်က အညိုရောင်အပျော့သား ရှပ်လက်ရှည်နဲ့ အောက်က အနက်ရောင်ဘောင်းဘီကိုတွဲဝတ်ထားရသည်။ ဝတ်နေကျမဟုတ်တာကြောင့် အစပိုင်းတစ်မျိုးဖြစ်ပေမဲ့ နောက်တော့လည်း သက်သောင့်သက်သာဖြစ်သွားတဲ့ အဝတ်အစားတွေကြောင့် တော်သေးသည်။

'' Boss ''

အနက်ရောင်အနောက်တိုင်းဝတ်စုံကို ဝတ်ထားတဲ့လူတစ်ယောက်က သျှင်းတို့ဆီလျှောက်လာပြီး သိုင်းမြတ်မဟော်ကို Boss ဟုလှမ်းခေါ်လိုက်သည်။

'' အင်း အကိုတေဇ ၊ ခနနေ ကျွန်တော့် ဧည့်သည်တစ်ယောက်လာလိမ့်မယ် ၊ သူလာရင် တချက်လာခေါ်ပေးပါဦး ''

'' ဟုတ်ကဲ့ပါ Boss ''

ဖြေနေတာက မဟော့်ကိုပေမဲ့ ဘေးနားကလူဆီကိုသာ အကြည့်ရောက်နေတဲ့ အကိုတေဇကြောင့် စိတ်ထဲ အဆင်မပြေတော့ ။ထို့်ကြောင့် သျှင်းစက်တည်ကို လက်မောင်းအနောက်ကနေ ဖက်လိုက်ပြီး

'' မိတ်ဆက်ပေးရဦးမယ် ၊ ဒါကျွန်တော့်အမျိုးသား သျှင်းစက်တည်တဲ့ ''

'' ဗျာ ဗျာ ''

စကားတွေတောင် ထစ်ကုန်တဲ့ အကိုတေဇက မျက်လုံးပြူး မျက်ဆံပြူး ဖြစ်သွားရှာသည်။ မဟော့်လက်ထဲက သျှင်းစက်တည်ရဲ့ ပုခုံးလေးကလည်း ဆတ်ခနဲ တုန်သွားတာကြောင့် ရယ်ချင်လာရသည်။ အကိုတေဇက ခပ်မြန်မြန်ပဲ ပြုံးလိုက်ကာ

'' တွေ့ရတာ ဝမ်းသာပါတယ် ၊ ကျွန်တော့်နာမည် ရဲတေဇနိုင်ပါ ''

'' အာ ဟုတ်ကဲ့ ၊ မင်္ဂလာပါ ''

လက်ဆွဲနှုတ်ဆက်မလို့ ပြင်နေကြတဲ့ နှစ်ယောက်ကြောင့် မဟော် သျှင်းစက်တည်ရဲ့ ပုခုံးကို ဖက်ကာ ထွက်လာခဲ့သည်။

'' မင်းဘယ်လိုဖြစ်နေတာလဲ ၊ ဟိုမှာ အားနာစရာကြီး ၊ ဒီတိုင်းကြီး ကျန်နေခဲ့တာ ''

'' ဘာမှ မဖြစ်ဘူး ''

ဘယ်လိုပြောပြော သျှင်းကို အတင်းဖက်ကာ လျှောက်နေတဲ့ သိုင်းမြတ်မဟော်ကြောင့် ဘာမှမပြောတော့ပဲ လိုက်လာခဲ့ရသည်။ ကား showroom ကြီးက အတော်ကျယ်ဝန်းကာ design တွေကဆန်းသစ်လှသည်။ ထိုစဉ် သျှင်းအာရုံကို ဖမ်းစားသွားတဲ့ ကားတစ်စီးကြောင့် ခြေလှမ်းတွေကို အရှိန်လျှော့လိုက်သည်။