أغلال الروح

نقاش سريع

مساء الخير للجميع أولًا النقاش دا نزلته غلى جروب الفيسبوك وحبيت أشارككم نفس الكلام 👋🏻♥️

بالنسبة لـرواية "أغلال الروح" أنا شوفت بعض التعليقات على الفيسبوك نظرًا لضيق وقتي وبعتذر أكيد لده بس خلينا في الجزء المهم ، لاحظت تحامل على آسر في بعض الكومنتات بالرغم إنه مطلبش غير أساسيات أي علاقة ولو تلاحظوا هو بيحاول يراعي الفرق بينه وبين سديم في التفكير زي مثلًا إنه مش بيقيد حركتها و لما اتأخرت زيادة عن اللزوم رغم غضبه كأي راجل من فكرة التهميش إلا إنه مجرد ما لقى حالتها غير مألوفة ومهزومة احتواها و كان مستني منها مقابل طبيعي جدًا لتنازلاته معاها وهو إنه يكون مصدر ثقتها ، اخدتوا بالكم إنه أول حاجة عملها بعد مشكلته مع عيلته لجأ ليها ؟ طيب كان المقابل إيه ، لقى ابن خالتها معاه علبة الدوا الخاصة بيها و بعدها لقاها بتشارك ابن عمه سر يخصه هو و كان المفروض تشاركه هو قصة خوفها من الحمل في الظروف دي! 💔😢

نيجي لطرف سديم هي شايفة من خلال تجربتها القاسية مع عيلتها إن آسر مش هيستحمل يخوض نفس التجربة و خصوصًا إنه كان شديد التعلق بوالدته ومع انهيار عاصم قصادها خافت أكتر على آسر و دا طبع المحب ومين فينا مش بيخاف على اللي بيحبهم ؟ تخيل أروح أقولك ماضيك كله كدبه و أختك ماتت و كنت فاكرها بنت عمك وبتكرهها بدل ما تحبها و مش بس كدا دا والدك خاين و عاش مع عشيقته قصاد مامتك و مش بس كدا دا كمان وافق أن أخوه يتجوز عشيقته و يربي البنت الصغيرة على أساس إنها بنته ومش بس كدا دا عيشك في كابوس الرعب من رجوع روزاليا لحد ما بقيت راجل كبير أهوه وفاكرها بتنتقم من عمك ، وضع صعب أوي و سديم شايفة إن آسر هو الجدار الوحيد ليها إزاي تهده بإيدها ؟
علاقة سديم و آسر تفتقد عنصر الصدق و الثقة و دا مش عيب منهم دا تبع الظروف اللي اجبرتهم على كدا ، في وجهة نظري الاتنين ضحايا و الاتنين أذاهم الحب غصب عنهم !! 💔😢

هنتظر رأيكم أكيد و وجهة نظركم و آسفة إني طولت عليكم بس حبيت أوضح إنك أنت كقارئ كل الخبايا واضحة ليك من الطرفين فطبيعي تتعاطف مع جهة سديم لأن معاناتها صعبة بس مش بسبب آسر بالعكس آسر حاول يحارب تسلطه و تحكمه عشانها و شافها غير مقدرة لأفعاله غافل عن النصف الآخر من الحقيقة المتخفي خلف ستار محبة ورحمة سديم به و بقلبه 💔👋🏻