مقدمــــة
جميعنا هناك ! خلف بوابات الألم حيث تتوارى أجساد و تُنتهك قلوب و تُغتصب أرواح قيدتها أغلال ! أما عن أغلال روحي ؛ دعني أخبرك أنها صُنعت من نيران الألم ولهيبها لم ولن يخمد إلى الأبد !!!
ممنوع نهائي أي حد يدخل بتكلم معايا بالطريقة اللي في الصورة تحت دي 👇
أنا بنزل الرواية كلها للتسلية و دي مش طريقة تفاهم طبيعية أصلًا اللي متابعني في كل أعمالي السابقة عارف عني الانضباط في المواعيد و التنزيل بزيادة كمان فصول هدايا و اللي ميعرفش يدخل يسألني باحترام عن سبب التأخير لكن طريقة التربية ليا وتعليم أساسيات النجاح دي مرفوضة ، أنا لو كاتبة فاشلة متدخليش تتابعيني أو على الأقل النقد يكون بطريقة لطيفة لكن ليه استقبل تعليقات بالمنظر دا وأنا قاعدة ازنق في وقتي عشان أخلص الرواية و انزلها ليكم ؟ هل أنا مجبرة يعني ؟
وبعدين الرواية وقفت لأن الجزء الأول خلص مش عشان دلع مني و كان جاري كتابة الجزء الجديد رغم انشغالي فترة كبيرة ؟ دا فيه أعمال بينزل الجزء الثاني منها بعد سنين ، أنا مش فاهمة يعني إيه رجعنا قرأنا القديم وحسستوني أنكم متضريين دي رواية وأحداثها كلها للتسلية المفروض مني أعمل إيه في إنكم نسيتوا هو أنا همتحنكم فيها ياجماعة ؟ إيه المنطق دا بجد ؟
دا جزاء طبيعي في نظركم ؟ هل جزاء الإحسان إلا الإحسان يعني ؟ انتوا بجد شايفين إني استحق كدا على كتابتي ليكم ؟ دا فيه ناس بتشرط عليكم تفاعل و مش بتنزل غير بيه وبتتفاعلوا إجباري وأنا عشان مبحبش الأسلوب دا وشايفة الموضوع مش مستاهل ودي تسلية للكل بل و بنزل هدايا لما التفاعل يكون حلو تدخلوا تقولوا ليا كدا ؟ أنا مش عايزة حد يدخل يقولي كلمتين جامدين ولا بقولكم اعملولي تمثال على شطارتي بس أنا شايفة إني مستاهلش كدا في الآخر لأ و أظن دا من حقي !
المضحك بقا إن فيه ناس بتشجع أسلوبها وعاملة لاڤ على الكومنت ، براڤوا ياشباب أسلوب متحضر ولطيف في التعامل ! 🙂
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
العموم اختاروا لأن دا حقكم عليا لأن هنا منفصل عن الفيسبوك وأنا مقدرش انزل الفصل في أيام مختلفة هنا وهناك :-
١ - الرواية تقف واتباد لحد ما تكتمل خالص و انزلها كلها مرة واحدة معنديش مشكلة .
٢ - نكمل عشوائي لحد ثانوي عام مايخلص و دا بعد تصويت اتعمل في جروب الفيسبوك برضه أنا معنديش مشكلة .
وشكرًا لمتابعتكم و صبركم على كاتبة تجهل أسس النجاح . 👋🏻
رجاء خاص : بلاش أي اهانة لـ صاحب/ة الكومنت أنا خفيت الاسم احترام ليها وحطيت الصورة كنموذج لتصرف غريب وليس بغرض الإهانة لشخصها ، اتمنى منكم تحترموا غياب الشخص أيًا كان تصرفه لأن دا اللي يليق بحضراتكم ♥️
