بسم الله الرحمن الرحيم
" عندما يكسر بخاطركَ تشعر أنك كُسِرت بالكامل .. هذه المرة لن تعبر عن الأمر ببكاء ، لكن الم قلبك و حنق روحك سيعبران عن شدة ما حدث ، فـ كسر الخواطر ألمه ليس هين "
- اروي مدحت
( ملحوظه : اي حد هينقل المقولات اللي ببقي أنا كاتباها ياريت يحط تحتها اسمي يقمرات )
كان " داوود " علي وشك فتح الصندوق قبل أن يشعر بوقع انفاس أحدهم خلف رأسه ، هناك من دخل الغرفة ، لقد تحقق منذ قليل من أن الجميع نيام ، إذا هذا شخص من خارج المنزل ، لم يستغرق وقتا طويلا في التفكير فبحركة سريعة امسك الشخص الذي خلفه واضعا إياه علي السرير و يدي " داوود " علي عنقه و كان سيبدأ في لكنه بقوة ، لكنها كانت " آسيا " تلك التي لا تتعلم ابدا اداب طرق الباب قبل الدخول !
ابعد يده عن عنقها بعدما كان علي وشك لكمها الان ، قال بغضب بعدما صرخت " آسيا " خوفا :
- ششش اسكتي .. بعدين أنا كام مره قولتلك ما تدخليش اوضتي في الا لو خبطتي ؟ و متدخليهاش و انا هنا ! كنت هديكي علقه دلوقتي !!
قالت بغضب و خوف :
- انت اي حد متعود تشقلبه كدا ! في الاخر تيجي تكدب و تقول هما اللي بيستفزوك ! هقول لماما
قال بغيظ من حديثها :
- افكرك حرامي ! لاني عارف ان البيت كله نايم و معرفش انك صاحية .. بعدين كنتي عاوزة اي ؟
قالت بينما تنظر للصندوق بعينين لامعتين و قد حاولت قراءة ما دون عليه :
- فضولي مخليني عاوزة اعرف الصندوق ده جواه اي
حاولت الامساك بالصندوق بسرعة لكنه امسكه سريعا و اعاده خلف ظهره قبل أن تصل إليه قائلا :
- بت اطلعي برة ، ده ضد اللمس أو المشاهدة !
وضعت يدها علي خصرها قائلة بغضب :
- اه يخويا ما هو بتاع حبيبة القلب طبعا
قال مستفسرا و لم يكن يفهم ما قصدها من الحديث :
- حبيبة قلب مين ؟
اجابته قائلة بغير تصديق و باستنكار :
- معرفش هي مين .. انت اللي هتقولي.. اصل شوفت مكتوب عليه " الي حبيبتي " و إن مقولتيليش مين حَبيبَتُك دي هقول لماما
زفر بهدوء ثم قال موجها سبابته إليها بتهديد :
- اولا مبخافش تمام؟ وانتي عارفة كدة كويس ! ثانيا بقي و ده الأهم ! أنا كاتب عليه " الي حبيبتي المستقبلية " يا ام نظر ضعيف .. يعني لسه ما شوفتهاش اصلا
تابع باستنكار :
- بعدين مش فاهم لحقتي تقري ازاي اول كلمتين و انا بكلمك !
قالت بترجي و هي تحاول الوصول للصندوق مره اخري :
- طب بالله عليك وريني اي اللي جواه لاحسن فضولي هيقتلني ، و همشي علي طول
قال بغيظ مشيرا للباب :
- اطلعي برة يا بت !
ربّعت يدها ثم قالت :
- طب علي فكره هعملك موهيتو من اللي بتحبه لو قولتلي جواه اي .. أو كابتشينو عادي
أنت تقرأ
قل مات عمر
Action- " أيتها الزهرة الخلابة، يا ذات النظرة الأخاذة، يا من أسرت ذاك القلب بتلك العينان الحسناء، سرقت سطوري الغزلية، و فصوص عقلي الذهنية، فتلك اليد ما كتبت الا عنكِ، و تلك العين ما رأت سواكِ، و ذاك القلب يهواكِ، فهل بعد ذلك لا اكون أسير حبك ؟ "
