بسم الله الرحمن الرحيم
فيه مغاجئتين مهمين جدا جدا جدا هيتقالوا في الاخر متنسوش تقروهم.. هتحبوهم جدا إن شاء الله ♥️
*★٭*★٭*★٭*★٭*★٭*★٭*★*
لقد أخبرتها " رحيق " انها تدون مذكراتها يوميًا! لقد كانت حذره بما فيه الكفاية لتخفيها بهذه الطريقة، بحثت " سكينة " في جميع أنحاء الغرفة عن ذلك الدفتر و لم تجده
- بتدوري على حاجة؟
انطلق هذا الصوت من خلفها فنظرت بتوتر لتجدها " تالا "، حمحمت قائلة :
- لا مفيش.. كنت بضوف بيجاما حلوة ألبسها بس
قالت " تالا " بسخرية :
- بيجاما حلوة تحت السرير و فوق الدولاب و فوق المكتب و بين كتب الطب؟ ياه دي البيجاما بيشيلوها في أماكن غريبة اليومين دول
نطقت " سكينة " بحذر :
- قصدك اي يا تالا؟
قالت " تالا " بغضب :
- قصدي انتي فاهماه كويس.. كنتي بتفتشي في حاجات اختي بتدوري على أي؟
قالت " سكينة " بينما اتجهت للباب :
- nothing ' لا شئ '
قالت " تالا " بينما أمسكت ذراعها :
- لا .. كلمتين الانجليزي دول تقوليهم لأصيل.. لحور.. لرحيق! لكن معايا أنا لا.. قولي قبل ما تطلعي كنتي بتدوري على اي؟
لم تجبها " سكينة " فقالت " تالا " :
- دفتر المذكرات؟ بتدوري على دفتر المذكرات اللي قولنالك عليه امبارح؟ لا بجد! قد اي انتي غبية! رحيق عمرها ما كانت بتكتب مذكراتها.. احنا قولنالك كدة عشان نوقعك.. و اديني وقعتك أنا بالصدفة.. عاوزة معلومات عننا ليه يا سكينة؟ مين اللي باعتك هاا؟ انطقي!
قالت " سكينة " بينما تشكر سرعة بديهيتها في نفسها :
- اه فعلا بدور على دفتر المذكرات.. قولت اشوف أيامه الأولى و كدة.. يمكن اعرف معلومات عن العيلة.. و عن كل واحد فيكم...و اعرف اتعامل معاكم و كدة بما انكم اخواتي.. بدال ما أنا حاسة اني غريبة وسطكم!
نظرت لـ " تالا " فوجدتها تحاوطها بعينين ضيقتين لا تصدقان حرفًا مما قالته.. قالت " تالا " بشك :
- امال اي البيجاما اللي قولتي انك بتدوري عليها من شوية؟ وليه تدخلي أوضة حد من غير استئذان اصلا!
لم تجبها " سكينة " مجددا فقالت " تالا " باستخفاف :
- عشان مش دي الحقيقة.. الحقيقة دي انتي هتقوليهالي و دلوقتي حالا! سامعة يا سكينة؟ دلوقتي!
باغتتها " سكينة " بضربه على رأسها أسقطتها أرضًا، حاولت " تالا " النهوض لكنها فوجئت بعصا خشبية تضرب رأسها فسقطت مغشيًا عليها
*★٭*★٭*★٭*★٭*★٭*★٭*★*
انتهى التسجيل لليوم بأعجوبة، عاد " أصيل " بسيارته مع " حور " و " آسيا "، أوصل " آسيا " بعدها قرر أن يمر للإطمئنان على " رحيق " و " تالا " مع " حور "
أنت تقرأ
قل مات عمر
Action- " أيتها الزهرة الخلابة، يا ذات النظرة الأخاذة، يا من أسرت ذاك القلب بتلك العينان الحسناء، سرقت سطوري الغزلية، و فصوص عقلي الذهنية، فتلك اليد ما كتبت الا عنكِ، و تلك العين ما رأت سواكِ، و ذاك القلب يهواكِ، فهل بعد ذلك لا اكون أسير حبك ؟ "
