بسم الله الرحمن الرحيم
" و قيل أن الروح لا تميل، و برغم هذا قد تعذبت روحي في عشقُكِ "
- اروى مدحت
** بالنسبة للي سألوا ليه لو كتبت مقولة بكتب المخاطَب فيها بنت، ده عشان لو حبيت اضيف منهم في الرواية و اخلي حد من الابطال يقول
*★٭*★٭*★٭*★٭*★٭*★٭*★*
_ يا غبية اي اللي عملتيه ده!
صرخ " معتصم " بصوت عالٍ بعدما بدأ ذلك السائل الاحمر اللزج يراق من كتفه بهدوء.. قالت " تالا " بتوتر بعد أن رأت الدماء.. برغم انها شعرت أنها لا تجيد التصرف في مثل هذه المواقف بتاتًا :
- مكنتش اقصد والله! افكرك حرامي! هو حد يجي يزور حد في المستشفى في وقت زي ده! بعدين كنت افكرها جت في راسك ما تأڤورش بقى ده كتف
نظر لها و تعابير البلاهة تعتلي وجهه على ما تقول تلك الغبية.. نظرت " تالا " خلفها بعدما سمعت وقع عدة أقدام فوجدت " أصيل " و " حور " و " رحيق " و ممرضتين أخرتين، جميعهم يتابعون المشهد في صدمة.. لم تسأل " تالا " ما الذي جلب اشقائها في وقت كهذا إلى المشفى نظرًا لسوء الوضع، تقدمت إحدى الممرضتين و قادت " معتصم " الى غرفة قريبة بها بعض الاسعافات الاولية ثم بدأت تضمد جرحه بتوتر
سأل " أصيل " بقلق فور ذهاب " معتصم " :
- اي اللي حصل يبنتي؟ معتصم كان لسة معايا جوا
قالت " تالا " بخوف بينما تترقب تعابير وجوههم :
- معرفش.. أنا قومت اشرب و ادور على رحيق، فشوفت حركة في الضلمة و فكرته حرامي، فضربته في رأسه بقالب طول كان موجود ع الارض، و لما زعق ببص لقيتني جبتها في كتفه
تنهد " أصيل " قائلًا بلوم :
- حرام عليكي الواد باقي علينا و جه بنفسه يجيب نتيجة الورق اللي ادتهوله
قالت " رحيق " مدافعة عنه أيضًا :
- أيوة ده تعب جدا عقبال ما جاب نتيجة الورق و كمان اتوسطلنا، هو اللي قال كدة
قالت " تالا " و قد أظهرت غيظها الشديد من دفاع أشقائها :
- خلاص يجماعة قولت مكنتش اقصد الله! بتدافعوا عنه كأنه ملاك يعني! ما هو يستاهل الصراحة
نطق " معتصم " من الداخل بصوت عالي :
- ده بدال ما تعتذري! أما انك بجحة بصحيح!
ارتفع صوت ضحكات " أصيل " عندما علم أن " معتصم " كان يسمعهم ثم أردف بعتاب :
- خلعتي كتف الراجل و هو كظابط محتاج يروح و يجي كتير مش هينفع يفضل تعبان لفترة!
قالت " تالا " بصوت منخفض بينما تضيق عينيها :
- على فكرة الجرح مش عميق!
تنهد " أصيل " يائسًا من تلك العنيدة ثم قال مشيرا أمامه :
- طب يلا نمشي يختي.. الف سلامة عليكي على العموم و ادينا اتطمنا الحمد لله و عرفنا انك كويسة و عملتي مشاكل كمان
حمحمت قائلة :
- الله يسلمك.. هو حصل اي بعد ما أنا تعبت؟
قال " أصيل " بينما يتنهد :
- جبناكي هنا و رحيق قالت إنه شوية و تفوقي.. ف استنيناكي و قولنا نروح مع بعض بعد ما رحيق تخلص شغلها... بس و بعد ما معتصم خدني يوريني الورق و سيبتك وحدك، جيت على صوتكم!
أنت تقرأ
قل مات عمر
Action- " أيتها الزهرة الخلابة، يا ذات النظرة الأخاذة، يا من أسرت ذاك القلب بتلك العينان الحسناء، سرقت سطوري الغزلية، و فصوص عقلي الذهنية، فتلك اليد ما كتبت الا عنكِ، و تلك العين ما رأت سواكِ، و ذاك القلب يهواكِ، فهل بعد ذلك لا اكون أسير حبك ؟ "
