"..."
ချွီချန်တစ်ယောက် ပြုံးရယ်လျက် ခွီးခနဲ မရယ်မိစေဖို့ ကြိုးစားလိုက်ရလေသည်။သူ့ပုခုံးနှစ်ခုစလုံးက စတင်တုန်ယီနေတော့သည်။
ရှုစစ်နျန်က ဘာပြောရမယ်မှန်း မသိလေဘူး။ အချိန်အတန်ကြာ ထိုအကြောင်းကို စဥ်းစားတွေးတောပြီးနောက်မှာ နောက်ဆုံးပိတ်အဖွင့်စကားက ဒီလို စကားဖြစ်လိမ့်မယ်လို့ ဘယ်သူက တွေးမိမှာလဲ။
" နှစ်သစ်ပြီးကတည်းက မင်း တကူးတကကြီး ကိုယ့်ဆီ တစ်ခါမှ လာမတွေ့ဖူးဘူးနော် ?"
(T/N ဒီနေရာမှာ After the new year လို့ ရေးထားတော့ ရှုရှင်းနျန်ကိုပြောတာလား၊ နှစ်သစ်ကိုပြောတာလား သိပ်မသဲကွဲ😑 ရှုစစ်နျန်ကို ပြောတာလည်း ဖြစ်နိုင်တယ်..တစ်ခါတစ်ခါ နာမည်မှားရေးတာတွေ ရှိ😐)
ချ်ီချန်က သူ့ကို သက်တောင့်သက်သာဖြစ်စေဖို့ ပြုံးပြလာ၏။ သူ့ရဲ့မျက်လုံးတွေက အမှောင်ထဲမှာ အလွန်အမင်းတောက်ပလို့ နေလေသည်။
ရှုစစ်နျန်က ဟန်ဆောင် ချောင်းတစ်ချက်ဟန့်ပြီးသူ့ရဲ့ ရှက်ရွံ့မှုကို ဖုံးကွယ်လိုက်၏။
" ကျွန်တော် ဒီနား မတော်တဆ ဖြတ်သွားမိရုံလေးပါ..ခင်ဗျားဆီ လာတာ မဟုတ်.."
" ပါးက ပြောတယ်..သူက ချန်ချန်ကို သားတို့အိမ်ကို ထမင်းစားဖိတ်ချင်တယ်တဲ့...အရွက်တွေတောင် အားလုံး ဝယ်ပြီးသွားပြီ"
wowo လေးက ပြုံးရယ်လျက် ရှုစစ်နျန်ရဲ့ စကားကို ကြားဖြတ်ပြောလာ၏။ သူ့ဗိုက်လေးက ဖြောင့်တန်းစွာ ဆန့်မတ်လို့နေပြီး မျက်နှာပေါ်မှာ ပါးချိုင့်လေးနှစ်ခုကို ပြသထားလျက် သူ့အဖေကို လုံးဝ မျက်နှာသာ မပေးလေဘူး။
ချွီချန်တစ်ယောက် မထိန်းနိုင်ဘဲ ရယ်မိတော့သည်။ သူက လှလှကြီး သစ္စာဖောက်ခံလိုက်ရတဲ့ ရှုစစ်နျန်ကို ကြည့်လိုက်ပြီး အရှေ့သို့အနည်းငယ်ကိုင်း၍ ပြောလိုက်၏။
" အိုခေလေ..ကိုယ်က မရိုင်းပြတတ်ပါဘူး"
"..."
ချွီချန်ဆီကနေ တအားကြီး မသိသာတဲ့ စီးကရက်နံ့ဖျော့ဖျော့က ပျံ့နှံ့လို့နေသည်။ ရှုစစ်နျန်က သူ့ရှေ့က ပြုံးဖြီးနေကြတဲ့ မျက်နှာနှစ်ခုကို နည်းနည်းလေးမှ ကြည့်ချင်စိတ်မရှိတော့တာကြောင့် သူ့ခေါင်းကို တစ်ဖက်သို့ တိတ်တဆိတ် လှည့်လိုက်လေသည်။
YOU ARE READING
တန်ပြန် ( MM Translation) UNICODE
Romanceမျက်နှာ နှစ်ဖက်ရှိတဲ့ ခွေးမတစ်ကောင်နဲ့ အချစ်ပြိုင်ဘက်ဖြစ်ရတာက ကြောက်စရာ မကောင်းပါဘူး။ ကြောက်စရာကောင်းတာက အဲ့ခွေးမက သူ့ညီငယ်လေး အဖြစ် လူဝင်စား ဖြစ်နေတာပဲ ။ အဲ့ဒီ 'ညီငယ်လေး ' ဆိုသူကြောင့်ပဲ ချစ်သူကို ဆုံးရှုံးရတယ်။ အဖိုးကလည်း ကြောက်စရာ အသေဆိုးနဲ့ ကြုံ...
