တန်ပြန် ( MM Translation) UNICODE

CHAPTER 123

" အို့ ..အတူတူပဲမဟုတ်ဘူးလား...ကိုယ်က bio ညံ့တယ်လေ...ဒီအကြောင်းတွေကို မင်းလောက် ကိုယ်နားမလည်ဘူး...မင်း wowo လေးကို ဘယ်လိုမွေးလိုက်လဲဆိုတာလဲ ကိုယ်နားမလည်ဘူး ဒါပေမယ့် မင်းသာကိုယ့်နားရှိနေမယ်ဆိုရင် ကိုယ်သိလာနိုင်လိမ့်မယ်ထင်တယ်"

ရှုစစ်နျန်​က ဒီကိစ္စနဲ့ပတ်သက်ပြီး နှစ်ပေါင်းများစွာ စိုးရိမ်ကြောင့်ကြနေခဲ့သည်။ သူက ဒီလျို့ဝှက်ချက်ကို တစ်သက်လုံးဖုံးကွယ်ထား​ပြီး တွင်းထဲအထိတောင် သယ်သွားဖို့ဆုံးဖြတ်ထားခဲ့တာဖြစ်သည်။ ဒါပေမယ့် အခုတော့ တစ်ချိန်လုံးသူထိတ်လန့်ကြောက်လန့်နေခဲ့ရတဲ့ ဒီပြဿနာက ချွီချန်ကြောင့် ရုတ်တရက် ပြောင်းလဲသွားခဲ့ပေပြီ။ အဲ့တာက မနက်ဖြန်ကျရင် ဘာစားမလဲ ဆိုတာလောက်ကို ရိုးရှင်းနေခဲ့ပြီး အခုတော့ မသိရင် ဘာမျှမပြောပလောက်တဲ့သေးငယ်တဲ့ကိစ္စလိုပဲ။ သူက ဘာပြောရမှန်းမသိအောင် ​ကြောင်နေခဲ့ပြီး အခုအချိန် သူ့ခေါင်းက ဗလာဖြစ်လို့နေသည်။

ဒီလျို့ဝှက်ချက်ကို ထိန်းသိမ်းဖို့ သူ ဘယ်လောက်တောင် ကြိုးစားရုန်းကန်ခဲ့လိုက်ရသလဲ။ အခု သူကတော့ ဒီလောက်ရိုးရှင်းလွယ်ကူစွာပဲ ​ဖြေရှင်းပြီးခဲ့လေပြီ။ ဒါဆို သူ အစကတည်းက ကြိုးစားဖုံးကွယ်ခဲ့ရတဲ့ လျှို့ဝှက်ချက်ကရော?

ကလေးလေးကို အရမ်းချစ်တဲ့ ချွီချန်ရဲ့အကြောင်းကို တွေးမိတော့...သူ့ရဲ့ကိုယ်ပိုင်ကျပန်းအတွေးတွေကြောင့် ချွီချန်ကို ဒီလောက်နှစ်တွေအများကြီး wowo လေးနဲ့ ခွဲခွာအောင်လုပ်ခဲ့လေသည်။  ထိုသူ့ကို သူ့မှာတစ်သက်လုံး ကလေးရှိလိမ့်မယ်မဟုတ်ဘူးလို့​တောင် တွေးစေခဲ့ပြီး wowo ကလည်း သူ့ကို ဘယ်တော့မှ အဖေလို့ ခေါ်မှာမဟုတ်ဘူးလို့ အတွေးဝင်စေခဲ့သည်။ ရုတ်တရက်ဆိုသလို ရှုစစ်နျန် အလွန့်အလွန်အပြစ်မကင်းစိတ်တို့ ဝင်လာခဲ့ရသည်။

" အမ်...မင်း ဒီအကြောင်း တကယ်သိချင်လား?"

ရှုစစ်နျန် သူ့ကို မေးလိုက်၏။

ချွီချန်က အချိန်ခဏကြာ မှင်တက်နေခဲ့ပြီး သူ့ကို နှစ်ပေါင်းများစွာ ဒုက္ခရောက်စေတဲ့လျှို့ဝှက်ချက်က နောက်ဆုံးတော့ ဖြေရှင်းပြီးတော့မယ်ဆိုတာကို တွေးမိတော့ သူ့မျက်လုံးတို့က ချက်ချင်းပဲ လင်းလက်တောက်ပလာခဲ့သည်။