တန်ပြန် ( MM Translation) UNICODE

CHPATER 52

အောင်မြင်ဖို့အတွက် သူ အရင် မလိုသော်လည်းပဲ ရှုရှင်းနျန်ရဲ့လက်ထဲက ရှုပိုင်ပစ္စည်းတွေကို ပြန်လုယူပြီး သူ့အဖိုးအတွက် လက်စားချေချင်တာမို့ အချိန်ခဏလေးတောင် သူ မဆိုင်းချင်လေဘူး။ ဒါကြောင့် ဒီတလောမှာ သူက နေရာစုံပတ်ဝန်းကျင်ကို လှည့်လည်သွားလာနေခဲ့ကာ သိပ်ပြီးအကုန်အကျမများမယ့်ရင်းနှီးမြုပ်နှံမှုကို ရှာဖွေနေခဲ့၏။ သားဖောက်ပရောဂျက်က အကျိုးအမြတ်များပြီး စျေးကွက်အလားအလာက ကျယ်ပြန့်၏။

အခု လျိုရှောင်းမောင်ရဲ့စကားတွေက မမျှော်လင့်စွာပဲ သူ့ကို နိုးကြားစေပြီး ရုတ်တရက် မျှော်လင့်ချက်အသစ်တွေ သန်းစေခဲ့၏။

Houttuynia က တောင်ပိုင်းမှာတော့ အရမ်းပေါ်ပြူလာဖြစ်သည်။ ပထမအချက်ကတော့ ရာသီဥတုအခြေအနေကြောင့်ဖြစ်ပြီး ဒုတိယအချက်ကတော့ သူ့ရဲ့ ကောင်းမွန်လှတဲ့ဆေးဖက်ဝင်တန်ဖိုးကြောင့် ကျော်ကြား၏။ ကျန်းမာရေးနဲ့ ဝိတ်ချချင်သူတွေအတွက် အဖိုးတန်ပစ္စည်းကောင်းဆိုတာ လုံးဝ သံသယဝင်စရာမလိုလေဘူး။

နောက်တစ်ချက်အနေနဲ့ မြောက်ပိုင်းသားတွေက ထိုအပင်ရဲ့အသုံးဝင်ပုံကို သိပ်ပြီး လက်မခံကြဘူး။ လူအများစုက လျိုရှောင်းမောင်ကဲ့သို့ပင် Houttuynia Cordata က စားလို့ရမှန်းပင် မသိကြ။

မြောက်ပိုင်းမှာ Houttuynia Cordata ကြီးထွားဖို့ သင့်တော်တဲ့အခြေအနေရှိရင် ကြီးမားတဲ့ marketနဲ့အတူ ဆေးဖက်ဝင် စားစရာတွေကို တွဲရောင်းမည်ဖြစ်၏။ သူ့လက်ထဲက ကြီးမားလွန်းတဲ့ ကိတ်မုန့်လုံးကြီးကို ဘယ်သူကမှ လုယူနိုင်မှာ မဟုတ်ဘူး။

ရှုစစ်နျန်ရဲ့ခေါင်းက လျင်မြန်စွာ လှည့်လာခဲ့ပြီး သူ့နူတ်ခမ်းစွန်းမှာလည်း တွန့်ကွေးနေလေသည်။ သူက wowo လေးကို ဖက်လိုက်ပြီး ပါးဖောင်းဖောင်းလေး နှစ်ဖက်ကို နမ်းရှိုက်လေသည်။ သူ့လက်ဖဝါးတွေကတော့ စိတ်လှုပ်ရှားမှုကြောင့် ချွေးစို့နေပေ၏။

အကယ်၍ wowo လေးရဲ့ နေမကောင်းမှုကြောင့်သာ မဟုတ်လျင် ဒါမှမဟုတ် လျိုရှောင်းမောင်က မပြောခဲ့ဘူးဆိုလျင် ဒီလောက်ကောင်းမွန်တဲ့စီးပွားရေးအခွင့်အလမ်းကောင်းကို သူ ဘယ်တော့မှ တွေးမိမှာ မဟုတ်ဘူး။ အချက်အလက်တွေ အများကြီးကို သူ ရှာဖွေခဲ့ရလည်း ကိစ္စမရှိဘူး။ market တွေ အများကြီးကို သူ စုံစမ်းခဲ့ရလည်း ကိစ္စမရှိလေဘူး။
ဒီလူနှစ်ယောက်ကတော့ ရိုးရှင်းစွာပဲ သူ့ရဲ့ အကောင်းမွန်ဆုံးသော ကံကောင်းမှုလေးတွေပင်!