သူ့ရဲ့သားလေးရဲ့ပုံစံကို မြင်လိုက်ရတော့ ရှုစစ်နျန် နောက်ဆုံးတော့ သူ့ရဲ့တင်းထားတဲ့စိတ်ကို လျှော့ချလိုက်လေသည်။ ထိုအချိန်တွင် သူ့ခန္ဓာကိုယ်က အားတွေ မကျန်တော့သလိုမျိုး သူက ဘေးက အထိန်းကို ထိန်းကိုင်ထားရလေသည်။ သူ့ခေါင်းကိုက နံရံပေါ်မှီထားရပြီး စကားတစ်လုံးမပြောဘဲ အချိန်အတော်ကြာ တိတ်ဆိတ်နေခဲ့သည်။
အချိန်အတော်ကြာပြီးတော့မှ ချွီချန်က မသဲမကွဲ တိုးညင်းညင်းအသံလေးကို ကြားလိုက်ရသည်။ သူက ရှုစစ်နျန်နားကပ်သွားပြီး နားထောင်လိုက်တော့ စကားသံတိုးတိုးကို ကြားရလေသည်။
" ...မင်းသိရဲ့လား...wowo ကလေ ငါ့လက်ကို တင်းတင်းဆွဲထားပြီး ငါနဲ့မခွဲချင်ဘူးလို့ တစာစာ ပြောနေခဲ့တာ...အဲ့တာကို ငါက သူက ကလေးလေးလို ဂျီကျနေတာလို့ ထင်ပြီး ရက်ရက်စက်စက် တွန်းထုတ်ပစ်ခဲ့တာ...အကယ်လို့ ငါသာ သူ့ကို ပိုဂရုစိုက်ခဲ့ရင်...သူ့ကို နည်းနည်းလေး အလိုလိုက်ခဲ့ရင် ...ဒီလိုကိစ္စတွေ ဖြစ်လာမှာမဟုတ်ဘူး..."
ဖြစ်ပျက်သွားခဲ့တာတွေကို ပြန်မတွေးရဲတော့သလိုမျိုး ရှုစစ်နျန်ရဲ့အသံက တုန်ယင်နေခဲ့သည်။ ချွီချန်က သူ့ပုခုံးကို ပုတ်လိုက်ပြီး
" မင်းအမှား မဟုတ်ပါဘူးကွာ... အခုလိုမျိုး တစ်ယောက်ယောက်က မင်းကို တိုက်ခိုက်လာမယ်လို့ ဘယ်သူက သိနိုင်မှာလဲ?"
" ဘာကွာခြားသွားလို့လဲ?" ရှုစစ်နျန်ကို သူ့ကို ကြည့်လာခဲ့ပြီး အကြည့်တို့က အသက်ကင်းမဲ့နေခဲ့သည်။
" ငါက သူ့ရဲ့အဖေ ၊ သူ့ရဲ့တစ်ဦးတည်းသော ဆွေမျိုးသားချင်း... တာဝန်ပျက်ကွက်တာက တာဝန်ပျက်ကွက်တာပဲ...ငါ့ရဲ့ကလေးကိုတောင် မကာကွယ်နိုင်တာ ငါက ဘယ်လိုအဖေစားမျိုးလဲ? ဘာတာဝန်တဲ့လဲ!?"
ဒါဆို ကိုယ်ကရော မဟုတ်လို့လား?
ချွီချန်က စိတ်ထဲကနေ တိတ်တဆိတ်မေးမိသည်။ ဒါပေမယ့် သူ့မျက်နှာပေါ်တော့ ဘာအရိပ်အရောင်မှ မပေါ်လေဘူး။ သူက ရှုစစ်နျန် ထိုင်နိုင်ဖို့ ကူညီလိုက်ပြီး ဖွဖွလေးပြောလေသည်။
" စစ်နျန် မင်းအကောင်းဆုံးလုပ်ခဲ့တာပါ...ကိုယ့်ကိုကိုယ် အပြစ်မတင်ပါနဲ့...ဒီကိစ္စက နောက်ကွယ်ကနေ တစ်ယောက်ယောက်က ကြိုးကိုင်နေတာ...ဒီကိစ္စကို ကိုယ် ဖြေရှင်းလိုက်မှာမို့ စိတ်မပူနဲ့နော်...မင်းကို ထိခိုက်စေတဲ့ ဘယ်သူ့ကိုမဆို ကိုယ် အလွှတ်မပေးဘူး"
YOU ARE READING
တန်ပြန် ( MM Translation) UNICODE
Romanceမျက်နှာ နှစ်ဖက်ရှိတဲ့ ခွေးမတစ်ကောင်နဲ့ အချစ်ပြိုင်ဘက်ဖြစ်ရတာက ကြောက်စရာ မကောင်းပါဘူး။ ကြောက်စရာကောင်းတာက အဲ့ခွေးမက သူ့ညီငယ်လေး အဖြစ် လူဝင်စား ဖြစ်နေတာပဲ ။ အဲ့ဒီ 'ညီငယ်လေး ' ဆိုသူကြောင့်ပဲ ချစ်သူကို ဆုံးရှုံးရတယ်။ အဖိုးကလည်း ကြောက်စရာ အသေဆိုးနဲ့ ကြုံ...
