ရှုစစ်နျန်က ထိုင်ခုံတစ်ခုကို ဆွဲပြီး သူနဲ့မျက်နှာချင်းဆိုင်မှာ ဝင်ထိုင်လေသည်။ ချွီချန်က ကူကယ်ရာမဲ့စွာနဲ့ ပြောလာခဲ့၏။
" မင်းလေး တအားလှနေသလို ခံစားနေရတယ်..မသိရင် သူ့သားလေးနဲ့အတူ blind date ထွက်လာတဲ့သူလိုပဲ"
ရှုစစ်နျန်ရဲ့မျက်နှာက တောင့်တင်းသွားလေ၏။ ထို့နောက် သူက တစ်လျှောက်လုံး သယ်လာခဲ့တဲ့ ထမင်းဘူးကို နေရာတကျထားလိုက်၏။
ခွေးတွေမှာ အစွယ်မပါဘူးလို့ဘယ်သူပြောလဲ..
ဒီချွီခွေးကောင်ကတော့..
ရှုစစ်နျန်တစ်ယောက် သူ့ကိုယ်သူအကျပ်ရိုက်မိနေတာကို ကြည့်ပြီး ချွီချန်တစ်ယောက် စိတ်ဘဝင်ကြည်နူးပျော်ရွှင်ကာ ပြုံးနေမိသည်။ သူ့ရဲ့နောက်က wowo လေးက သူ့ပေါင်ပေါ်ကို ဘယ်အချိန်တက်လာခဲ့မှန်းတောင် သတိမမူမိလေဘူး။ သူလေးက ပျော်ရွှင်စွာ အော်ဟစ်လာခဲ့၏။
" ချန်ချန် wowoက အများကြီး လွမ်းနေခဲ့တာ!"
ချွီချန်က ခေါင်းငုံ့ကာ wowo လေးကို ခပ်ပြင်းပြင်းမွှေးကြူလိုက်ပြီး wowoရဲပါးဖောင်းဖောင်းလေးတွေကို သူ့ရဲ့ မုတ်ဆိတ်ငုတ်တိုလေးတွေနဲ့ ပွတ်သပ်လိုက်လေသည်။
" အန်ကယ်လည်း သားကိုရော၊ သားရဲ့ပါးကိုရော လွမ်းတယ် "
ဒီလိုကလေးစကားနဲ့ပတ်သက်ပြီး ဒီစကားက ဘာမှ မှားယွင်းမနေပါဘူး။ ဒါပေမယ့် မနေ့ညက ဖုန်းဖြင့် တစ်စုံတစ်ယောက်ရဲ့ လိင်ပိုင်းဆိုင်ရာနှောက်ယှက်မှု ခံထားရတဲ့ ရှုစစ်နျန်တစ်ယောက် သူ့မျက်နှာမှာ ခံပြင်းနှာကျည်းမှုတို့ ပေါ်ထွက်လာရသည်။ သူက ချွီချန်ကို စူးစိုက်ကြည့်ကာ ပြောလိုက်၏။
" ချွီချန် တော်လောက်ပြီ..ငါ ဒီကို စကားပြောဖို့ရောက်လာ အမ်း စီးပွားရေးကိစ္စပြောဖို့ လာခဲ့တာ...wowo ကို မဟုတ်တာတွေ လျှောက်ပြောမနေနဲ့တော့"
ချွီချန်က သူ့ရဲ့တကယျ့တညျကွညျလေးနကျနတေဲ့ဒီလျုပုံစံလေးကို ကြွေတာဖြစ်၏။ ဒီလိုပုံစံလေးက သူ့ရဲ့ရှက်ရွံ့မှုကို ဖုံးကွယ်တဲ့နည်းလမ်း ဖြစ်ပုံပါပဲ။ သူက အကြိမ်အနည်းငယ်လောက် ရယ်မောလိုက်ပြီး ထို့နောက်မှာတော့ သူ့မျက်ခုံးကို ပင့်လျက် ဆံပင်သပ်ကာ ပြောလာ၏။
YOU ARE READING
တန်ပြန် ( MM Translation) UNICODE
Romanceမျက်နှာ နှစ်ဖက်ရှိတဲ့ ခွေးမတစ်ကောင်နဲ့ အချစ်ပြိုင်ဘက်ဖြစ်ရတာက ကြောက်စရာ မကောင်းပါဘူး။ ကြောက်စရာကောင်းတာက အဲ့ခွေးမက သူ့ညီငယ်လေး အဖြစ် လူဝင်စား ဖြစ်နေတာပဲ ။ အဲ့ဒီ 'ညီငယ်လေး ' ဆိုသူကြောင့်ပဲ ချစ်သူကို ဆုံးရှုံးရတယ်။ အဖိုးကလည်း ကြောက်စရာ အသေဆိုးနဲ့ ကြုံ...
