ရှုရှင်းနျန်က ခေါင်းခါယမ်းကာ နှာတရှုပ်ရှုပ်နဲ့ပြောလာခဲ့သည်။
" ကျွန်တော် မလိမ်ပါဘူး။ မဟုတ်ရင် တုန်ဖန်းဆေးသုံးနေတဲ့ ဗီဒီယိုကို ကျွန်တော် ထုတ်ပြခဲ့မှာ မဟုတ်ဘူး။ သူက အိမ်မှာတောင် လက်ဝယ်ထားပြီး အဖြူမှုန့်ကို မကြာခဏ သုံးပါတယ် ။ ခင်ဗျားမယုံလို့ရှိရင် ရဲတွေ သူ့အိမ်ကိုသွားပြီး ကိုယ်တိုင်ရှာဖွေတာကို စောင့်နိုင်တယ်။
ကျွန်တော်က သူ့လက်ထဲမှာ အဖမ်းခံရပြီးသား။သူ့ကိုကလည်း တစ်နေရာကို သွားဖို့ ဖိအားပးထားတယ်။ ကျွန်တော့်အဖေကလည်း အခုထိ ဆေးရုံမှာ လဲလျောင်းနေရတုန်းပဲ။ အခု အမှန်တရားကိုပြောဖို့ ကျွန်တော် မကြောက်တော့ဘူး။ ကျွန်တော်နဲ့ ကျွန်တော့်မိသားစုအတွက် လူတိုင်းက တရားမျှတမှုကိုယူဆောင်ပေးပြီး တုန်ဖန်းလိုလူမျိုးကို တရားနည်းလမ်းကျကျနဲ့ အပြစ်ပေးနိုင်ဖို့ပဲ ကျွန်တော် လိုချင်တယ်"
" သူက ကျွန်တော့်အကိုနဲ့အတူနေခဲ့တယ်ဆိုတဲ့ အချက်ကိုတော့ ဖုံးကွယ်ထားဖို့ မလိုအပ်ပါဘူး။ သူတို့နှစ်ယောက်အကြောင်းက သူတို့ကျောင်းမှာကတည်းက မသိတဲ့သူမရှိသလောက်ပဲ။ ခင်ဗျားမယုံရင် စုံစမ်းကြည့်နိုင်ပါတယ်။ ကျွန်တော့်အကိုက ယောကျ်ားတွေကိုကြိုက်တယ်။ ဖုံးကွယ်ထားလို့မရဘူးဆိုတာ ကျွန်တော်သိပါတယ်...."
ကင်မရာမီးတွေက တဖြတ်ဖြတ်လက်လာခဲ့ပြီး ရှုရှင်းနျန်ရဲ့မျက်နှာမှာ မျက်ရည်စီးကြောင်းတွေနဲ့ ပြည့်နှက်နေလေသည်။ ကြည့်ရှုနေသူ လူတိုင်းနီးပါးက သူ့ကို ယုံကြည်သွားကြပြီး သူပြောတဲ့စကားလုံးတိုင်းက ရှင်းရှင်းလင်းလင်း မှတ်တမ်းတင်ခံထားရကာ မိနစ်အနည်းငယ်အတောအတွင်း လမ်းပေါ်မှာ ပျံ့နှံ့သွားတော့သည်။
"ဖာ့ခ်ပဲ! ဒီခွေးကောင်က သွက်သွက်ခါနေပြီပဲ! မျက်လုံးဖွင့်လျက်တန်းလန်းနဲ့ အဓိပ္ပါယ်မရှိတာတွေ ဆက်တိုက်ပြောနိုင်တဲ့ ယောက်ျားမျိုး မြင်တောင် မမြင်ဖူးဘူး!"
လျိုရှောင်းမောင်တစ်ယောက် ရိမုကို ကောက်ကိုင်ကာ TV screen ပေါ် ပစ်ပေါက်လိုက်လေသည်။ wowoလေးခဗျာ ကြောက်ရွံ့သွားရပြီး ခုန်ထလိုက်တာကြောင့် သူ့ပါးစပ်ထဲက ကောက်ညှင်းထမင်းလုံးပင် နင်လုနီးပါးဖြစ်သွားရရှာသည်။
YOU ARE READING
တန်ပြန် ( MM Translation) UNICODE
Romanceမျက်နှာ နှစ်ဖက်ရှိတဲ့ ခွေးမတစ်ကောင်နဲ့ အချစ်ပြိုင်ဘက်ဖြစ်ရတာက ကြောက်စရာ မကောင်းပါဘူး။ ကြောက်စရာကောင်းတာက အဲ့ခွေးမက သူ့ညီငယ်လေး အဖြစ် လူဝင်စား ဖြစ်နေတာပဲ ။ အဲ့ဒီ 'ညီငယ်လေး ' ဆိုသူကြောင့်ပဲ ချစ်သူကို ဆုံးရှုံးရတယ်။ အဖိုးကလည်း ကြောက်စရာ အသေဆိုးနဲ့ ကြုံ...
